|
بعد ماشاهدت مباراة النصر والاتحاد ايقنت ان فكر المؤامرة في روسنا فقط!!!! السلام عليكم ورحمه الله وبركاته اسعد الله أوقاتكم بكل خير نعم بعد ما شفت مباراة الاتحاد أمام النصر وكيف كسب المباراة بالروح وبالهمة والإصرار والإرادة تأكد ان فكر المؤامرة كلام فااااااضي ولا اساااس له من الصحة لانه لايوجد دليل على ذلك !!؟؟ اتركوا مني الخرابيط الفاضية (وكان ومان) الحين الوووممم فقط على الاعبين فقط الاعبين الاعبين انتم يالاعبين خلو عندكم ذرة احساس وحسوا فينا كجماهير أمامكم ثلاث نهائيات يجب الفوز فيها نعم الفوز فقط غيره ( لن نغفر لكم)!!!!! انتم ياجماهير الزعيم صبيتوا جام غضبكم على الريس والمدرب وتركتم الاعبين الذين يتحملون كل ماحصل في المباريات السابقة ولاتجعلون الفكر المؤامراتي يتغلغل فيكم ويفرق ما صنعتوا زمان إذا الفريق صار فيه دروب كنا نصب جام غضبنا على الاعبين ونحن نعلم ان المباراة كانت تسلب منا عن طريق الحكام والجان وغيرها!!!! ولكن كنا مع الفريق ونشد من ازر الاعبين والحين ادخلنا موضة جديدة وهي فكر مؤامرات وكلام فاضي ما يأكل عيش!!!! راينا الليلة كيف استطاع الاتحاد ان يتغلب على الفار واللجان والحكم وووو رأيت الاعبين يحترقون من اجل الشعار ؟!! حتى ولدنا عبدالله العمار ماعرفته حسبته ربرتوكارلوس من الحماس الزايد 😂 وأخيرا ارجوا الوقوف مع الفريق من مباراة بكرة لانها تعتبر نهائي ونعبئ الملعب وان شاءالله تعالى الفوز ولا غيرة وسلامتكم.... |
يعني بتفهمنا ان عمر خربين راح للفريق المصري بارادته؟ او ان سامي استقال من تلقاء نفسه؟ وان جيسوس الذي كان متصدر بفارق 6 نقاط كانت اقالته فعلا بسبب انه ليس ندرب عالمي وانه يشخمط على الجدران ؟ وان اصابه عطيف وغيره من اللاعبين فعلا اصابه قويه ؟ وان خليل جلال جاء للجنة لكي يكون عادلا؟ وان الفار كان موجود لمصلحة الهلال ؟ يا اخي اللاعبين بشر ويحسون وعندما يشوفون كل هذا التلاعب زالظلم وعدم الاستقرار بالتاكيد ماراح يعطونك مستوى وسط تدخلات وتغييرات وظلم يراه البعيد قبلهم اقول هذا الكلام بالرغم اني ضد كادش والدوسري والشلهوب وقله من اللاعبين الذين لايستحقون شعار الهلال لقلة او هبوط مستواهم |
محد يقول ان فيه مؤامرات لكن خلني اللعب بالتشكيله الاساسيه زي الاتحاد خلني اللعب بفريقي اللي كل الناس تعرفه وابشر بالنتائج والا تدري ابسطها لك طلع فهد المولد و فيلانويفا ودا كوستا و بريوفيتش وسانوجو وخله يلعب قدام مرابط وحمدالله وجوليانو وموسى بالروح ونشوف تفيده والا سواليف :d |
المؤامرة الداخلية اخطر من المؤامرة الخارجية .. الهلال تأمر عليه رئيسه ومدربه |
إقتباس:
مع احترامي الشديد لرأيك مافهمت موضوعي لكن أتكلم عن الروح الروح الروح الروح فريقك مغير يتناقلون الكورة بدون لعب يحسسونك انهم بيكملون واجب ويمشون مافيه احساس بالمسؤولية البريك مشحون وأخطاءه بداييه وزد عليها صياحه على الحكم وأخذ كروت على الفاضي ادواردو وفلسفة غير مبررة وبرود ولا همه الفريق (شف ضياع بلنتي الاهلي وردة فعلة ) وغيرة الكثير للأسف الاعبين ولا غيرهم يتحملون كل ماجرى للفريق |
إقتباس:
والله لونهم يحرصون على الفريق وإلا فيهم ذرة غيره على الفريق انهم ما يتعادلون مع الرائد والوحدة والفيصلي ويخسرون من الحزم وطقته ويلعبون بحماس ويحسسوني بانهم فعلاً خسروا بشرف لكن ما أقول الا لعيبتك طايحين في ناس ادخلوا فكر المؤامرة والخراب والكلام الفاضي !! |
اخوي صقر المؤامرة اللي نتكلم عنها نفس المؤامرة اللي شالت سييرا من الاتحاد اول الدوري وجابو لهم سباك بغى يهبط بالاتحاد من الدوري الممتاز وبعد خراب مالطة رجعو سييرا وشف وش سوى عرف يوظف اللاعبين صح وارتاحو اللاعبين وقدمو كل ماعندهم ونفس المؤامرة تم حياكتها على الهلال باقالة الجابر و تعيين الدرباوي مكانه ومن ثم اقالة جيسوس وجلب السباك زوران وعفس الفريق فوق تحت وتكلمنا وصحنا ولكن لاحياة لمن تنادي هنا المؤامرة اللي نتكلم عنها لما تتكلم عن روح الفريق داخل اللاعبين انا ودي اعرف كيف تبي لاعب يحس بالفريق وهو يشوف رئيس النادي ماهمه الفريق وتاريخه ولاهمه اللاعبين وروحهم كيف تبي اللاعب يحترق في الملعب كيف تبي لاعب يلعب في غير خانته ويطلب منه تقديم المهام في الخانة الجديدة وهو لا يستطيع وفي النهاية تكون المحصلة ان الجماهير تصب جام غضبها عليه فاكيد ان اللاعب سوف يخرج من جو المباريات الى جو الهواجيس والتوهان وللاسف لا يوجد اي تحضير من الادارة ( ماغير هياط اعلامي ) تصاريح تخرج من رئيس نادي درباوي والله اقل مشجع هلالي ما يصرح بها فريق كان يضرب بالاربعة والخمسة وكل الوطن العربي كان يتكلم عليه في الاخير صكنا التعاون على ارضنا ووسط ملعبنا 5-0 وجايني تقول مؤامرة في روسنا يا رجل اذا انت ما قدرت تشوف الامور الغير الواضحة لا تتهم اللي شافوها وحسوها ابيك تعلمني الاتحاد كانت عنده روح قبل رجوع سييرا؟ بالعكس كان فريق كل الفرق تتمنى تقابله على شان تحصد منه النقاط ولكن بعد ماعاد الامور الى مكانها شف كيف صار |
إقتباس:
اخوي الغالي أنا أتكلم عن الاعبين ليش يسكت عن حقة مو من حقة انه يبدع ويقدم كل ماعنده لاعبين للأسف الشديد ما يحسسك انه مهتم تدري!!! بختصر عليك الكلام: ليش مايلعبون ماني قايل مباريات الموسم بس يعطوني عشرين مباراة من الموسم كامل(أنا طيب) زي مباراتنا مع الزمالك المصري والدحيل القطري والشوط الأول من مباراة الاتحاد السكندري والاتفاق والوحدة في الدور الأول ممكن تجاوبني؟؟؟ |
حتى لو في مؤامرات تحاك ضد الهلال لاعبينا انهزامييين بطريقة بشعه لا يملكون اي قتاليه اللاعبين جزء من اللعبه وطبيعي يتحملو نسبة من العك اللي بيصير |
لكن أين الإتحاد طوال الموسم وكاد يهبط !!! لأنه وضع على رأسه رئيس ضيع النادي وبعدها تم التصحيح بعودي لؤي ناظر والمدرب سييرا لكن عندما كان الهلال يتخبط لم يتدخل احد ويغير المدرب والرئيس ولذلك خسرنا من النصر وخسرنا اشياء عدة بسبب الإبقاء على هذه الإدارة نعم في مؤامرة كبلت الهلال لو كان في رئيس نادي صاحي ومدرب مميز كان خلصنا الدوري من زمااان وكان أكلنا النصر في المواجهات لو الإتحاد لم يتم تغيير ادارته ومدربه كان خسر من النصر رايح جاي |
سؤال لصاحب الموضوع هل كان الاعبون يستلمون رواتبهم بإنتظام ؟ فقط نريد منك جواب قبل مبارة الاستقلال صرف لهم الامير أحمد بن سلطان راتب وبالامس الامير فهد بن محمد راتبين إذا أين هيئة الرياضة من هذا ؟ بل والأدهي والأمر ومعلومة متأكد منها رد الإدارة على الاعبين إذهبوا واشتكو لايوجد لدينا رواتب |
عزيزي الفاضل: لما يقال سامي ثم يتبعه المدرب العالمي الجميل جيسوس وهو لا زال متصدر الدوري وبعد النتائج الجميله التي قدمها زوران بداية قدومه يدلي الرئيس بتصريحات لسحبت اللعب خارج الملعب ثم رمى بالمسؤوليه الاداريه حول القضايا الشائكه في قضيتي العويشير والقرني الى مدرج الهلال, كل هذا دليل زعزعة الهلال والتأمر عليه وللأسف انها اتت من داخل المحيط الهلال لتنفيذ اجندة الاثاره والمتعه !!!! |
الله يذكر وجه السعد بالخير كان نادر الظهور إعلامياً ولا يعرف خرابيط ولا مناكفات تويتر وغيره همه الأول والأخير العمل ثم العمل ثم العمل بصمت وهدوء وبدون (إثارة) وضع الجماهير نصب عينيه وعمل من أجل رفع مستوى الفريق الحين ما نشوف إلا خرابيط بزران هياط وصياح في التويتر ومناقر فلان وعلان وطبيعي تكون المحصلة والنتيجة اللي نشوف |
إقتباس:
التوظيف الصح لأمكانات اللاعبين وعمل سييرا لا يمكن انكاره وروح لاعبين الاتحاد .. من علامة الزاوية في الهجوم لعلامة الزاوية في الدفاع .. بالأمس كان أكثر ما يقابل لاعبين الأطراف في فريق النصر هم لاعبين الوسط في الاتحاد ياخي في الهلال حتى الاظهرة ما تدري وين يسرحون قلوب الدفاع هي اللي تقابل لاعبين الأطراف في الفرق الثانية على أطراف منطقة جزاء الهلال ونقول ليه تجي الأهداف |
إقتباس:
الإدارة هي اللتي تستحق الثناء عند النجاح واللوم عند الفشل لأن كل شي يمر من خلالها اختيار المدرب واللاعبين الاجانب والمحليين وهو من يهيء فريقه للمنافسات نفسيًا وبدنيًا و... و... و... |
| الوقت المعتمد في المنتدى بتوقيت جرينتش +3.
الوقت الان » 12:27 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd