أمة الهلال العظيمة
أنا متابع قديم للهلال ولا زلت أعتبر ان سر الهلال اهتمامه بالمحاور الدفاعية بدًْا من عبادي الهذلول ومرورًا بسيرجيو الرازيلي وخميس العويران وخالد عزيز ةعمر الغامدي ورادوي ... وكان سر من أسرار تفوق الهلال وتقليل مستوى لخبطة الدفاع فيه هو محاور الدفاع ...
المباراة الأخيرة للأهلي سأتحدث عن حالتين تبين مدى تدني فهم اللاعبين لمركزهم وانضباطهم التكتيكي
اللقطة الاولى :
الكرة ترسل خلف الدفاع وهو خلل بين الشهراني والبليهي .. ولكن المفروض تنتهي بدون ما تكون هجمة خطيرة لو تصرف لاعبين المحور بطريقة صحيحية :
البليهي يحاول يلحق اللاعب وبوتيا عارف وين يبي يروح والبريك تفكيره صح مغطي اللاعب الأهلاوي .. لكن ركزوا على المحاور والشهراني كان وراهم لاعبين من الاهلي
شوفو وشصار بعدها :
واضح ان بوتيا يبي يسكر الطريق والبليهي يبي يوصل اللاعب والبريك مغطي اللاعب اللي بجنبه لكن المحاور والشهراني ما يدرون وين يبي يروحون يتمشون
بعدها تفكير بوتيا صح لان البليهي وصل وبوتيا تمركز صح هو اللي انقذ الكرة بعد توفيق الله لكن المحور الاول اختفى والثاني كنو واصل خط الـ 18 قبل أي لاعب أهلاوي والبريك مغطي صح والشهراني ما يدري وين يروح
اللاعب الاهلاوي ما عنده خيارات بوتيا متمركز والحارس والبليهي مغطي والبريك واقف أمام الاعب الاهلاوي ما فيه حل إلا يلعبها عرضية وقبل شوي محاورنا واصلين خط الـ 18 واحد منهم اختفى الظاهر وقف ينتظر الكرة والشهراني يركض لكن شوفوا اللاعب الاهلاوي اللي دخل بين المحور كنو والشهراني هو اللي سدد العرضية .. واللاعب الثاني واقف على القوس ينتظر ترتد الكرة أو تجي له في غياب تام عن المتابعة والمحور الثاني مفقود
اللاعب الاهلاوي يختار الخيار الوحيد السليم ويمرر عرضية والظاهر يدرون عن شغل المحاور عندنا واللاعب الاهلاوي اللي جاي من بعيد يسبق كنو والشهراني ويسدد ولكن تمركز بوتيا أنقذنا بعد الله سبحانه
لاعب الأهلي يسدد وبتيا يصد أو يلتحم معه والبريك مغطي اللاعب اللي وراه ولكن المهم إن المحور الثاني وصل متأخر وكان فيه لاعب على القوس من الأهلي ينتظر ولكن لطف الله إن الكره ما اتجهت له
السؤال هل المحاور يعرفون دورهم في الملعب وإلا لا .. لأن هذي الأخطاء لا يمكن قبولها من لاعب هاوي فكيف بلاعب محترف ولا ؟
صورة أخيرة للكارثة
___________________________
الخطأ الثاني :
لاحظ بوتيا كان نظره على اللاعب اللي امامه علشان متابع الكرة واللاعب ... لكن البريك كانت الكرة له ووقف ينتظرها وهذا الغلط لأن لاعب الأهلي بدا يتحرك وكان رايح يسار وعدل من حركته ورجع يمين وراح للكرة والبريك واقف مكانه
البريك شوي ويجلس على الأرض ينتظر الكرة تضرب راسه ولاعب الأهلي يتحرك للكرة وقراها صح وسبق البريك لها
لاعب الأهلي يصل الكرة وينزل لها ويضربها والبريك جالس ينتظر
والسؤال :
البريك تمركز صح في الكرة الأولى وارتكب خطأ في الكرة الثانية .. فهل الخطأ على البريك أو على المدرب وهل الصح يحسب للبريك أو للمدرب ..
المدرب سيء واتفق من الكثير هنا ... لكن هل نحمله كل شيء حتى إذا سرح اللاعب بتفكيرة وشرد ذهنه يتحمله المدرب؟؟؟
هناك أخطاء تعتبر من ضمن فهم اللاعب الكروي وتفكيره ولا علاقة للمدرب بها ... صحيح أن المدرب مسؤول عن محاولة التقليل منها ومحاولة رفع مستوى اللاعب الكروي ومستوى تفكيره ولكنها بالأول والأخير مسؤولية اللاعب ..
الكرام الذين يمرون على الموضوع أتمنى رأيكم وأشكركم على المرور ورحابة الصدر