هل تتفقون معي
 

اتفق معك وبقوة أخي الكريم
وأضيف من المرات النادرة إذا لم تكن أول مرة أشوف الهلال دفاعة ووسطة الدفاعي " شوربة خضار"
وطول المباراة أبحث عن هجمة وحدة منسقة للهلال لم أشاهد ...
كذبت نفسي وقلت يمكن من الحماس ورجعت للملخص وما لقيت بعد ..
والله لولا الشعار اللي لابسينه ما عرفت انه الهلال !!!! كأنه فريق من الدرجة الأولى يقابل الأهلي و إلا الدرجة الممتازة يجي لها على الأقل هجمة في كل شوط ..
الله يستر من القادم لكن كلنا أمل نتجاوز هذي المرحلة الصعبة

بلانا من سوء تمريرات اغلب اللاعبين

زوران ليس كل المشكلة

المشكلة خلو التكتيك على جنب ... بعض اللاعبين يفتقد للفكر السليم ( هذا شي ما للمدرب دخل فيه )
البريك كان أقرب للكرة حقت هدف الأهلي لكن وقف ولاعب الأهلي قرا الكرة ورجع من مكانه وجا قدام البريك وضرب الكرة والبريك ينتظرها ؟؟؟
المحاور يتمشون ويجي لاعب وسط الاهلي من بينهم ويسبقم ويدخل خط ال18 ويشوت الكرة العرضية من بينهم ولولا الله ستر وكان بوتيا متواجد واشترك معه كانت هدف ..
بوتيا كانه يلعب لوحده في الدفاع اليوم وبالذات الشوط الأول <<< انا ما كملت المباراة ما تحملت أتابع
طبعًا الهجوم والوسط " حدث ولا حرج "
والشيء المخيف ان التعاون هذا أسلوب لعبه .. مسجل أهداف أكثر من الأهلي وعليه اهداف تقريبُا مثل اللي على الهلال يعني متراجع دفاعيًا وهجوم قوي و يعتمد سرعة نقل الهجمة مثل هجمات الاهلي اليوم ...
المعيوف كان رجل المباراة
قوميز لازلت أقول لا له ولا عليه هو لاعب صندوق إذا الفريق فشل يوصل كرة لخط 18 الأهلي ما ألومه
المحاور الشوط الأول صفر على مستوى الدفاع
الشهراني ليته ما يتقدم وتكون خانته ممر والبليهي يغطيه وبوتيا يغطي البليهي ويضيع الدفاع بهاللخبطة
المفروض المدرب على الهحالة ينسى الأظهرة كمفاتيح هجومية ويعتمد عليهم في تكثيف الوسط فقط وزيادة عددية ويلعب بمحور واحد ويكون مهمته تأمين قوس منطقة الجزاء ويلعب بصانعين لعب وثلاثة مهاجمين

اتفق معك ... زوران مشكلة وحدة ولكنه مهما كان لا يمكن ان يتحمل كل شي
بعض اللاعبين أدائهم مشكله في الملعب لكن اللي يقدر المدرب يغيره وفيه بديل يتحمله المدرب واللي ماله بديل الشكوى لله

يستاهل المعيوف .. بطل

إنتقدناه في مواضع .. وأتى اليوم الذي ننصفه ونفيه حقه

الله يتمم عليه وعلينا بالخير ،،

بالتأكيد المعيوف مع زوران غير صحيح كثرة المشاركات مهم لكن أيضا المعيوف تغير كثيرا فالوزن وردة الفعل ويستاهل البطل
التشكيل مان فيه أخطأ بالذات الشوط الأول ثلاث فرص مقابل فرصة وحيدة ومع نزول الخيبري والعابد تغير شكل الفريق ولكن يبقى الشيخ ادواردو يتمشى بالملعب لا يصنع ولا يقطع فقط يجري على خفيف (من كانوا يهاجمون جيسوس من أجل ادواردو نبي حكمهم الآن وزوران معطية خانة مضمونة على طول)
(هتان يحتاجاخصائي قدرات الموضوع بسيط ترى حقيقي صرت تلعب بالهلال قليل من الهدؤ تستطيع تقديم نفسك)
يفترض على زوران إشراك اليامي كمهاجم اطراف مع قوميز بدل المتبطح ادواردو وإعادة النظر في ركن الخيبري بالاحتياط في المباريات القوية .
بلنتي الشلهوب تفداه وبلنتي ادواردو يجب محاسبته عليها فما يقدمه استهتار بالفريق

اليوم الهلال هو المعيوف اولا
ومن ثم بوتيا تفوق على نفسه
البليهي نقطة ضعف
وخاصة مع تقدم الشهراني وضعف المحور