المباراة القادمه مع الإتحاد مصيريه له وللزعيم
الإتحاد مهدد بالهبوط وسوف يلعب مباراة إنتحاريه للهروب من مؤخرة الدوري وعلى مدى التاريخ تميز خط دفاعه بالإنبراشات واللعب العنيف على لاعبي وسط وهجوم الفرق المنافسه وتكاد تكون طريقة اللعب تلك " إرث" تاريخي وحصري للاعبي الإتحاد ...
منذ قليل تصفحت منتدى الإتحاد " من باب أدرس خصمك " ووجدت موضوعا يحرضون فيه على ضرب إدواردو من بداية المباراة لتحييده وإنهاء خطورته !!
وأنا شبه متأكد أن الضرب والإنبراشات سوف تبدأ مع بداية المباراه لتعويض النقص في المستوى والمهارات ..

الحذر الحذر يااداره ولاعبين وجماهير وأتمنى من المدرب توجيه اللاعبين بعدم الإحتفاظ الزائد بالكره واللعب من لمسه واحده .
اللهم بلغت اللهم فأشهد

الله يستر على لعيبة الهلال من الاتحادين السعودي والمصري
ثانيا دواردو مراح يلعب اما الاتحاد السعودي للايقاف
من قبل لجنة النصر

كل هذا عشان لا يشوفون هالمنظر الي اوجعهم وارق مضاجعهم ونساهم طعم النوم

مقال مفيد ويعطيك العافية
الاتحاد امام الهلال كانه فاك ملحمة
وامام باقي الفرق قط وديع

ادواردو مو لاعب الخوف وكل الخوف على قوميز ياليت ينتبه لنفسه منهم

الله يحفظ لاعبينا

يعطيك العافية

إقتباس الرسالة الأصلية كتبت بواسطة هلاليه زي القمر ادواردو مو لاعب الخوف وكل الخوف على قوميز ياليت ينتبه لنفسه منهم الله يحفظ لاعبينا يعطيك العافية

مبروك الفوز يازعماء💙💙
الزعيم دك شباكهم ومن خلفهم بثنائيه كانت قابله للزياده
خرجنا من تلك المباراة باقل الخسائر

بيض الله وجهك
هذي المواضيع المهمة للفريق وتوقيتها ممتاااااز
أتمنى الحذر منهم لأن أعصابهم رايحه فيها
وهناك كمية كراهية من أندية جدة لأندية الرياض
خصوصاالهلال.
المباراة مهمة جدا وبعدها مباراة مهمة مع الإتحاد السكندري
أخشى أن تتكرر مباراتنا مع الغرافة 4/2
اللي بغت تجينا جلطة بسببها .
أتمنى أن تكون هناك تهيئة نفسية مضاعفة للمباراتين هذي بالذات
وأن تطالب ادارة الهلال بحكام على مستوى عالي لادارتها
وأن يطالبوا بحقوق الفريق الهلالي ولاعبيه بدون مجاملات .

بالعكس اذا جلسوا يحرضون لاعبيهم على العنف فبالتأكيد سيتم طرد اللاعب ومن ثم ينهارون صحيح مطلوب من لاعبينا الحذر لكن عادي اي اشتراك يطيح اللاعب وعندها سيتم إنذار لاعبهم ويخافون الطرد .
رغم أن الهلال أفضل بكل المقاييس لكن الاتحاد اذا طلع بالفوز أو التعادل فهذا يفيدهم أكثر من الهلال لان الهلال يبقى له مباراة أمام الفقر والهلال الافضل لذلك حتى في حال انهزم الهلال أكثر من مباراة فالامور بيده

فعلا
تونا نتطمن على فريقنا عناصريا ...
فريق ضعيف فنيا سوف يحاول ان يعوضه بالحماااس مع جمهوره
والحماس يولد الانبراشات .
نخسر مباراة ولانخسر لاعب مهم لنهاية الموسم لاقدر الله ..

شكرا لكل المتداخلين ...
يقال قديما ..من فمك ندينك ..أنقل لكم حرفيا ماكتبه أحدهم في منتدى الإتحاد الرسمي ..
تحريض صريح لإصابة لاعبين محترفين بمستويات عاليه زادت من قيمة الدوري ودفع فيهم الزعيم ملايين


(لو سيطرنا على البريك تضل هناك خطوره ولو سيطرنا على جوميز تضل خطوره

لكن لو اخرجنا جيوفينكو من جو المباراه تقل وبسرعه خطورة البريك وجوميز

ولو قدرنا نطلعه مصاب ونحيده تماما يكون افضل

ارجوكم لاتربطون بين تحريضي للاعبين ضد جيوفينكو وبين الروح الرياضيه

انا احرض لاعبين الاتحاد ل اللعب بخشونه ضد أسماء معينه

لان الشغله ماعاد فيها روح رياضيه

الفار يلغي حقوق الاتحاد والحكام عندهم غضبه ضد النادي

والفريق بهبط

وكل مباراه هي نزال حياه او موت

ترتاح الروح الرياضيه شويه لين يخرج الاتحاد من ازمته وبعدين نتفاهم

المهم الان الفوز وعلى اللاعبين ان يدركو ان كل طريق يجلب الفوز حتى لو انتفت الاخلاقيات عنه)!!!

إقتباس الرسالة الأصلية كتبت بواسطة نارالنشاما شكرا لكل المتداخلين ... يقال قديما ..من فمك ندينك ..أنقل لكم حرفيا ماكتبه أحدهم في منتدى الإتحاد الرسمي .. تحريض صريح لإصابة لاعبين محترفين بمستويات عاليه زادت من قيمة الدوري ودفع فيهم الزعيم ملايين (لو سيطرنا على البريك تضل هناك خطوره ولو سيطرنا على جوميز تضل خطوره لكن لو اخرجنا جيوفينكو من جو المباراه تقل وبسرعه خطورة البريك وجوميز ولو قدرنا نطلعه مصاب ونحيده تماما يكون افضل ارجوكم لاتربطون بين تحريضي للاعبين ضد جيوفينكو وبين الروح الرياضيه انا احرض لاعبين الاتحاد ل اللعب بخشونه ضد أسماء معينه لان الشغله ماعاد فيها روح رياضيه الفار يلغي حقوق الاتحاد والحكام عندهم غضبه ضد النادي والفريق بهبط وكل مباراه هي نزال حياه او موت ترتاح الروح الرياضيه شويه لين يخرج الاتحاد من ازمته وبعدين نتفاهم المهم الان الفوز وعلى اللاعبين ان يدركو ان كل طريق يجلب الفوز حتى لو انتفت الاخلاقيات عنه)!!!

الله لا يوفقهم جماهير سيئه وشحن للاعبينهم جعلهم يهبطون ويفكونا شرهم

حقيقة لا اخاف على لاعب كثر ما اخاف على قوميز لانه ليس لدينا بديلاً له وفي نفس قوته ومهاراته فلو لا قدر الله اصيب فسوف نعود للمعتوه ريفاس اعاذنا الله واياكم منه

فاتمنى من المدرب ان يجرب اشراك سوريانو ان كان جاهز فمنها ان يدخله جو المباريات ومنها لكي يرهق الاتحاد الشوط الاول ومن ثم يزج بقوميز في الشوط الثاني لحسم النتيجة ان لم تحسم في الشوط الاول

وبالتوفيق للزعيم والله يحفظ لاعبينا من الاصابات

احترامي وتقديري
اخوك
شقاوي

إقتباس الرسالة الأصلية كتبت بواسطة shqawe حقيقة لا اخاف على لاعب كثر ما اخاف على قوميز لانه ليس لدينا بديلاً له وفي نفس قوته ومهاراته فلو لا قدر الله اصيب فسوف نعود للمعتوه ريفاس اعاذنا الله واياكم منه فاتمنى من المدرب ان يجرب اشراك سوريانو ان كان جاهز فمنها ان يدخله جو المباريات ومنها لكي يرهق الاتحاد الشوط الاول ومن ثم يزج بقوميز في الشوط الثاني لحسم النتيجة ان لم تحسم في الشوط الاول وبالتوفيق للزعيم والله يحفظ لاعبينا من الاصابات احترامي وتقديري اخوك شقاوي

اتفق معك
======================