إذا فاز الزعيم يقولون دوري ضعيف ... إذا تعثر يقولون ولع الدوري
نادي واحد .. يتحكم في رتم دوري كامل .. وهنا تكمن عظمة (الزعيم)

من جد ضيعوا ثلاث نقاط كانت مقدور عليها
يعني متبقي تقريبا وقت بسيط مو قادرين تحافظون على مرماكم فيه !!
انا اللي قهرني هدفهم لما جا دفاعنا صايرين ضيوف شرف
يتفرجون على الكوره وهي تتناقل وتتمرر وهي توصل لبابنا !!
دفااااع من جد قممة المسخره بهالهدف
وكالعاده تضييع فرص وعشرين ركنيه على فشووش
وكل ماتقدم الوقت اعطى اريحيه وثقه وتركيز للخصم وضغط كبييير للاعيبتنا
سالم وقوميز تضييع فرص وكاريو مادري كاريلو احس يلعب أي كلام ومن دون حماس او جديه
شوفوا كم كوره تمريرته فيها قممة الغباااوه وبروود واستهتار
اما البريك ورفعاته اللي كلها غلط وأي كلام وكادش هالمباراة احسه نكبة النكب
ومدربنا ابي اعرف وش عاجبه بالضبط في ريفاس واللاعب عارف بيروح
يعني هو مابدع قبل بيبدع لنا الحيين مثلاً ؟!
الفيصلي حسيت تعادلهم فايزين ببطوله من كثر ماشفت فرحتهم وطايرين فيهااا للسما
اووكي حقهم ومالنا علاقه بس ليت هالفرق مثل ماتستميت معنا وتقفل وتنتحر تلعب مع الفقر والطحلب نفس الاسلووب !!!

عموماً هارد لك زعماء والحمدلله على كل حال
بإذن الله هالمباراة كبوة جواد ونسترجع بعدها مسلسل الانتصارات الهلاليه

إقتباس الرسالة الأصلية كتبت بواسطة أبوحسام الحربي اللي يتحمل التعادل والفشل اللي صاير هو سامي الجابر فقط جلس له شهر يفاوض المدرب المغرور وعطاه بالمال لين أعماه وقام سامي يختار اللاعبين الاجانب الفاشلين على مزاجه بتقولي حنا متصدرين الدوري أقولك صح بس المقياس لفريقنا مباراة الفقر والطحالب هي المقياس الحقيقي ملاحظه كلنا نشجع الهلال مانشجع اللاعبين على حساب الكيان ولافيه أحد فوق النقد

يارجال لو فاز الهلال قدام النصر بتغير كلامك وبتمجد بالاعبين والمدرب مافي فريق بالعالم يفوز كل المبارايات مثل ماتتقبل الفوز تقبل الخساره والاعبين اليوم واضح عليهم الارهاق من مشاركه المنتخب ترا الاعبين ماهم كمبيوتررات بكل مباراه نفس الرتم ونفس المستوى

إقتباس الرسالة الأصلية كتبت بواسطة قاصدنت إذا فاز الزعيم يقولون دوري ضعيف ... إذا تعثر يقولون ولع الدوري نادي واحد .. يتحكم في رتم دوري كامل .. وهنا تكمن عظمة (الزعيم)

قالو ولع الدوري لان مباراتنا الجايه مع النصر والفارق ثلاث نقاط اذا فاز الهلال ان شاء الله بيتوسع الفارق الى 6 نقاط واذا خسرنا لا سمح الله بنصير متساوين بالنقاط وهذي حلاوة الدوري

إقتباس الرسالة الأصلية كتبت بواسطة MgnOnk773 يارجال لو فاز الهلال قدام النصر بتغير كلامك وبتمجد بالاعبين والمدرب مافي فريق بالعالم يفوز كل المبارايات مثل ماتتقبل الفوز تقبل الخساره والاعبين اليوم واضح عليهم الارهاق من مشاركه المنتخب ترا الاعبين ماهم كمبيوتررات بكل مباراه نفس الرتم ونفس المستوى

لاوالله كلامي مايتغير وأسيا راح نطلع منها بدري
أسالكم بالله هل الاجانب عندنا ممتازين وهل نستفيد منهم عدا ٢
هذه بركات سامي الجابر
كلنا ننتظر الفتره الشتويه ان شاءالله

المدرب كان يجب عليه ان يشرك جحفلي
بعد تسجيل الهدف
هاردلك

فعلاً اسواء مباراة لعبها الهلال والمدرب لك عليه - والمشكله ليه مايعطي عمر خريبين فرصة يثبت وجوده

إقتباس الرسالة الأصلية كتبت بواسطة فهد المحمدي الحربي لابد من التعاقد بالشتويه مع مدافع بدلا من الابله بوتيا

تبي الحق
الهدف يتحمله المفهي (البليهي)
هو اللي كسر التسلل
وما كان واقف صح مع زملائه (على خط واحد)

هاردلك للجميع

التعادل يتحملة اللاعبين اولا ثم المدرب

العوض بالجايات

و ان شاء البه المواجهات المباشرة مع المنافسين الاهم نكسبها و نوسع الفارق

يرجع جحفلي مكان البليهي حتى يتعدل مستواه النازل
واعطاء خربين فرصة مثل ريفاس

إقتباس الرسالة الأصلية كتبت بواسطة أبوحسام الحربي لاوالله كلامي مايتغير وأسيا راح نطلع منها بدري أسالكم بالله هل الاجانب عندنا ممتازين وهل نستفيد منهم عدا ٢ هذه بركات سامي الجابر كلنا ننتظر الفتره الشتويه ان شاءالله

اذا انت متشائم هذا شي راجع لك الهلال مقدم مستويات عاليه ولولا الارهاق ومشاركة المنتخب بالمبارتين الوديه السيئه اللي ما استفاد منها احد شي

وسامي جاب لك افضل الاعبين وافضل المدربين وعشان تعادل واحد قمنا نصيح ونطلع مليون مشكله بالفريق

إقتباس الرسالة الأصلية كتبت بواسطة صاروخ ريفالينو إن صـح الخـبر بأن الهلال سافر للمجمعة يوم المباراة ووصل قبلها بساعة !! فهذا خطأ اداري كبير تتحمله الإدارة والمنسقين وهذا سبب الإرهاق والتعـب الذي شاهدناه وتسبب بفقدان نقطتين في مشوار الدوري !!!!

ان صح هذا الخبر

الادارة و المدرب من يتحمل التعادل

إقتباس الرسالة الأصلية كتبت بواسطة wdrago مدرب الفيصلي محترم يلاعب الهلال كأي فريق اخر. يدافع كتلة وحدة وكذلك الهجوم الهلال هبوط في المستوي. وذلك بسبب كثرة مشاركة لاعبي المنتخب. يفترض يكون هناك عنصر مفاجاة من السيد خيسوس بالتوفيق للزعيم

المباراة هذي انخفاض واضح بالمخزون اللياقي والتركيز واغلبهم لاعبين المنتخب ، والله يعينا بس ويعجل بعودة المصابين