مبروك الفوز والتأهل للادوار القادمة من البطولة العربية .
مباراة متوسطة وضح تأثير غياب البريك بالظهير الأيمن وكان يفترض إشراك البقعاوي وبقاء الشهراني باليسار حيث لم يقدم كادش اضافة بالظهير الأيسر ولم يقدم الشهراني اضافة بالظهير الأيمن (الترقيع) أيضا كان يجب إشراك الخيبري ولو وقت بسيط لانه لا يوجد بالهلال محور دفاعي غيره وايضا اتمنى منح فلاته فرصة المشاركة وتوجيهه بشكل أكثر
كذلك وضح تأثير غياب صانع الألعاب (عموري) وهذا ما يجعل الكثير سابقا يطالب بصانع العاب
بالتوفيق للهلال دائما

أخوي ثاير
المشكلة تعدت صناعة اللعب و الترقيع ..
فحتى مع وجود عموري و تدليعه للاعبين بالكور المقشرة مازال تسجيل الهدف أشبه بولادة متعسرة ..
المشكلة عناصرية بحتة .. وجود كم من اللاعبين بنفس المميزات ..
يجيدون تدوير اللعب و مهاريين و لكن مابهم شخص رجله تدل المرمى ..
مجرد لت و عجن بنص الملعب لمين توصل للمهاجم الثقيل أساساً بعد مرور قرن من الزمان يتناقلون فيها الكورة بالأخير المهاجم يصير غير جاهز للتمركز السليم و اختيار القرار الصحيح لأنه هلوس من كثر مايطلع و ينزل و يرجع قدام وخلف المهاجمين كل شوي يقول الحين بيمرر لي الحين بيمرر لي لين يجيه تبلد هجومي ..
فريقك كاملاً مافيه إلا ادواردو يسجل.. و المشكلة يلعب سنتر و مرات محور و مع ذلك يسجل لأنه من اللاعبين اللي يعرف المرمى..

الهلال ينقصه ثلاثة ادواردو بالوسط و اثنين ادواردو بالهجوم ..

من عندك يسجل من خارج المنطقة؟ لا أحد
من عندك متخصص رأسيات؟ لا أحد
من عندك متخصص كرات ثابتة؟ لا أحد
عندك جناح بمعنى كلمة جناح؟ لأ ..
كان سيروتي ممتاز كجناح لميزة عنده و هي الجرأة و الثقة بالتمرير و المهارة و التسديد لكن ما أخذ فرصته و جابوا لاعب أقل منه فاعلية اللي هو كارلو..
قلوب دفاعك فيهم شخص هداف؟ جحفلي فقط و قتلوه بالدكة..

وش الحلول اللي عندنا؟
مهاجمين نفس الطينة.. غير مهاريين .. يحتاجون لكتيبة تحطهم هم و الباب وجها لوجه و ماغزينا .. اي مهاجم تحطه قدام الباب بيسجل.. وانت تبي مهاجم يتحرك خفيف و عنده ميزات بالكنترول و التسديد من كل الوضعيات ..
خربين قوميز ريفاس .. نفس اللاعب مع اختلاف الاسم..

تصدق لو بقي بن شرقي و سيروتي و جابوا عموري معهم و حاولوا بهارون كمارا مع بيسمارك يمكن شكل الفريق بيكون أفضل..

الله يعطيكم العافية
وبالتوفيق للهلال الزعيم الملكي