تفاعل الجمهور - نادي الهلال السعودي - شبكة الزعيم

hamodinho · #1 20/09/2018, 12:07 AM

صراحه الافكار كثيره و الكلام يطول ..

لكن لفت نظري بعض الفرق العريقه من امثال بروسيا الالماني و برشلونه الاسباني و مان سيتي الانجليزي و ريال مدريد الاسباني و بعض الفرق الاخرى .. يكون تفاعل جمهورهم مقترن بلحظات معينه داخل المباراه

فمثلا .. لاعبين ريال مدريد اعتادوا من جمهورهم الصراخ بصوت موحد "اووررررييه" عند كل تسديده

و جمهور بروسيا .. الانتفاضه الضرب بالاقدام و هز الملعب اثناء الهجوم المكثف .. موازيا تفاعل اللاعبين و الجمهور في وقت واحد

و جمهور برشلونه .. بالتصفيق الحار عند استرجاع الكوره من الخصم بأقل من 10 ثواني

و جماهير اوروبا بشكل عام تعطي نماذج رائعه في التشجيع و التحفيز و اظهار منظر جميل ..
______________________________________

من المسؤول عن ذلك لدى جمهورنا الازرق في الملعب ؟؟

و ليش ما تطرح الافكار هاذي ع المسؤولين

go hilal go · #2 20/09/2018, 12:48 AM

المشكله عندنا بملاعبنا اذا جمهور فريق ابتكر طريقه او اهزوجه جديده ... لايتم منافسته بإبتكار شي جديد! ..
بل فقط يتم التقليد للأسف ...
وهنا تضيع هوية الإبتكار ..
يعطيك العافيه

أجدر عالمي · #3 20/09/2018, 05:51 AM

موضوع جميل وشيق ويحتاج لوقفة مجلس الجمهور الهلالي

Hooliganz · #4 20/09/2018, 07:35 AM

يرجال للحين الرابطة عندنا ما زالت على المكبرات والمواويل المخيسة كأننا جلسة طرب في عام 1410

ابوساري · #5 20/09/2018, 07:43 AM

مادامت مكبرات الصوت موجودة و كنك بحراج سيارات ماراح تستمتع بالجمهور..
مكبر الصوت مؤذي للأذن و صوته يجيب الهم لو بالملعب مية ألف متفرج ماراح تسمع إلا أبو مكبر ..
وياليت صوته زين .. يغني مواويل وصوته يجيب المرض ..
اذا الجمهور يحتاج شخص ينظم الأهازيج مايلزم مكبر ..
ماشفنا الفرق الأوروبية تستخدمه و أهازيجها جميلة ..

أنا يكفيني صوت الجمهور مع كل هجمة لنا أو ضدنا ومع كل حركة حلوة.. الباقي خل نسمع المعلق أحسن من خلفية الحراج..

ولد الحكومة · #6 20/09/2018, 10:32 AM

إقتباس

الرسالة الأصلية كتبت بواسطة ابوساري


	مادامت مكبرات الصوت موجودة و كنك بحراج سيارات ماراح تستمتع بالجمهور.. مكبر الصوت مؤذي للأذن و صوته يجيب الهم لو بالملعب مية ألف متفرج ماراح تسمع إلا أبو مكبر .. وياليت صوته زين .. يغني مواويل وصوته يجيب المرض .. اذا الجمهور يحتاج شخص ينظم الأهازيج مايلزم مكبر .. ماشفنا الفرق الأوروبية تستخدمه و أهازيجها جميلة .. أنا يكفيني صوت الجمهور مع كل هجمة لنا أو ضدنا ومع كل حركة حلوة.. الباقي خل نسمع المعلق أحسن من خلفية الحراج..

صدقت صوت الجمهور مهم وبالنسبه لتنظيم لا يوجد ( فعلا حراج )

بالتوفيق اليوم للهلال وبأذن الله فالنا التوفيق يارب