|
* السلام عليكم يا شباب وكل عام والجميع بخير والله يتقبل منا ومنكم ومن الحجاج أعمالهم. وأنا آسف لو تليقفت شوي لكن ولأن المسأله أخذ وعطى ووجهات نظر .. أبي أتكلم عن اللي صار لهلانافي إيران من وجهة نظر شخصيّه وتبون الصدز .. والله الجميع يتحمل اللي صار :_ أولا الإداره شهر ونصف بدون مدرب !! بعد نحشة بلاتشي لت وعجن ولف ودوران وكل شئ ماشي بالبركه . فرطوا في داين فاين وفرطوا في مانقوت وتساهلوا في التعاقد مع سيرجيوا وآخر شئ جابو توليو علشان التصفيات ولا قدر يلعب !!! وفوق هذا كله تدليع للاعبين!! وطائره خاصه وتاخير للسفر لأيران!! مع أن المفروض يروحون قبل التصفيات باسبوع لكن إدارة مش حالك رايحين قبلها بـ 24 ساعه!!!! ثانياالمدرب هذا أسمحوا لي أقول إنه (( مخرب )) !!! مهوب مدرب كل يوم له رأي وكل مباراة له خطه وكل شوط له تشكيله أفقد اللاعبين التجانس وأفقدهم الثقه في أنفسهم لأن سياسته ليست البقاء للأصلح ولكنها سياسة (( لا تزعلون ياشباب بتلعبون بالدور ))!!! وهالطريقه تحطم الاعب المكافح واللي شاد حيله !! ومدام الدعوه بالدور والله لو تحضر التمرين بثوبك بتضمنها أساسي !!! ثالثاالاعبين اللاعبين يطولهم بعض اللوم خصوصا في المباراة الأخيره !! ومافيه داعي أذكر أسماء لأنكم أكيد تعرفونهم . وطبعا الاعبين ماينلامون مدام وراهم إدارة مشي حالك !! ومدرب (( بالدور ياشباب ))!!! رابعا الملعب وصراحه مهيب غريبه على الأتحاد الأسيوي هالحركات اللي مثل وجهه!!! والا ملعب أزادي هذا والله العظيم (( روضة خريم )) أحسن منه مليون مره !!!! ملعب نصه مزروع والنص الثاني محروث !! ومع ذلك الاتحاد الآسيوي!!! مبسووووط جدا من تنظيم الإيرانيين للتصفيات !!! والاتحاد الأسيوي إتحاد المجاملات!!! ما هان عليه يرفض طلب إيران!! في التنظيم!! وكله يهون في نظرهم مدام الهلال هو المتضرر الوحيد !!! . خامسا التحكيم !! صحيح فيه أسباب غير التحكيم لكن إضدهاد الهلال في المسابقات الآسيويه!! مازال يتنفس !!! والحكم الياباني (( مسير )) وليس (( مخير )) يعني بالعربي ينفذ كلام معازيبه!!! واللي يبي يعرف منهم معازيبه!! يرسل لي على بريدي !!! لأني خايف يقشع موضوعي بسبب صراحتي !! . عموما لا يفرح الايرانيين ولا الكازاخستانيين بالتأهل !! لأنهم بيشوفون الويل في النهائيات من بيتر فلمبان وربعه !!! اللي يمشون على رغبة أسيادهم (( كوريا واليابان ))!!!!! وفي الختام تقبلوا من هلالي مقلع !!! التعازي القلبيه في عدم التأهل . |
| الوقت المعتمد في المنتدى بتوقيت جرينتش +3.
الوقت الان » 04:36 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd