ترا العنوان ماله شغل بالموضوع

زبده الموضوع انى قررت والعياذو بالله من كلمه قررت ---- وش يبى ذا قررت انى اتزوج وقعدت

اسئل عن بنيه الحلال اللى بتتوهق وتأخذنى قالت لى وحده عندى لك فلانه بنت فلان اللى جدها

فلان وترا ابو جدها فلان يقرب لجدك فلان وخال امها فلان اللى ذيك السنه طاح من فوق البعير

وانكسرت رجله يوم انه منحاش من عمك فلان وعم ابوها فلان هو اللى غزا قبيله فلان هاك

السنه ويوم جاء تقسيم الغنايم صاح عليهم وقال (ايدين البلاى ستيشن لى) واخوها الكبير فلان

يشتغل بالمكان الفلانى توكلنا على الله قومى خلينا نركب سيارتى الفلانيه ونروح لابو

فلان نخطب بنته فلانه قالت اعذرنى اليوم معزومه عند جارتى فلانه باروح لها واشرب

قهوه فلان واكل تمر الفلان قلت لها اجل باروح لصديقى فلان وانقز معه للسوق

الفلانى باشترى لى كم شماغ فلان ودرزن سراويل فلان مريت على فلان واخذته يوم

وصلنا عند السوق الفلانى الين الفلان مقفلين الشارع وتفتيش قال اترك السوق وخلنا نروح

نكمخ لنا معسل فلان وبراد شاهى الفلان وصلنا لقهوه فلان وطلبنا معسل فلان وبراد الفلان

وهات ياحش بفلان طبعا فلان هذا صديقنا من ايام مدرسه فلان الابتدائيه ههههههه الله يذكر مديرها

فلان بالخير ومادرينا الا هذا فلان صديقنا طاب علينا ----- ترا فلان اللى طب علينا غير

فلان اللى كنا نحشه وبعد ماكمخنا كم راس معسل طلعنا ندوج بالشوارع ومن كثر مادجنا مرينا من

عند بيت المدرس فلان اللى كان يدرسنا بمدرسه فلان الثنويه والينه قاعد يحمل عفشه

بيسافر لديرته الفلانيه وش العفش اللى معه تصدقون كاتب فوق العفش السياره تحت

ماشاء الله عليه ماخلا شى ;) ثلاجه ،فرن ، مكيف ، غرفه نوم ، تلفزيون لدرجه ان ولده

هالدب ماقدر يدخل السياره من كثر العفش الا بعد مامردغه بصابون يوم ركب ابوهم ماانصك

الباب الا يوم فصخ ساعته وحطها مع العفش


زبده الموضوع :

1- فلانه اعرست على ولد عمها فلان ومن القهر نسمت كفرات سيارتى -- هههههه انهبل

2- المعسل يعور الصدر ننصحك بالابتعاد عنه وياريت تطيح بالتتن

3- المدرس هو نفسه المعلم --- قل قسم

إقتباس إقتباس من مشاركة ابو الذهب 1- فلانه اعرست على ولد عمها فلان ومن القهر نسمت كفرات سيارتى -- هههههه انهبل

الله يرجك

إقتباس تصدقون كاتب فوق العفش السياره تحت

هالفلان اكوس فلان شفته يطبق الانظمه الفلانيه

إقتباس يوم ركب ابوهم ماانصك الباب الا يوم فصخ ساعته وحطها مع العفش

حشى لابس ساعة حائط صد

إقتباس 3- المدرس هو نفسه المعلم --- قل قسم

ايييييه فهمت اللي عنده القهوه الفلانيه >> معلـّـم


اقول توكل على الله ولا تنسى تعزم فلان وفلان وفلان وفلان وفلان وفلان وفلان وفلان وفلان
وفلان وفلان وفلان وفلان >> وراك شي >> وفلان وفلان وفلان وفلان وفلان

إقتباس 3- المدرس هو نفسه المعلم --- قل قسم

@ يا سبحان الله أثر إبن أدام إنسان !!!!!!!!!!!!!!.

@ زبدة الموضوع انك ما تزووووووووووووووجت !!!!!!!!!!!!

الإمبراطور نواف:

إقتباس الله يرجك

ياخى قهر تعرس على ولد عمها وانا منطق احتريها



سهل 888 :

إقتباس هالفلان اكوس فلان شفته يطبق الانظمه الفلانيه

انت خابر فلان اللى يشتغل بالفلانيه اللى بالناصريه ماعنده يمه ارحمينى

إقتباس حشى لابس ساعة حائط صد

كخخخخخ بلا من كبر يديه اللهم ياكافى تقول صك ارض مهوب يدين

إقتباس ايييييه فهمت اللي عنده القهوه الفلانيه >> معلـّـم

دوام بعد الظهر

إقتباس اقول توكل على الله ولا تنسى تعزم فلان وفلان وفلان وفلان وفلان وفلان وفلان وفلان وفلان وفلان وفلان وفلان وفلان >> وراك شي >> وفلان وفلان وفلان وفلان وفلان

شف فلان الاول وفلان الثانى مهوب حاضرين زعلانين وفلان الثالث وفلان الرابع صاير لهم حادث وفلان الخامس وفلان السادس محجوزين بالمرور وفلان السابع وفلان الثامن يرممون بيت فلان التاسع ;) وفلان العاشر وفلان الحادى عشر ومعهم لويس التاسع عشر ياخوى تعبت من كثرهم تدرى بأحط عزيمه بالجريده الفلانيه وارتاح



حبي تيماوي:

إقتباس @ يا سبحان الله أثر إبن أدام إنسان !!!!!!!!!!!!!!.

ياسبحان الله وانا اقول وش هالشبه بينهم

إقتباس @ زبدة الموضوع انك ما تزووووووووووووووجت !!!!!!!!!!!!

اه يالقهر اخذها ولد عمها جعله اذا قام من النوم الينها صايره كأنه فلان مدافع فريق الفلان

ياولد على السياره الفلانيه ........ يقولون مديلها 2006

بس حللواسم السياره

[ALIGN=CENTER]زبده الموضوع [/ALIGN]

[ALIGN=CENTER] رجع لنا الشيف ... أبا النحاس ... قال زبدة قال [/ALIGN]

إقتباس وهات ياحش بفلان طبعا فلان هذا صديقنا من ايام مدرسه فلان الابتدائيه ههههههه الله يذكر مديرها فلان بالخير

وترى فلان يسلم عليك ويقول ان فلان شافك في الحراج ومعاك فلان ... بس ياعيباه لأن فلان ماشفاكم وقال أه ه ه يا القهر ليه فلان شافهم وأنا يا فلان ماشفتهم ...؟

قام وراح لفلان اللي انت خابرة ولد عم فلان ... وصكة بقصيدة فلانية أنما أيه بيحبها قلب فلان


وعساك للرجة يافلان يا ولد أبو فلان




[ALIGN=CENTER]على فكرة :- [/ALIGN]


سلم لي على فلان اخو فلان اللي يحب يسير على فلان أخو الدكتور الفلاني بالجامعة الفلانية

جمــ ناطل باللفه ــس:

إقتباس ياولد على السياره الفلانيه ........ يقولون مديلها 2006 بس حللواسم السياره

تراها فل كامل قير عادى مصدومه بالوجهه تشترى يالشين




J.A.J :

إقتباس رجع لنا الشيف ... أبا النحاس ... قال زبدة قال

عاد بذمتك وش رايك بكبسه الضبان ماطاحت سعابيلك كخخخخ طاحت سعابيله من كثر العطش الكبسه كلها ملح

إقتباس وترى فلان يسلم عليك ويقول ان فلان شافك في الحراج ومعاك فلان ... بس ياعيباه لأن فلان ماشفاكم وقال أه ه ه يا القهر ليه فلان شافهم وأنا يا فلان ماشفتهم ...؟

ياخى الشرهه على فلان اللى يوم شافنى مع فلان ماوقف سيارته الفلانيه تبى الصراحه لايشوفك فلان وانت مع احد تراه فضيحه مايخلى احد من الفلانيه الا وقال له

إقتباس قام وراح لفلان اللي انت خابرة ولد عم فلان ... وصكة بقصيدة فلانية أنما أيه بيحبها قلب فلان

قال من مادحتها قال فلانه وفلانه ابوووووووك يالمثل

إقتباس سلم لي على فلان اخو فلان اللي يحب يسير على فلان أخو الدكتور الفلاني بالجامعة الفلانية

كخخخخخخخخ من تعرف على فلان وهالدكتور مفصول من الجامعه الفلانيه

سؤال الموضوع ,,

س / كم مرة وردت كلمه فلان في الموضوع

وتحياتي لفلان اخون علان ,,

ودمتم ...

ابو الذهب

وش القرابه بينك وبين فلان اخو فلان ولد عم فلان جد فلان اللي جار للفلان ولد ابو فلان

ابو الذهب ...الله من الدجه

إقتباس انى قررت والعياذو بالله من كلمه قررت

لوووووووووول
يالشين
انا مابقى عندي الا كم فيوز وخربتهم على بسالفتك هذى
وش الحل ؟

إقتباس المعسل يعور الصدر ننصحك بالابتعاد عنه وياريت تطيح بالتتن

هههههههههههههه
انت شي يابو الذهب
بس اترك افلان واخبر لك افلان عنده بنت كذا / ;) ديارهم شمال تبوك قل تم

البحار المحب:

إقتباس سؤال الموضوع ,, س / كم مرة وردت كلمه فلان في الموضوع وتحياتي لفلان اخون علان ,,

تصدق انى مدرى كم مره



سنعوسـ حايل ـي:

إقتباس وش القرابه بينك وبين فلان اخو فلان ولد عم فلان جد فلان اللي جار للفلان ولد ابو فلان

راضع مع جارتنا فلانه ام فلان وانا راضع مع جارتهم اللى ساكنه باخر حاره الفلان والظاهر ان فلان يصير اخوى بالرضاعه



شمــوخ:

إقتباس لوووووووووول يالشين انا مابقى عندي الا كم فيوز وخربتهم على بسالفتك هذى وش الحل ؟

مر على فلان اللى وزن اذرعه فلان تراه مزبوط


ابوسليمان:

إقتباس بس اترك افلان واخبر لك افلان عنده بنت كذا / ديارهم شمال تبوك قل تم

تم تم تم تم ايه هذا الحكى اللى يوسع الصدر مشكورابو فلان وترا التذاكر والسكن والمهر عليك