09/04/2018, 02:47 PM
|
| زعيــم مميــز | | تاريخ التسجيل: 18/03/2003 المكان: حصه بنت محمد
مشاركات: 2,195
| |
البليهي و جحفلي ودي بهم جميع لكن للأسف كلهم قلوب يسار .. مافيه إلا أبو كلبشة يمين ..
وأسامة مع احترامي لتاريخه الكبير و خبرته العريضة إلا إنه مهب أسامة قبل خمس سنوات .. لكن محدودين نلعب به يمين ..
والجهة اليمنى مسرح هجمات بسبب هبوط مستوى هوساوي بسبب التقدم بالعمر و ضعف البريك دفاعياً و قوة نزعته الهجومية ..
لذلك تكريماً و تجديداً للثقة بالبليهي اللي قدم مستوى طيب ياليت يلعب أساسي .. مع إن جحفلي أفضل مدافع حالياً عندنا بشكل عام..
لكن ممكن نستغل الفورمة الكبيرة اللي عليها البليهي و حماسه بتقديم مستوى رجولي في المباراة ..
بالنسبة للمستوى الهجومي ..
فهو سيء جداً حتى لو تحط ريفاس و خربين مع بعض .. لأن الأول منتهي مفلس و الثاني راجع من إصابة ..
لكن على كل حال يبقى خربين أفضل خمس مرات من ريفاس .. و أكثر فاعلية و مشاغبة في الهجوم ..
بن شرقي راح يكون أكثر إبداع في حال لعب خلف المهاجم أو كصانع ألعاب في سنتر الملعب ..
و أنا مؤمن بقدراته و موهبته لكن ظلموه باللعب في مركز الجناح .. لأنه لاعب بطيء و مهارته ماتنفعه قدام أظهرة الدوري السريعين
أحمد أشرف لاعب متمكّن ولو تواجد كجناح أيسر راح يكون مزعج جداً مع الشهراني ..
و الجهة اليمنى بالبريك و سيروتي راح تكون بنفس الكفاءة الهجومية .. عكس مباراة الأهلي اللي كانت جهة بن شرقي ميتة دماغياً ..
المحاور لازم نلعب بمحورين دفاعيين .. فلا عطيف ولا ميلسي هذي مباراتهم ..
المباراة مباراة محورين اثنين ..
خيبري كمحور دفاعي بحت .. جنبه كنّو اللي أشوفه أفضل موهبة سعودية بمواصفات ومتطلبات الملاعب الأوروبية
الحبسي
الشهراني - البليهي - أسامة - البريك
خيبري - كنو
أحمد - بن شرقي - سيروتي
عمر |