|
افضل لاعب سعودي حاليا اختيار اللاعبين له كومه من الاشكالات .. لابد ان لانستعجل .. برز اللاعب الرويلي قبل موسمين تقريبا مع التعاون برز بشكل لافت جدا ..وتم اختياره للهلال بمباركة الجميع الا قليل وفشل او بمعنى آخر لم يكتب له النجاح ..اتدرون مالسبب ..لان راحة اللاعب النفسية وهدوءه يؤثر تأثير كبير على اللاعب ومستواه ..وهناك لاعبين يستكبر (على نفسه ) امر ان يكون في فريق عظيم كالهلال .. لايرى نفسه اهلا له يرى نفسه اقل من ان يكون لاعب هلالي .. وبالتالي لايؤدي كما يؤدي في الفريق الذي ارتاح فيه .. وهذه تجدها في جميع اللاعبين لكنه تقل وتعلو بنسب متفاوته بعضها خطير جدا كالرويلي ..ايضا نفس الحاله يوسف السالم ... اذن ماذا نفعل في الاختيار للاعب ما ؟ نتحرى فيه قوة الشخصية الواضحة في الملعب وتحمل المسئولية والجراه ..نتحرى فيه هذه الخصله جيدا ..ولانستعجل والمطلوب في اختيار اللاعبين ايضا - غير قوة النفس والجراه - هي : الموهبة نضيف حاجه اخرى لاختيار اللاعب وهي حرصه على مستقبله وحبه لمهنته كثيرا لانه لن يقل مستواه.. بل ربما ازداد مع الوقت ..لان فيه لاعبين ينتهي طموحهم بعد ان يضمن عدم التنسيق ..وبعضهم حتى وهو ضامن التنسيق لايطور مستواه لايهتم ليس عنده طموح ...فإذا الاهتمام بسلوك اللاعب في تطوير مستواه واهتمامه والتزامه شيء مهم في اختيار اللاعبين ... بالنسبه لي ارى اللاعب الكويكبي لاعب الاتفاق حاليا اللاعب الافضل سعوديا على الاطلاق .. وسبب كبير جدا لتحفيز الفريق ..هو لاعب يلهم زملائه من خلال لعبه واداءه يلهمه شخصية الفريق المواجه الباحث عن الفوز .. وموهبته جيده جدا ايضا . . |
حياك اخوي المشكله انك ضربت مثل باللاعب الرويلي وعبدالمجيد الرويلي ما اعطي فرصه للعب في الهلال الا مبارايات معدوده يا بديل |
اتفق معاك اخوي واشيد بنظرتك اتمنى يجي الكويكبي للهلال ، بس عشان ما نخسره مثل اللي قبله لازم يلعب بشكل اساسي ومن البدايه عشان يصير كذا لازم المدرب يطلبه بصفه اساسيه عشان نضمن انه يلعب بالإضافة ع أمثلتك حمد الحمد كان شابل الاتفاق بس معنا ولا كأنه موجود ومن رأيي ان المدرب ما طلبه عشان كذا ظهر بمستوى باهت نتيجة جلوسه ع مقاعد الإحتياط يعطيك العافيه اخوي والله يكتب اللي فيه الخير للهلال يارب وفق الزعيم ~ |
صدقني مثله مثل الجيزاوي وبصاص وطقتهم لاعبين لايستحقون اللعب للهلال الهلال علته مهاجم صريح فقط الاطراف ولاعبين الوسط ماشاء الله فيهم الخير |
الكويكبي منذ أن كان بالعروبة وهو لاعب بارز و توقع له الكثيرون أن يكون لاعب ينتظره مستقبل باهر خصوصاً عندما تم إختياره لتمثيل المنتخب الأولمبي .. وبعد إنتقاله للإتفاق ( 2016 ) لم يبرز بشكل لافت إلا بعد أن أشرف ( سعد الشهري ) على تدريب الفريق .. لاعب مهاري .. تسديداته محكمه و مركزة .. صانع ألعاب بارع .. والأهم من كل ذلك .. لاعب ذكي .. إختيارك جداً موفق وأحب أن أضيف لاعبين آخرين .. عبدالفتاح عسيري .. عبدالرحمن العبود .. أراهما رائعين جداً ، ويشكلان خطورة كبيرة على أي دفاع .. سرعة + مهارة .. يعطيك العافية .. :::::::: |
مشكلة الهلال الأزلية هي تواجد أصدقاء أعضاء الشرف كأساسيين .. في كل فريق بالعالم .. أي لاعب يهبط مستواه بغض النظر عن اسمه و مكانته .. يمسك الدكّة .. إلا عندنا .. يستمر باللعب .. ويستمر بعض العاطفيين بالتطبيل لهم .. سيرجع لمستواه .. سيرجع فلان عام كذا .. ثم يصك الأربعين و هو محلك سر .. ما فيه مشجع قال والله حطه بالدكة لين يرجع لمستواه ويراجع نفسه و ثم يرجع أقوى .. بكذا يستفيد الطرفين الفريق واللاعب .. ! الرويلي .. كان و مازال لاعب له ثقله بالملعب .. مشكلته بالهلال ما أخذ فرصته .. حيّطوه طوال مسيرته بالنادي .. مع إنه بوقتها أفضل من غيره بكثير .. لاعب يجيد الكرات الثابتة .. و سجل منها رقم قياسي بذاك الموسم مع التعاون .. و صاحب مستوى ثابت قبل يجي للهلال .. مع الأسف جاء للهلال و انظلم .. ولو خلوه أساسي صدقني بيبدع و كان مازال مستمر .. لكن دكة البدلاء إذا خمّها الواحد سنة كاملة صعب يرجع لمستواه إلا بانتقاله لفريق يجدد نفسيته و مزاجه و يعطيه ثقة .. الهلال لازم يتصيّد المواهب الأجنبية .. الآن مسموح لك ( ثمانية ) أجانب .. اخترهم بعناية .. و بتركيز و دراسة و وقوف على مستوى اللاعب مباشرة من الملعب قبل التعاقد معه .. ثمانية لاعبين قادرين يخلون ملعبك مقبرة خصوم حقيقية .. كنا ناكل الأخضر واليابس مستوى و نتيجة بأربعة أجانب .. الأسطورة ويلهامسون و نيفيز و رادوي و لي بيونق .. مابالك بثمانية عليهم العلم .. أما اللاعب المحلّي .. فاللي سعره عالي فلا تبلش بعقده .. جب لك لاعب موهوب يغطي خانته بدون بربسة و أخطاء و كثر الله خيره |
الرويلي للاسف ما اعطي الفرصة + اللعب بمركز غير مركزه اللي بسببه الهلال تعاقد معاه المراكز محكورة على كم لاعب و اساسي بغض النظر يلعب زين او مثل قلته و الاجدر دائما برى التشكيلة |
اولومبي الهلال يحقق نجاحات محليه وأيضا خارجية واحنا نطارد خلف لاعبين ليسوا بمستوى لاعبي اولومبي الهلال ومن أبناء النادي أيضا كويكبي وسط مهاجم واحنا نحتاج مهاجم صريح أجنبي ويكفينا كوسط مهاجم إدواردو ونواف َوسلمان وغيرهم في الهلال أفضل من الكويكبي بمراحل الحين الأجانب مسموح لك 7 لاعبين ويمكن يزيد الموسم القادم إلى 8 أو 9 حسب ما سمعنا من اتحاد القدم إذا نحتاج إلى اختيار أجانب على الأقل 4 أجانب إلى جانب ثلاثة فقط من الموجودين الآن وهم ادواردو وميليسي أساسيين وخربين احتياط لمهاجم صريح اما لاعبين محليين لا نحتاج تكديس يكفينا اللي جمعناهم هذا الموسم على غير سنع وبدون تخطيط ودراسة الموسم القادم نحتاج لتسريح لاعبين محليين لسنا في حاجتهم ابدا مثل مختار وكنو وكادش والبليهي وياسر والشلهوب ...... وتدعيم الفريق ببعض الصاعدين المميزين فقط خلاصة الكلام نحتاج أربعة أجانب ويكون أهم لاعب فيهم المهاجم الصريح.. مهاجم متعوب عليه ومدافع ذو؛ شخصية قيادية وقتالي ومنظم للفريق ولاعب جناح أيمن هداف وسريع وصانع يكون عملاق مع إدواردو أو حارس اجنبي مع المعيوف اما الإخوان اللي تحدثوا عن لاعبين محليين في أنديتنا فلا يوجد أي لاعب عليه الكلام والدليل منتخبنا يعاني في خانة الهجوم الوحيد اللي تمنيت يكون في الهلال هو المقهوي لاعب جدا مناسب للهلال ومع ذلك لا نريده الآن مفروض من اول الكويكبي جيد ولكن خانته لسنا في حاجه له |
اسالني عنهم اعرفهم زين الكويكبي والرويلي كلهم قرايب من قبيلة الروله بدو اقحاح وشجعان برز منهم الكثير في الجوف وعرعر وطريف والقريات مناطق تواجد قبيلتهم وبعضهم كان عايش بعدراء بسوريا وعادوا للمملكه الكويكبي الرويلي وعبدالمجيد ايضا كويكبي ....صفاتهم شجعان وطيبين واجد لايتاقلمون مع اهل الرياض طبيعتهم اجتماعيين واهل الرياض كل بحاله ..بالقصيم يجدون شيئا من طبايعهم ادا لقوا احد يحتضنهم ويهتم فيهم سيبدعون مايهمهم الفلوس يهمهم لعب الكوره والاستمتاع بها |
يارب يجي للهلال فعلا لاعب موهوب ورجاء لاحد يقارنه بالرويلي والجيزاوي لان الرويلي لمن انتقل للهلال كان جبان وهو سبب اسباب هزيمتنا امام نادي الإتحاد اما كويكبي جالد جميع الأندية بالمملكة ولايستطيع اي احد النقاش عن مستواه |
من وجهة نظري الهلال محتاج عبدالرحمن العبيد لاعب سريع ومهاري ومزعج |
السلام عليكم ورحمة الله وبركاتة بصراحة أفظل لاعبيين في السعودية موجودين بالهلال لكن التعالي والثقة ولامبالاه ضيعتهم العابد الفرج لو لعبوا للهلال فعلا بروح الهلال لن يشق لهم غبار سالم الدوسري تغير عن الاول بكثير حتى أصبح لاعب له مكانته ولاعب خطير الهلال بحاجة للاعب رأس حربة أجنبي صريح يترجم الفرص المهدرة تحياتي للجميع :ba::ba::ba: العود/ ابوعبدالله |
ماكل لاعب ينجح مع الهلال وانا سبق ان طرحت موضوع اسمه الية اختيار لاعيبة الهلال ومنها ذكرت ان ماكل لاعب مهما كان ان يبدع مع الهلال الهلال يبيله لاعيبة اهم شي عندهم عدم التاثر بالضغوط الجماهيريه والاعلامية ويلعبون تحت الضغط يعني مليهمه وش يقول الجمهور او الاعلام اصمخ |
لا نريد اي لاعب سعودي خسارة فلوس ولن يعطى فرصة في وجود 8 اجانب اذا تبي تشتري اشتري لعيبة تحت 20 سنه عن طريق كشافين لفريق الشباب وتجهيزهم للاول + التركيز في اختيار الاجانب + اعطاء الفرصة كل موسم للاعب او لاعبين من الشباب مثل مهند او اليامي والحمدلله ان فئة الاولمبي الغيت لانها مضيعة وقت يا تلعب في الفريق الاول بعد سن العشرين او تذهب لنادي اخر |
إقتباس:
خصوصاً وأنه تلقى الخسارة في آخر مباراتين .. والأخيرة كانت من المتواضع أحد !! بصراحة ومع الأسف لا يوجد لاعب يستحق اللعب مع الفريق الأول ! إذا كنت ترى لاعباً واحداً يستحق اللعب مع الفريق الأول أرجو أن تطرح إسمه مع المركز الذي يلعب فيه .. أولمبي الهلال لا يزال بالصدارة بفارق الأهداف أمام الفيصلي .. لكن مستواه في إنحدار شديد !! :::::::::::: |
| الوقت المعتمد في المنتدى بتوقيت جرينتش +3.
الوقت الان » 09:48 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd