|
الواسطه صعية قوية..... اصبح الكل يعلم ان الواسطه فقط هي من تتحكم بتشكيلة الهلال اذا ظهرك قوي تضمن الخانه لو معاك ميسي بالفريق واذا ماحولك احد خلك بالدكه وانتظر الفرصه والي يقول غير كذا اما انه مستنفع او له مئارب أخرى لايعلمها الا الله * ان رؤساء يتغيرون ومدربين يتغيرون عدا شخص واحد قاعد على قلوبنا وحاط رجل على رجل هنا تعرف ان الوسطه صعبه قوية * ان لاعب منتهي استعراضي فاشل عالة على الفريق يكون اساسي مع كل المدربين تعرف ان الواسطه صعبه قويه * انك تشتري لاعبين بعشرات الملايين والنتيجه انهم خارج التشكيله او انهم ما يلعبون لعيون زيتونه وامثاله تعرف ان الواسطه صعبه قويه * انك تسكت على مدرب لين ماقال بس وتقيله بأخر الموسم تعرف ان التخبيص وصل اعلى مستوياته * انك تجيب لنا لاعبين اجانب اجنحه و اظهره و حارس ومحور وما تجيب لنا صانع لعب بحجة ان الشلهوب موجود وبالاخر الشلهوب يالله يالله يلعب 20 دقيقه بطلوع الروح ماتمشي * انك تشوف ريفاس فاشل وماهو قد التحدي وانت امامك فرصه تجيب لاعب هداف بفترة التسجيل الثانيه وما تغيره تعرف ان التخبيص ماسك خط معك *انك تحيب بن شرقي الجناح الايمين وبالغصب تخليه يلعب صانع لعب كل هذا علشان تثبث للعالم انك مو محتاج صانع لعب فإعلم انك تخبص ومستمر بالتخبيص *انك تشوف لاعب الاتفاق يبكي بعد ما طلع وهو مسجل هدف ولاعبينك على السناب يسرحون ويمرحون تعرف ان اداراة الكره من جد حاطه رجل على رجل اخر همها حنا جمهور الهلال اخر نقطه * اتحدى احد من الادارة يطلع يقول لنا وش سر غياب العابد كل هذه الفتره مع العلم انهم قالو من اول الغياب والتأهيل بياخذ شهر * اتحدى اي شخص بالادارة يطلع يقول لنا لي ما تم ضم خربين او ريفاس للأسيويه مع العلم انكم عارفين انكم تلعبون بدون مهاجم انا ادري موضوعي بيطير من مشرفين المنتدى المتخصصين بحجب اي صوت ينتقد الادارة ولكن بكتب الى اللقاء ..... |
اتفق معاك الا بما يخص سلمان الفرج فهو افضل الموجودين |
كلامك عين العقل يعطيك العافيه على الطرح المميز |
يعطيك العافية و اتفق معاك بوجود شخصيه تفرض على اي رئيس و جهاز فني و اداري بعض الاسماء فيه لاعبين و اداريين مفروضين غصب و لاعبين ب الهلال لعب حسبي الله عليهم و على هالواسطه مهما كان اسمه |
الله يعطيك العافية وبالتوفيق للهلال الزعيم الملكي |
قلت كل ماهو قاهرنا من عبث يعطيك العافية |
انت كاتب الموضوع من اجل يستفيد منه جميع الزعماء كاتب الموضوع لزيادة العدد !!! انا ع بعد اكثر من 6000 كم من نادي وعندي بعض المعلومات تلي ممكن تفيدك !!! العابد كان في هناك اختلاف بين لأطباء لحاجة اللاعب لعملية جراحية او تأهيل فقط وبعده يجري الجراحة !!! كذلك في هناك تناقض غريب وعجيب في طرحك تبقي يغيروا ريفاز ومعترض ليس ما تم اختيارة لقائمة الآسيوية !!! وحتى هذا تم توضيحة من قبل إدارة النادي وانه في هناك حديث ان لاعبين المنتخب ممكن ما يلعبوا دور ال 16 من دوري ابطال اسا !!! وإذا المنتخب أخذ الفرج وعطيف والخبيري من راح يلعب معاك في الارتكاز وكذلك في غياب العابد والفرج والدوسري من راح يلعب مكانهم في الوسط وع الأطراف !!! وعندك اسامة والبريك والشهراني والمعيوف !!! بالنسبة لنقطة المدرب وإشراك اللاعبين دياز كان يبحث عن الاستقرار وبقي صامد لهذا المبدأ الى نهائي دوري ابطال اسيا وعندما فقد الهلال الاستقرار سوى عن طريق فقدان اللاعبين للإصابات او قبول ضغوطات الجماهير والإدارة خسر الهلال الكثير من النقاط في الدوري وخرج ومن كاس الملك وكملت الادارة اخطائها بضرب استقرار الهلال الفني في وقت الحصاد !!! لذلك ممكن نخرج من اسيا ويضيع الدوري والسبب خطاء كبير وجسيم من إدارة النادي في أقالة دياز في الامتار الاخيرة من الموسم !!! |
مهاجمك الجلاد.. جلد الهلال وتسبب في كل مشاكل الهلال ضياع 17 نقطة في الدوري وضياع كأس الملك مع القادسية ومطرود منهم مدافع وتخاذل اللاعب العاهه حتى سقط اسمه من القائمة الآسيوية وأصبحنا بدون مهاجم وبدون مدرب لو أن مهاجمنا غير ريفاس ومختار حتى المدرب أجزم انه ما يروح لكن تخبط الإدارة في جلب مهاجمين فاشلين ويبحثون هم أيضا عن الشرط الجزائي كما فعل ماتياس جعل المدرب يتغير والهلال هو الضحية تبي تقيل اي مدرب في العالم سهلة جدا.. جيب مهاجم فاشل باقي امل وحيد فقط وهو الثلاث المباريات في الدوري خربين رأس الحربة وريفاس ومختار يكملون نومهم |
كلامك هذا ياخوي نفس الكلام المبرمج عليه هوامير تويتر مدري اراديا ً او بالتنسيق انا لو اني كاتب الموضوع مثل مانت قايل كانت تلاقيني كاتب كل يومين موضوع يالبحث السري ثانياً كلامك مردود عليك العابد قالو بيروح لباريس والتشخيص والتأهيل بيتسمر شهر طبعا هذا التوجه بعد ما صار العابد يلعب مباراة ويصاب 15 بس السر ان العابد له اسبوعين يتدرب وللحين ما خلص تأهيل هذه حط تحتها الف خط بكل الالوان ثالثا بخصوص ريفاز انا معترض ان الفترة الشتويه جت وانت تشوف ريفاس عقيم هجوميا ومع ذلك ابقيت عليه ، دام انك مقتنع فيه ليه ما رفعت اسمه للأسيويه او انت من الاساس من مقتنع فيه وما قدرت تبدله في الفترة الشتويه رابعا ً المنتخب اذا باخذ اللاعبين او يبقيهم وين مدربك دياز عن الاستعانه بلاعبين شبان من الاولمبي والشباب بس مهند فلاته ولعب كم دقيقه ياعزيزي هل تعلم ان الهلال الفريق الوحيد الي ما يعتمد على لاعبين الدرجات السنية عنده كل اللاعبين تنسيق والاعتماد على لاعبين الانديه الاخرى بعشرات الملايين اسيا ما جت من قبل الا بأبناء الهلال يوسف وسامي وابوثنين والتيماوي اما انك تجيب لاعب ب50 مليون وتبيه يكرف علشانك بالملعب هذه احسن انها قويه نقطه اخيره اذا الي يختار اجانب الهلال الموسم القادم بيتحفنا بنفس العناصر الموجوده الان او مستويات اقل منها فلنعتمد على لاعبيننا الشباب والله ان يجي منهم خير كثير بلاماتياس بلاريفاس بلا سيروتي بلا حبسي بلامليسي كلهم فقاعات اعلاميه وهدر مالي بلاحسيب ولا رقيب إقتباس:
|
| الوقت المعتمد في المنتدى بتوقيت جرينتش +3.
الوقت الان » 02:37 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd