العناصر أولاً .. ثم المدرب ..
دياز ماتنقصه الحنكة التدريبية .. لكن اللي ينقصه العنصر الفعّال اللي يقدر يطبق التكتيك بأقل الأخطاء الممكنة ..
لعب سيروتي و سجل الهلال خمسة .. بنفس العناصر اللي كان يلعب فيها المباريات السابقة كان متأخر بهدف الشوط الأول ..
مدرب الفرق الأقل فنياً و عناصرياً اللي نطلق عليه داهية .. هو اللي يقدر يخطف تعادل أو يحدث مفاجأة ويفوز على فريق كبير ..
الهلال عانى في الستة مباريات السابقة من غياب أهم عناصره و دخلت بسلسة تعادلات أمام فرق عناصرياً أفضل منك لو تركنا العاطفة على جنب ..
فرق تلعب ضدك بتكتّل دفاعي و بستة محترفين يقابلهم فريق احتياطي و نجوم منتهين .. طبيعي راح تتعثر ..
لاعب واحد فقط كان له دور مؤثر و قدر يحرّك الخلايا النائمة بالفريق .. قدر يصنع و يسجل .. وهو الأرجنتيني سيروتي ..
مابالك لو رجع السوبر إدواردو و خربين و العابد و تم استبدال ميليسي أو أقل تقدير رجع من إصابته اللي تتكرر أكثر من إصابات روبن ..