|
لماذا الشهراني ما يعكس الكرة للمهاجمين مثل أحمد الفقي من كثر هجمات الشهراني ولا هجمة خطيرة .. لعبه بدائي جدا الشهراني سبب ضعف هجمات الهلال . كرة واحدة عكسها أحمد الفقي بصورة صحيحة كانت هدف . لان اللاعب الفقي متأسس صح يعرف متى يعكس الكرة .. وبأي شكل يعكسها الشهراني 100 هجمة ما ستفاد منها الهلال ما يعرف يعكس كرات للمهاجمين |
الان احمد صار يضرب به المثل :ap::ap::ap::ap::ap: بكرى انتم بهذه الاشياء تخلونه الفرج رقم 2 و العابد رقم 2 يا ناس اول كورة يلعبه امس وجاي الان تضرب فيه المثل :ranting::ranting::ranting::ranting: |
لأن الشهراني يركض بالكرة من الدفاع للهجوم بدون أي مساندة لاعبين اطراف ممتازين ويوصل مهلوك والرفعه سيئة زد على ذلك اننا نجعله في المباراة الواحدة يلعب في مركزين |
ما هي مشكلة خل الشهراني ...بس خله يتدرب على عكس الكرات وش الفرق بين لاعب خبرة ..ولاعب شباب لاعب الخبرة يعطيك الكرة بأقل مجهود بدني يرفع الكرة بأقل مجهود اما الشهراني هو نفسه قبل ست سنوات لم يتغير لاعب مجهود ... المفروض يكون من لاعبي الخبرة في الفريق اما يدعس الى الخط ويقفلون علية ثم يرجع الكرة للخلف أو يعكسها وتضرب بالخصم من المعروف ان عكس الكرات الخطيرة قبل 20 ياردة أحمد الفقي اعجبتي العكسية ...التي كنت ابحث عنها في الهلال منذ زمن لهذا فقط اعجبت به |
هو يعكس واللاعب معه باليسرى طيب قل بها يمين يطيح اللاعب برا الملعب والعبها براحتك برجلك اليمين ..والله اني احب هالشهراني وواضح انه طيب وخلوق ويحب الكوره مره لكن يبي احد يتابعه ويدربه |
اتمنى على دياز ان يقوم بتثبيت 50 كرة على خط التماس من منتصف الملعب حتى الرايه الركنية ويطلب من الاظهرة بالذات رفع جميع الكرات لمنطقة الجزاء وكذلك يطلب من مساعده إعداد تدريب لجميع اللاعبين على دقة وقوة التسديد من خارج قوس الثمانية عشر . ومن الأهمية مشاركة الخيبري وثباته بمركز المحور الدفاعي فالقادم مباريات قويه |
إقتباس:
|
بالنسبه لي افضل الزوري وحسن كادش الشهراني ميزته السرعه فقط لاغير وش تنفع فيه السرعه لاصارت عرضياته كلها غلط |
وجهو الشهراني ولا تحطمو الاعب الاعب ماقصر وعلى من لديه توجيه او نقد يكتبه بسلوب رساله ياياسر عليك ان ترفع راسك ياياسر المجهود والركض لا يزرع هدف كونو عون لا عدو |
الشهراني متراجع مستواه كثيييير بعد ان كان قمه في مستواه اتحدى ان كان هذا مستواه قبل موسم ونصف متغير تغير واضح لمن يراقب مستواه زين الشلليه والدراهم تخرب اللاعبين . |
لا تستعجل اخوي صحيح لمساته مبشرة تشير إلى موهبة. اما لماذا لأن الموهبة من الله اضافة إلى التشبع والملل وعدم التدريبات الانفرادية على ذلك . |
احسنت. فعلا شاهدو احمد عندما ((("""" رفع رأسه""")))) ثم عرضها لريفاس.. بدايه مبشره لأحمد مشكله ياسر يعكس الكره بنظام لعل وعسى تصادف احدا!! |
الهلال يمتلك أفضل اللاعبين المهاريين في المملكة .. بس المشكلة ان مافيه لاعب احتياطي يهدد اللاعب ويخليه دايم مصحصح .. لاعبينا ضامنين الخانة ولذلك عادي تشوف المستوى خرابيط والاوفرات اي كلام ويطلع يضحك وهو متعادل ولا مهزوم لانها مافرقت عنده راتبه بينزل وضامن اساسي .! مستوى الفرج والعابد في المستقبل القريب بيتغير غصب بعد ماحضروا الأجانب .. لكن الشهراني والبريك لا تتوقعون تطور في المستوى طالما انهم ضامنين الخانة .. |
الشهراني انتهى فنياً بعد الاصابة اصبح لاعب آخر لا اعرفه لم يعد ذاك الشهراني المقاتل والسريع,, بل اصبح يتكل على الفريق لدرجة انه لا يقوم بدورة هو بشكل جيد لاعب يهرب من الكرة كل ما يستلمها او يرجعها للخلف ويقوم بالركض بشكل صوري واول ما يكون على محك يفقد الكرة بطريقة بدائية,, توحي بالفقر المهاري كان زمان ممتاز ورائع. والآن تغير كثير لدرجة اني اجلس متنرفز طول المباريات بسبب الشهراني فقط,, ولا يظهر للمتابع انه هو المشكلة الا اذا ركزت عليه وعلى اخطائة ياما كتبت فيه لكن كثير من الجمهور فاهم غلط ومركز على القحطاني والفرج وسالم والعابد مع انهم هم الرائعين وتارك اهم المشاكل وهو الشهراني فيه لاعبين كثير كانوا منسحبين ويتخلصون من الكرة دوماً ولا يملكون المهارة واسعارهم غالية بدون سبب وماخذين اكثر من حجمهم مثل الشهراني وكريري ومحمد مسعد وكامل الموسى ويوسف السالم وسعد الحارثي وعبدالعزيز الدوسري بعد الاصابة والقائمة تطول لكن يجي يوم وينتبه له الجمهور |
الفقي لاعب مبتديء ولايمكن الحكم عليه من الان بمجرد ابدع دقايق معدودة في مباراة واحدة ولكن يجب علينا دعمه كغيره. لكن نتطرق للموضوع الرئيسي للامانه الشهراني ليس فقط على المستوا الهجومي كذلك دفاعيا اللاعب الموسم هذا متخبط كليا وماصار مثل اول. اللاعب يجب ان يراجع حساباته ويعود لمستواه المعهود اللي تعودناه منه كان لاعب مهم ومؤثر عكس الان اللاعب عنده اخطاء متكررة يجب تداركها ويجب ان يثبت نفسه. |
السؤال الاصح بنظري : لماذا لجهاز الفني أو المتفرج وقت المباراه مايقول للشهراني اعكسسس اعكس ارفع ارفع ارفع (فيس مقهور) |
الشهراني يدبل الكبد في العرضيات . |
الله يعطيك العافية وبالتوفيق للهلال الزعيم الملكي |
اضيف شئ مهم العرضيات ما هو لازم تكون عند آخر الملعب (زاوية المنافس) ممكن تلعب العرضية من ثلثي الملعب بشكل مقوس مثل www.youtube.com وممكن تبديل المراكز بين الظهير والجناح يعني اذا كان الجناح على الطرف فيجب ان يدخل الظهير بالعمق والعكس صحيح وهالميزة موجودة عند الزوري لانه يتوغل بالعمق ويجيد التحرك بلا كرة اتمنى ان يستفيد ياسر من اخطاءه ويصححها |
الشهراني اشبهه باللي يمسك خط الدمام الرياض وقبل مايوصل الرياض بمية كيلو يديور ويرجع للشرقيه |
إقتباس:
|
يابني ياياسر عاد ادا هو يقرا كلامي ....حنا معك حط رجلك بالكره حتى توصل المنطقه هنا فتح زين وارفع راسك ومرر كرة هدف او ارفع كره لزميلك المهاجم ترى كل هجمه محسوبه عليك وع زملائك ادا ضاعت فيها ارهاق للفريق محسوبه من لياقة الفريق ككل |
أحمد الفقي لاعب كبير ودايم رفعاته بالمقص و الموسم اللي راح بس صنع 15 عرضية كلهن أهداف :D تراه مباراة وحدة و كورة تعامل معها المهاجم على أحسن شيء .. وأحمد لاعب واعد في منتصف العشرينات بإذن الله يتطور مستواه أكثر و أكثر .. لكن تراه عرضية وحدة .. وياسر سجل هالموسم 3 أهداف .. واحد في آسيا و اثنين في الدوري .. و صنع هدفين اثنين بالدوري .. يعني بالدوري لعب 13 مباراة .. سجل هدفين و صنع هدفين .. يعني ساهم بـ4 أهداف خلال 13 مبارة وهو رقم زين لظهير ! غير إن دوره الدفاعي القوي و اللي يعتبر أفضل ظهير دفاعي بدون منازع عندنا بالدوري .. ياسر دفاعياً رقم واحد ولا عليه غبار .. أما دوره الهجومية وعرضياته فهي تعتمد أولاً و أخيراً على المهاجم .. إذا المهاجم مايبحث عن الكورة ويدور الكورة اللي تجيه عند رجله وهو واقف بدون مايركض للكورة و يبحث و يقاتل عليها فراح يظلم أي ظهير .. إذا أرقام الشهراني سيئة .. فعطني أرقام الأظهرة بالهلال :) ----------- الزوري لعب 6 مباريات .. صنع صفر .. سجل صفر .. البريك لعب 12 مباراة .. صنع هدف .. وسجل هدف .. مع العلم إن البريك لحاله كان طريق سريع لأي نادي يقابلنا و أغلب أهدافهم من جهته الميتة دفاعياً .. الشهراني أفضلهم بلا منازع .. اتركوا اللاعبين المميزين بالهلال .. و ركزوا على العاهات الحقيقية |
هذا يلام فيه جميع مدربي الهلال منذ قدوم الشهراني للهلال هل كثفوا التدريبات له ولغيره رفع الكرات ومحاولة رفع الدقه في التمرير؟ مو معقول الشهراني زي ماهو سيء بالرفعات لحد الأن |
سبب ضعف اظهرة الهلال الفترة الأخيرة هي افتقادنا للمثلثات الي كانو يسوونها نجومنا كان يسار الشهراني و نواف و ادواردو او الفرج ويمين البريك و ميليسي و سالم والان اصبحنا بلا نجوم مؤثرين بسبب الاصاباات والغيابات |
الشهراني افضلهم عندك .... فمصلحة الهلال اكبر من الانحياز للاشخاص مشكلة الهلال واضحة في الاطراف ... واتضحت في مباراة الباطن وتم حلها بالارجنتيني ... واحمد اشرف لان اعطيف ليس صانع لعب ..ولا الفرج |
انا لو اني مدرب الهلال ياسرالشهراني لاعبته قلب دفاع بدل أسامة هوساوي ........مثل هنجيم الهولندي يوم حط ابواثنين دفاع مع ليتانا |
| الوقت المعتمد في المنتدى بتوقيت جرينتش +3.
الوقت الان » 11:58 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd