نشكر الرئيس و اعضاء الشرف و الداعمين و مدير الفريق و المدرب و الجهاز الاداري و الفني و الطبي و اللاعبين و الجمهور على رفع اسم الهلال ..

عبدالله المعيـوف 7.0
مـحـمــد البـريـــك 7.0
اسامـه هـوسـاوي 7.0
مـحـمـد جـحـفـلي 7.0
يـاســر الشهـرانـي 6.0
عبدالله عــطـيــف 7.5
سلـمان الــفـــــرج 8.5
مـحــمـــد كـــنـــو 5.5
مـجاهد المــنـيـــع 7.0
غيلـمـيـن ريفـاس 7.0
ســــيـــروتــــــــي 8.5
احـمــد اشـــــرف 7.5
مخـتـار فـــلاتـــه 7.0

الهلال قدم 6.6
و انهى المباراه بخماسيه .. اللاعبين يستحقون الشكر

تقييمي للاعبين .. و بإذن الله القادم افضل

احمد اشرف 10
سيروتي 10
مختار 10

وهم في الدكه كان الهلال عقيم هجوميا وبعد نزولهم ارض الملعب اصبح الهلال فريق مرعب وخطير

ارباك الخصم... حتى محاور ودفاعات الفريق المقابل كانو تايهين بالتغطية بسبب تحركهم الايجابي في الملعب

لن اقيم الباقين

ولكن هفوات الفرج وعطيف تسبب مرتدات قاتله وبعض التمرير الخاطئ بمنتصف الملعب يسبب إصابات لزملائهم بالفريق ولابد يراجعون انفسهم

واتمنى مشاركة الخيبري بالذات امام الاندية التي تعتمد على صانع لعب
(الخيبري مستواه غني عن التعريف وقوض ثلاثة من صناع لعب العين الاماراتي في نفس المباراة)

وايضاً اتمنى مشاركة النجراني لأن مستواه يشبه مستوى سلمان الفرج زمان قبل الاغلاط والفلسفه الزايده

بالنسبة لي شخصيا

الهلال يكون قوي يوم اشوف الفرج بالدكه صحيح انه لاعب متمكن

لكنه متعالي وكثير مايورط زملاءه بالهجمات المرتدة الخطيرة فهو بالنسبة لي قنبلة موقوته بالاضافة الى كثرة مجادلته "الغير مبرره" مع الحكام

إقتباس الرسالة الأصلية كتبت بواسطة بلجيك احمد اشرف 10 سيروتي 10 مختار 10 وهم في الدكه كان الهلال عقيم هجوميا وبعد نزولهم ارض الملعب اصبح الهلال فريق مرعب وخطير ارباك الخصم... حتى محاور ودفاعات الفريق المقابل كانو تايهين بالتغطية بسبب تحركهم الايجابي في الملعب لن اقيم الباقين ولكن هفوات الفرج وعطيف تسبب مرتدات قاتله وبعض التمرير الخاطئ بمنتصف الملعب يسبب إصابات لزملائهم بالفريق ولابد يراجعون انفسهم واتمنى مشاركة الخيبري بالذات امام الاندية التي تعتمد على صانع لعب (الخيبري مستواه غني عن التعريف وقوض ثلاثة من صناع لعب العين الاماراتي في نفس المباراة) وايضاً اتمنى مشاركة النجراني لأن مستواه يشبه مستوى سلمان الفرج زمان قبل الاغلاط والفلسفه الزايده

معليش .. مدري ارد على ايش و اخلي ايش

مختار ما حرك الملعب و لا شي ..
اشرف تحرك و اجتهد و سوى المطلوب منه ..
سيروتي تحرك و حرك الهلال و سوى المطلوب و اكثر .. و كان ايجابي

اما عن سلمان الفرج و عطيف .. ف انا صراحه مدري ايش اقول لك

ان مدحتهم .. فأنا مجنون لاني اعرّف شي معروف و ما جبت شي جديد
و ان تركتهم .. فأنت و اللي مثلك بتعتقدون ان رايكم صح في الفرج و عطيف

خيبري جيد .. بس ما يوصل 60% من قدرات عطيف

عطيف يبذل جهد ف الهجوم و الدفاع .. اما خيبري يبذل جهد ف الدفاع فقط .. هاذي لحالها تكفي نوقف النقاش

بس بوضح لك بعض النقاط .. في مثال بسيط بسيط مره و ما يحتاج دفتر و قلم

تخيل نفسك في مشهدين .. المشهد الاول انت نازل من درج و شايل اغراض ثقيله ثقيله مره و بعضها ادوات زجاجيه .. و انت نازل في نص الدرج الثقل شد عليك و ما قدرت تكمل و خلاص تحس الاغراض بتطيح .. و اخوك اللي عمره 4 سنوات يمشي جنبك .. هل راح ترمي عليه الاغراض او تتحمل و تمشي لو يطيح منك كاسه او علبه و تضمن سلامه باقي الاغراض ؟؟ طبيعي راح تقول بكمل امشي لو يطيح مني اشياء بس تضمن سلامه الباقي

طيب المشهد الثاني .. نفس الحاله بس اللي جنبك اخوك عمره 30 سنه .. هل اذا حسيت ان الاغراض بتطيح راح تكمل او تكلم اخوك يشيلها عنك ؟؟ طبيعي راح تعطي الاغراض اخوك

طيب ليش الاجابات تغيرت مع ان المشهدين نفس الحاله بالضبط ؟؟ السبب هو المعطيات ف السؤال

نفس الشي مع سلمان الفرج و عطيف و خيبري ..

لو انت تلعب ف الحاره و مضغوط عليك و جنبك واحد ما يعرف يستلم .. و تعرف انك اذا مررت له الكوره راح تنقطع منه و تجي هجمه عليك .. اكيد ما راح تمرر له .. على العكس تماما لو عرفت ان اللي جنبك قوي تحت الضغط طبيعي راح تمرر له

المشهد اللي دايم يتكرر لو تلاحظها هي ان سلمان الفرج ما يحتفظ بالكوره .. الا اذا عرف ان الخيارات المتاحه للتمريره كلهم ضعيفين

والله شاهد علي اني اعرف نفسيه سلمان الفرج ف الحالات هاذي .. و اللي يعجبني في عطيف ان دايم يبذل جهد عشان يكون الخيار الاول ل سلمان الفزج .. و هذا اللي يعطي ل وسط الهلال قوه

الا ان المبارايات اللي يلعب فيها كنو .. نلاحظ نصف من قوه سلمان الفرج تغيب لان كنو سيئ سيئ جدا ف الاستلام و التسليم .. و الشي هذا ارهق سلمان الفرج ف مباراتنا قدام الباطن .. لاحظوا سلمان الفرج كم مره ترك خانته اليسرى و راح للخانه اليمنى مكان كنو عشان يدعم محمد البريك اللي كان مختفي تماما الشوط الاول بسبب كنو .. اللي يقول ان محمد البريك تراجع مستواه و مو زي الموسم اللي راح .. ارجع و شوف التشكيله حقت الموسم اللي راح .. كان ميلسي وسط ايمن و الشي هذا ريّح البريك و خلاه يلعب بكل طاقته

ف لو طلعنا عطيف و خلينا خيبري يلعب .. فوالله العظيم ان الهلال ل ياكل هجمات ورا بعض لين نكره شي اسمه خيبري .. لان في جميع الحالات لو الكوره مع الهلال .. ف لاعبين الوسط كلهم راح يعتمدون على المهارات الفرديه و الجهد البدني لان مافي لاعب يطلب الكوره زي "عطيف"

و راح نشوف سلمان الفرج مجبور يحتفظ بالكوره اكثر و احتمال نشوف لاعبين الهلال تقطع منهم الكور طول المباراه .. اما بوجود عطيف ف الكل مرتاح لان عنده جميع الخيارات اما المراوغه او التمرير ل عطيف

و ارجعوا لكل مبارايات المنتخب السعودي اللي لعب فيها خيبري اساسي .. او مثلا مباراتنا مع اليابان الذهاب الاياب .. ف الذهاب لعب خيبري و اكلنا هدفين و والله ان اللعب كله لليابان و ان كل هجمه لهم ربي يستر و تعدي .. و وقتها كورات مقطثعه لليل و مافي لاعب سعودي يعرف يمسك الكوره و تجيهم ربشه و ما شفنا مرمى اليابان الا اخر الدقايق و بعد ما ضمنوا اليابان المباراه و خلاص شبه منتهيه

اما مباراتنا ضد اليابان الاياب .. لعب عطيف و شفنا المنتخب السعودي ماسك الملعب و شفنا سلمان الفرج يتنفس و يلعب لعب مجنون و يحيى الشهري و نواف العابد مبدعين .. لان ببساطه عطيف يسهل اللعب .. تخيل معي فهد المولد اللي يلعب موسم كامل و قدام هجر و الفتح و فرق تافهه و ما يقدر ينفرد ع الحارس .. شوف كيف عطيف خلاه ينفرد و قدام مين ؟؟ قدام اليابان بعد .. طبعا بتقول نواف العابد اللي صنع الهدف .. ارجع ف اللقطه من قبل صناعه الهدف و شوف كيف الكوره كانت مع العابد .. و مررها ل عطيف و تحرك للعمق و "انتظر" الكوره .. انتظر لانه يعرف ان عطيف شايف ال20 لاعب ف الملعب مع الحكم و يعرف مين اللي يطلب الكوره ثم عطيف اتجهه للطرف و رجع للعمق و مرر الكوره سريعه بين خطوط اليابان ..

فيه اشياء يسويها عطيف .. يحتاج خيبري 20 سنه قدام عشان يفهمها

اذا بتقول طيب ليش ما اشوف الهلال يفوز زي اول و عطيف يلعب .. بقول لك غياب لاعبين الموسم اللي راح "ميلسي-ادواردو-خريبين"

مع التذكير ان عطيف وسط متاخر .. و سلمان الفرج وسط متقدم و سلمان هو االي يصنع .. الفرج صنع هدف سالم الدوسري قدام الاهلي و صنع قدام الباطن .. و يوم غاب الفرج في مباراه الاتحاد اضطر يتقدم عطيف و يصنع بنفسه و فعلا صنع هدف لنا

مع ان التذكير ان حاليا "ميلسي" مصاب و كنو يلعب .. يعني عطيف و الفرج شايلين الهلال و معهم واحد عمره 4 سنوات .. صعب يعطونه شي و تتكرر اغلاطه و يدفع ثمنها الهلال .. و صعب يشيلون الحمل هم ثم اذا غلطوا يضغطون عليهم بعض الجماهير اللي ما يمثلون عشاق الهلال

المهم .. التفصيل اكثر ف الاشياء هاذي يحتاج وقت بس بختصرها بحلف

والله الذي لا اله الا هو .. ان عطيف و الفرج هم اللي معطين للهلال قوه

إقتباس الرسالة الأصلية كتبت بواسطة Abu Mish3L بالنسبة لي شخصيا الهلال يكون قوي يوم اشوف الفرج بالدكه صحيح انه لاعب متمكن لكنه متعالي وكثير مايورط زملاءه بالهجمات المرتدة الخطيرة فهو بالنسبة لي قنبلة موقوته بالاضافة الى كثرة مجادلته "الغير مبرره" مع الحكام

الهلال يكون قوي يوم تشوف الفرج ف الدكه ؟؟

لا حول و لا قوه الا بالله .. و اعوذ بالله من سوء المنقلب

اللهم اجرنا في مصيبتنا و اخلف لنا خيرا منها