لماذا اقاله دياز .

لان الهلال اصبح فريق سهل واصبحنا نتنبأ بما سيجري في اللقاء قبل بدايته من استحواذ سلبي وكرات للوراء وننتظر طيله المباره حل فردي من سالم او اي لاعب لينقذ الهلال بل نريد لاعب سوبر كادواردوا ليغطي على كوارث الفريق الفنيه وكأن الهلال يقف على لاعب
كرات ثابته لا يسجل منها كرات عرضيه بعيده
دياز هو من تخلى عن صانع لعب كعبدالكريم القحطاني وجناح هداف مثل كعبي .. وهو من اختار ماتياس وهو من عين ابنه مديرا فنيا رغم عدم وجود اي خبره له بمجال الكره سمسار يريد الان شرطا جزائيا
والا هل يعقل نفس الاخطاء تتكرر دون اي تغيير اصبحنا نشك ان هناك تدريبات بين المباره والاخرى

المدرب بيده تغيير الخطه ودراسه المنافسيه وتوظيف اللاعبين

ويبقى اللاعبين عناصر وادوات والسيف بقوه الفارس اللذي يحمله ودياز ليس فارس الهلال

متأكد انك هلالي ؟

ولا بس جاي منتدى الهلال تبي تخرب بس

للمعلومية ترى دياز ما مشى كعبي

كعبي مشى من زمان يا حبيبي

معلومه الكل يعرفها لو انك هلالي من الاساس

وبالنسبه للمدرب فهو مدرب ممتاز وله اخطائه.. ولكن:

اصابة: ادواردو والعابد والحافظ وعبدالملك الخيبري وعمر خربين

كفيله انها تضعف مستوى اي فريق

اعطي اكبر من حجمه بعد تحقيق الدوري و كاس الملك

أيش رأيك طال عمرك إذا وقتك يسمح تمسك تدريب الفريق

الله يعطيك العافية
وبالوفيق للهلال الزعيم الملكي

أتوقع والله أعلم ان دياز ماشي نهاية الموسم مع نهاية عقدة

وعلشان النادي مايدفع الشرط الجزائي.

يمكن الظروف توالت عليه من كل مكان

بس ياجماعة أحس انه أفلس تكتيكياً.

تتذكرون دونيس في نهائي كاس ولي العهد

لما غير الخطة وتفاجأ لاعبي الأهلى والمدرب بخطة جديدة مفاجئة

وجاب ناصر ونواف هدفي الفوز.

ذبحنا دياز بالاستحواذ مايوصل الفريق لمرمى المنافس الا بعد عشرين تمريره

وكل لاعب يرجعها للاعب اللي باصاه

اللعب الأوربي أحياناً تمريرتين او ثلاث وتوصل للمرمى

أيام ماكان الهلال يقدم الكورة الممتعة الجميلة

وكانت كل مباريات الهلال ممتعة مثلثات ومربعات وفنيات

وعدد كبير من الأهداف.

اييييييه يالدنيا

سقى الله زمان أول.

دياز ماقصرت لكن نهاية الموسم خذ ولدك وعلى بوينس آيرس مشكوراً.

اليوم قرأت خبر في الرياضيه ان المفلس ابوخطه واحده استبعد الحبسي وخربين من القائمه الاسيويه !!
اليس في ادارة الهلال رجل رشيد يناقش هالعابث !؟

ربما لا تكون الإقالة حاليا ضرورة لكن الأهم تكليف طارق التويجري او خالد المليحي او فيصل ابوثنين او غيرهم بالإشراف على كرة القدم بدلا من المفرج .
الان الهلال يملك ريفاس وخربين وبن شرقي ويحاول التعاقد مع مهاجم سيروتي! طيب دياز يلعب بمهاجم وحيد كيف تسمح الادارة بالتعاقد مع ثلاثة مهاجمين اجانب ومتى سيلعبون ؟ وهل سيتم العوده لسياسة الترقيع وتكليف اللاعبين بغير مراكزهم الاساسيه!
ما يحدث بالهلال سببه إداري قبل أن يكون فني

ابشر الحين اكلم الاداره بس منو تبي يدرب ترى زيدان احتمال ينطرد او كونتي

إقتباس الرسالة الأصلية كتبت بواسطة بلجيك متأكد انك هلالي ؟ ولا بس جاي منتدى الهلال تبي تخرب بس للمعلومية ترى دياز ما مشى كعبي كعبي مشى من زمان يا حبيبي معلومه الكل يعرفها لو انك هلالي من الاساس وبالنسبه للمدرب فهو مدرب ممتاز وله اخطائه.. ولكن: اصابة: ادواردو والعابد والحافظ وعبدالملك الخيبري وعمر خربين كفيله انها تضعف مستوى اي فريق

الله يسعد هالوجه ي شيخ .. اعجبتني

و زي ما قلت انت .. ما اعتقد ان صاحب الموضوع هلالي

إقتباس الرسالة الأصلية كتبت بواسطة ابوساري لماذا لابد من اقالة دياز؟ علشان يحقق ( غير ) الهلال الدوري. لأن الهلال حاليا : 1- الهلال متصدر الدوري. 2- الهلال أقل الفرق خسارة بخسارة وحيدة فقط. 3- أكثر فريق لم يخسر في مباريات متتالية بـ11 مباراة. 4- ثاني أكثر الفرق محافظة على شباكها 343 دقيقة. 5- أقل الفرق الـ14 استفادة من اللاعب الأجنبي 48.38% ( مابالك لو يكملون ويرجع السوبر). 6- أفضل دفاع بالدوري. 7- خامس أفضل هجوم ( بينه وبين الثاني النصر 3 أهداف.. وخلفه الشباب والإتحاد ) 8- أفضل فريق بالدوري استحواذ, و أكثر تمريرات صحيحة.

احسنت .. كلام كبير كفيت و فيت

و كلنا مع دياز

إقتباس الرسالة الأصلية كتبت بواسطة سعيد الحمادي أتوقع والله أعلم ان دياز ماشي نهاية الموسم مع نهاية عقدة وعلشان النادي مايدفع الشرط الجزائي. يمكن الظروف توالت عليه من كل مكان بس ياجماعة أحس انه أفلس تكتيكياً. تتذكرون دونيس في نهائي كاس ولي العهد لما غير الخطة وتفاجأ لاعبي الأهلى والمدرب بخطة جديدة مفاجئة وجاب ناصر ونواف هدفي الفوز. ذبحنا دياز بالاستحواذ مايوصل الفريق لمرمى المنافس الا بعد عشرين تمريره وكل لاعب يرجعها للاعب اللي باصاه اللعب الأوربي أحياناً تمريرتين او ثلاث وتوصل للمرمى أيام ماكان الهلال يقدم الكورة الممتعة الجميلة وكانت كل مباريات الهلال ممتعة مثلثات ومربعات وفنيات وعدد كبير من الأهداف. اييييييه يالدنيا سقى الله زمان أول. دياز ماقصرت لكن نهاية الموسم خذ ولدك وعلى بوينس آيرس مشكوراً.

نسيت تحلف انك هلالي .. يالله ما زبطت الحركه

المهم .. دياز اكبر من انك تنتقده

و اذا ع الاستحواذ .. ف ودي بس لو مره وحده ف حياتك تشغل مخك دقيقه و بعد الدقيقه ارجع لوضعك الطبيعي .. الاستحواذ = اكبر احتماليه لصناعه الفرص

النتيجه = استغلال الفرص

يعني الاستحواذ يعطيك فرص تسجيل .. و اذا استغليت كل الفرص راح تحقق نتيجه كبيره و اذا ما استغليتها ف الاستحواذ ماله دخل

الحين خلاص لاعاد تشغل مخك و اترك الهلال للهلاليين ..

إقتباس الرسالة الأصلية كتبت بواسطة نارالنشاما اليوم قرأت خبر في الرياضيه ان المفلس ابوخطه واحده استبعد الحبسي وخربين من القائمه الاسيويه !! اليس في ادارة الهلال رجل رشيد يناقش هالعابث !؟

اترك الهلال للهلاليين .. و احنا مع دياز

و الصياح و المطالبه بإقاله المدرب و الاداره و سب الرئيس و الامراض هاذي مهي عند الهلاليين .. هاذي عند الفقراويه و الاتشاديه