عفواً الهلال في غرفة الأنعاش متى يفيق الله أعلم
 

الحمد لله على كل حال
تعبنا من الكلام والنقد وادارة الهلال ومدربه ولاعبيه يغطون في سبات عميق إدارة تجامل المدرب والفرج ومدرب عاجز عاجز عن ايجاد بديل لادواردو والسبب لأن خطته الوحيدة التي يجيدها لا ينقذها من الفشل في كثير من المباريات الا أدواردو وعندما اصيب انكشف المستور وعجز المدرب عن تغيير خططة للتتوافق مع امكانيات الباقين لانسمع من بقول الاصابات عصفت بالفريق هذا هراء وكلام مردود على صاحبه من كاد يهزمنا أمس الاتحاد كلنا نعرف ضروفة التى لو مرت على غيره لاصبح الآن غير موجود بيننا في الدوري ولا يضم نجوم يتغنى بهم سواء المولد وفلانوفيا ولكنها الروووووح وحب الشعار ياسااااادة التى لا نشاهدها في الهلال مع هذا الجيل هي من جعلت الاتحاد يصمد ويتحدى الصعاب ويملك مدرب ذكي يوضف قدرات لاعبية كما يجب
ثانياً العام قبل الماضي توج الاهلي وهذا العام ليس ببعيد عنه لأننا لم نعي الدرس جيداً وفرطنا في النقاط تلو النقاط ( الفتح - الفيحاء- الفيصلي_ الاتفاق - الاتحاد ) نقاط كانت كفيلة بجعل الفريق الآن متصدراً عن الاهلي باثنتي عشر نقطة ولا زلتم تحلمون بالدوري مع الخباز دياااااز
وعندي احساس بأن هذا المنتدى لم يستفاد مما يكتب فيه من انتقاد وانما وضع لأمتصاص غضب الجماهير نتمنى من إدارة الهلال والقائمين على هذا المنتدي الاستفادة من الأراء التي تطرح قبل فوات الأوان والندم على ما فات
والشيء المؤسف حقاً عندما تجد شخص او مسؤول في النادي يقول انا اعتب على الجماهير حضورها قليل طيب هل سألت نفسك لماذا تتكبد الجماهير الخسائر والتعب والسفر وإضاعة الوقت وفي النهاية لا تجد الا تخبطات دياز وأشباه اللاعبين الفاقدين للروح وسكوت الإدارة عما يحدث أمامها فقبل مطالبة الجماهير بالحضور اجبرهم بمستواك العالي بالفوز بالمباراة بعد المبارة وبعدها لاتطالب بل شاهد ما يحدث في المدرج

من غيرك زعيم ..
تبي الحق .. ملينا من اسطوانة دياز و خطته اللي عقب كل مباراة نعيده ..
يارجل ارجع للمباريات اللي راحن .. ثم ارجع لحالة الفريق من اصابات و غيابات .. ثم بالأخير راجع الخيارات المتاحة حالياً لدياز وهل فيه لاعبين يسوون فرق ولا جربهم؟ ..!
تصدق إني أتوقع دياز مسجل معنا بعضوية بديلة ! .. لأنه صار يطبق كلام الجمهور بالملّي .. مع ذلك الجمهور مازال يتحلطم ..

فقط مباراة الإتحاد أمس كان تعرض الهلال فيها لضغط هجومي .. مع ذلك الهلال ضيّع فرص بالجملة مثله مثل الإتحاد ..
أما في المباريات اللي قبل .. كان الهلال مسيطر سيطرة تامة و يهجم و يواجه مرمى الخصم بأكثر من مناسبة ..
مسالة عدم التسجيل هي عدم توفيق من رب العالمين أولاً .. وإمكانيات لاعبين ثانياً ..
دياز جرّب كل المهاجمين .. و جرّب كل لاعبي الوسط .. وجرّب كل لاعبي الدفاع .. وجرب جميع الحرّاس باستثناء واحد :D
باقي يسوي سحب بين الشوطين يدخّل واحد من الجمهور يجربه ..

لاعبينك مايناطحون و طحت بمقالب لاعبين أجانب ..
لو الهلال معه بيسمارك القادسية و قوستافو الفيصلي و جهاد التعاون .. بوجود إدواردو و الحبسي و خربين ..
شف ثلاث لاعبين من أندية ثانية برخص التراب .. لو جو عندك جبت آسيا بالريوس ..

الهلال ناقص .. عناصرياً يعاني من سوء المهاجمين و قلة اللاعبين الحاسمين بخط الوسط اللي يقدر ينهي لك هجمة ..
لذلك تلقى الهلال يوصل و يمسك المباراة و لكن كل الكورة بالحارس أو العارضة أو 100 متر فوق العارضة .. !

نعم ياغالي احترم رأيك ولكن هذه المشكلة نعاني منها من الموسم الماضي لا نسجل الا بشق الانفس فأين دياز والادارة عن حلها
ومشكلة الاصابات ليست عذر لفريق كالهلال ولكن الفريق متراجع مستواه
بشكل مخيف
ونلوم الجهاز الطبي على اصابة نواف فلاعب مصاب وهناك احتمال يجري عملية لماذا يشارك هل سيفيد الفريق لا بل سينضر ويضر الفريق
والسيطرة التي نشاهدها كلها في وسط الملعب بدون خطورة وصناعة فرصة مرسومة بل كرات تصل للمهاجمين بشكل عشوائي زاحيانأً بذكاء من مدرب الفريق الخصم ليلعب على المرتدات ويخطف هدف وهذا شاهدناه كثيراً

الاتحاد كان أفضل أمس لان اجانبه كانوا الأفضل
الكلام ان الاتحاد ما يقدر يسجل
أخفت ان الاتحاد يملك اجانب مميزين قبل منع التسجيل
حتى العكاشي اللي يسبونه مميز في التمركز
لذلك يحصل على فرص انت وضميرك
اما الهلال فلا يوجد به في مباراه الامس من الأجانب الا الحبسي

الله يعطيك العافية
وبالتوفيق للهلال الزعيم الملكي

غاب سلمان الفرج و غاب وسط الهلال ..

سلمان الفرج كان يوقف على الكوره و يخلي فريق الهلال بأكمله يتحرك للأمام و يتراجع الخصم .. و بكذا تقلل من فرصه خصمك للهجوم

كل المبارايات اللي لعبها سلمان الفرج .. كان الهلال تجي عليه بالكثير بالكثير 3-4 فرص بس و باقي اللعب للهلال

مباراه البارح .. غاب سلمان الفرج و لاعبين الوسط فقدوا ادوارهم بالملعب و استقبل الهلال 9 فرص تسجيل

من متى انديه الدوري السعودي تتجرأ ع الهلال ؟؟

الغريب مو هنا .. الغريب نلقى ناس مرضى يسبون سلمان الفرج

و للتذكير .. هدف المنتخب السعودي على الامارات بفهد المولد .. كانت التمريره من سلمان الفرج اللي اذا وقف على الكوره يخلي حتى المصاب يتحرك و ينتظر تمريره

و البارح افضل ظهير ايمن محمد البريك اللي تعودنا عليه يلعب رابع المهاجمين و يتمركز كجناح و يتحرك خلف خطوط الدفاع و يستلم تمريره من سلمان الفرج

امس غاب سلمان الفرج و اكتفى محمد البريك بالتمركز فقط و الشي هذا اجبر ميلسي للتقدم و تعويض النقص و تسبب في كشف وسط الهلال

غياب سلمان الفرج فضح كل لاعبين الهلال ..

،،، رررربي يحفظه داااايماااا" ،،،

،،، ررربي يعطييييك العاااااافيييه ،،،