ياسر القحطاني يقول 4 شهور لم نستلم رواتب هل هذا سبب الاخفاق
 

السلام عليكم ورحمة الله

ذكر ياسر القحطاني ان اللاعبين لم يستلموا رواتبهم من 4 شهور

والمقصود أن الاعبين يعاقبون الهلال وإدارته بتفريط بالنقاط ومن بعدها بالتفريط بالصدارة ومن بعدها بالدوري وبعدها بكأس الملك

الإدارة لم تحرك ساكن تعادل مع الفتح ومر الأمر مرور الكرام انهزم من الفيحاء ومازال الصمت من الإدارة تعادل مع الفيصلي وهم سكتم بكتم
والجماهير مسكينة تعاني ومع كل هذا الخذلان من الإدارة ومن الاعبين جماهير الهلال متصدره ادعم ناديك

سؤال إلى متى يصبر الجمهور على تخبط الاداره وعناد المدرب وستهتار الاعبين

الي لا يحترم الشعار يذلف والله لو هو الثنيان بزمانه

اللاعبون من حقهم استلام رواتبهم شهريأ
ولايجادل في ذلك الا جاهل
لكن من الوفاء للهلال على اللاعبين مراعاة النادي في مختلف ظروفه
وليعلموا أن ظروف الزعيم بجانب ظروف الأندية السعودية تعتبر بسيطه
ورواتب اللاعبين تفوق مئة ألف ريال لكل لاعب في الغالب
والمئة ألف هذه تكفي اللاعب لعدة شهور اذا لم ينفقها الا فيما نفع فيه
أما اذا اسرف في الانفاق وبذخ فيه فلن يكفيه
كما هي طريقة أغلب لاعبي الأندية حاليأ الا من رحم الله.

ان كان الكلام صحيح

يجب على نواف بن سعد غربلة كل متخاذل مهما كان وزنه بالفريق

واولهم ياسر يحمد ربه يستلم مئات الآلاف وهو نايم على الدكه ويشرب كوفي

اللي مايخلص للنادي الباب يوسع جمل مهما كان الاسم ويتم التصعيد من نجوم الاولومبي

من وين جبت الخبر هذا ؟

فريقنا متصدر بفارق اربع نقاط
وعقبال الفوز على المنافس الاهلي
وضمان الدوري
وسعوا صدوركم

ان كان هناك لاعب عالة على نادي الهلال فهو ياسر القحطاني الذي لم يقدم خلال السنوات الماضية مايشفع له ان يكون لاعباً في الهلال.
واللاعبين المتخاذلين لا مكان لهم في الهلال، نريد لاعبين أوفياء يخلصون للنادي وجماهيره التي صنعت منهم نجوماً في مجال كرة القدم.

حتى اذا ما استلموا رواتبهم كذا يلعبون في الاول والاخير رواتبك بتتسدد

واي لاعب بيلعب بالتخاذل اللي حاصل حاليا الباب يفوت جمل حتى وان كان الفريق واقف عليه

الله يرحم ايام كانت العقود بمئات الالاف والاعب يحرث الملعب طول بعرض

يعطيك العافية

امس ذكرها في برنامج كورة في روتانا

إذا فعلاً قال هالكلام .. فاللي يسمعه يقول راتبه ثلاثة آلاف ريال !
تراك تستلم ملايين مقدم عقد .. وعندك مشاريع يمين ويسار .. ولو تبطّل كورة عشت بدراهمك إلى يوم يبعثون ..
وترى الراتب اللي متأخر فوق الميتين ألف .. يعني لو ينزل لك راتب شهر واحد بس بالسنة مشت أمورك ..
أربعة شهور أجل ! .. هههههه ويقولون ادعم ناديك .. لو يبي نص ريال ماعطيته

لاعب اكرمه الهلال واحترمه نواف بن سعد واخرتها يحرض ويتشكى عند رئيس الهيئه ورئيس الاتحاد السعودي لكرة القدم في برنامج يديره نصراوي متعصب والله ثم والله لايستحق البقاء في الهلال لو ليوم واحد
لاكن مااشره عليه اشره على نواف بن سعد اللي معطيه اكبر من حجمه

قالها او ماقالها لاعب لا يستفاد منه والأجدر يحترم تاريخه ويعتزل

باسر كان متعة زمانه.. وحاز المجد من جميع الاطراف
وحان الرحيل الآن.... وداعاً ياسر القناص

ياسر القحطاني دايم ظهوره الاعلامي مثير للجدل ومحرج لإدارة النادي وكأنه يحمل الهلال جميل انه يلعب فيه ماننكر انه خدم الهلال وفي المقابل الهلال وجماهيره اعطوه من الدعم أكثر من اساطير مرت على الفريق بصراحة ان وجوده اصبح مزعج وقاتل للمواهب وشتان بين تعامل الشلهوب وياسر!!!

مشكلة الهلال خربين والإصرار عليه وتهميش ريفاس ومختار..
وسلامتكم ..

الله يعطيك العافية
وبالتوفيق للهلال الزعيم الملكي

لا منك ولا من كفاية شرك يا المهاجم المعطوووووووووووب
متى بس تذلف من النادي وتفتك منك

هذا اللاعب مهرج ...
الان ملايينك ماتدري وين توديها فيه ..وتحجج بالرواتب والفلوس ...؟؟؟
احمدوا ربكم بس ...والعبوا زي الناس ..
الفلوس خايف انها تنهب يعني ؟؟
.