13/01/2018, 01:41 AM
|
| زعيــم نشيــط | | تاريخ التسجيل: 20/07/2011
مشاركات: 918
| |
المدرب داهية ويسعى إلى يكون الهلال قادر ينهي أي فريق محلي او آسيوي مهما كان قوي لكن ظروف عجيبة لازمت الهلال في الفترة الأخيرة خلا المدرب عاجز انه يتصرف واذا مشينا ورا العاطفة راح نخسر مدرب عالمي معروف ولا يحتاج لشهادتنا له اصلا
خطة دياز أن يكون للهلال مهاجمين اثنين أجانب على الأقل بحيث يكون واحد أساسي والثاني يكون ورقة رابحة حسب حالة اللعب
ويكون وراه خط ثاني من النجوم مثل ادواردو والعابد ويمكن انه يخطط على صانع لعب اجنبي هذا غير سالم الدوسري
مدرب يبي الأجانب كلهم قدام عشان يخلص أي مباراة وهذي هي نفس الطريقة اللي جابت لنا بطولتين العام الماضي
الحبسي ما طلبه ولا جابه للفريق لأنه راح يكون على حساب لاعب اجنبي في المقدمة في بطولة اسيا وهذي راح يخلينا عاجيزين عن الحسم خصوصا أن المعيوف مستواه ثابت اضافه انه راح يقتل روح اللاعبين اذا شافوا انه حط الحبسي بدل المعيوف والمعيوف يقاتل على الخانة ومقدم مستوى ( يعني يفهمون انه تقدم مستوى أو ما تقدم مستوى أهم شي الاسم وليس المستوى )
ماتياس هو الغلطة الوحيدة للمدرب مع أن الإدارة مسؤلة هي الثانية لأنه لازم يكون مستوى اللاعب يناسب حجم الهلال بغض النظر عن قناعات المدرب في اللاعب وبعدين واضح أنها غلطت شاطر بدليل حماس المدرب في كل مباراة ولو يبي يخربها كان قعد يتدلع مثل الخدامات ولا همه الفريق
قدام اوراوا يجي ادواردو رباط في أول مباراة الرياض ويصاب خريبين في أول مباراة اليابان هذا غير النكبة ماتياس اللي نكب المدرب قبل الهلال ( شي عجيب !!! )
بالنسبة لخانة الفرج ترى مر على الهلال أكثر من مدرب وكلهم حطو الفرج في نفس الخانة واذا كان مستوى الفرج نازل فيمكن يكون الإرهاق له دور لكن كل هذا ما يجي شي عند تغيير المدرب بمدرب جديد يجي يتعرف على الفريق ويجرب في الفريق من جديد ( نبي مدرب عارف للفريق عشان يطرد المتخاذلين والكديش ويثبت الممتازين)
الضربات الركنية راح تتحسن في حال إكتمل الفريق والضربات الثابته ما كل لاعب يتقن هذي المهارة ومع ذلك في ادواردو والعابد وحتى البريك ويمكن الأجنبي الجديد يكون منهم
، ، ، مليسي هو أفضل محور صحيح لكن كانت عنده أصابه أو فيه مشكلة (مادية ) الله أعلم وش المانع وانا وانت خارج النادي ولا نعرف وش يصير في الداخل
باختصار المدرب والإدارة يسعون لصناعة فريق أقوى من الفريق اللي جاب لنا الدوري والكاس في العام الماضي
فيه اجنبي جاي في الطريق وادواردو راجع لنا بإذن الله هذا غير ريفاس وفي حالة تعافي العابد ورجوع خريبين لمستواه واستمرار سالم على مستواه رايح تكون خطة دياز اكتملت وهذاك الوقت الهلال قادر يجيب صداع لأكبر الفرق بإذن الله
المطلوب من الجمهور الصبر إلى أن يتعافى الهلال
اخر تعديل كان بواسطة » الكرة الهجومية في يوم » 13/01/2018 عند الساعة » 02:29 AM |