اتفق معك بخصوص ميليسي و بريتوس و اختلف معك بخصوص إدواردو ..
إدواردو غاب راح الهلال و لا فيه لاعب يقدر يغطي مكانه .. ولا أتوقع نقدر نتوفق في أجنبي في إمكانياته ..
بالنسبة لي أشوف الرباعي الأجنبي المكون من ميليسي و بريتوس و الحبسي و ريفاس .. كلهم فيه بدائل أفضل منهم بكثير ..
الحبسي مع احترامي لتاريخه الكبير ..
لكن تركيبته كحارس خليجي قصيرة الأجل
.. لأنه ماتأسس مثل ماتأسسوا الحراس الأوروبيين .. وهو كبير بالسن حالياً
وافتقد مرونته و ردة فعله .. وهذي أهم ميزات الحارس ..
علشان كذا أشوف حارس أوروبي هو أهم من أي مركز ..
لأن الحارس نصف الفريق .. أهداف نكبات و من نص الملعب يدخل عليك هدف ماتخارجنا .. و خسرنا آسيا أكثر من مرة لهالسبب
بريتوس .. يعجز اللسان عن وصف و شرح حالة هاللاعب .. أكبر مقلب كروي شفته و عايشته ..
ريفاس .. لاعب عادي جداً و لا أشوف فيه فرق بينه وبين أي لاعب سعودي ! .. اليامي إشراكه أجدى و أنفع كلاعب شاب ..
ميليسي .. مثل ماتفضلت .. غاب و لا حضر .. الفريق هو هو .. اللهم الصبغة و اللون اللي اختلفن ..
اللي اعرفه الميزانية ماتساعد في هالفترة لعمل أي انتدابات ..
لكن الموضوع في منتدى أستاذ أيوب ولا فيه مشكلة نقترح و نتناقش ..
الحارس أولوية .. ( أوروبي النشأة
)
ثم صانع ألعاب .. ( دودو لاعب بالميراس أو من طينته )
ثم مهاجم .. ( لاعب بمواصفات لاعب أوراوا البرازيلي .. سدد 10 تسديدات و سجل 9 اهداف ) .. (( مايوفر ))
ثم قلب دفاع ..
كنت أتمنى جناح بدال المدافع لأن الكورة الحديثة أهم لاعب الجناح .. حتى المهاجم مكمّل في أغلب الفرق ..
وأغلب اللاعبين العالميين الغالية أسعارهم أجنحة .. لكن وجود خربين واللي ماتقدر تستغني عنه حالياً حدنا مانكدّس في هالمركز
--------
محلياً ..
اتمنى ارجاع السواط .. موهبة تم التفريط فيها للأسف ..
و التعاقد مع سلطان السوادي .. لأنه موهبة بصناعة اللعب و يصلح لعملية التدوير اللي تصير عندنا ..
أما غيره فما أشوف له داعي بسبب قرار الستة أجانب .. فأشوف إن دراهم الميزانية تروح للأجنبي المميز أفضل من تروح للاعب سعودي يعطيك مباراتين و ينام لين يعتزل ..
والعناصر الأساسية بالهلال ممتازة ..