هاردلك على التعادل الغير مستغرب كالعاده قفل على اجنحة الهلال ويضيع الهلال دياز لازم يعرف ان خطته مكشوفه مجرد ماتتم مراقبة البريك والشهراني نتورط وخصوصآ ان ماعندنا صانع لعب ليش الاداره الهلاليه ماتناقش المدرب عن سبب عدم العمل على الكورات الطويله من الدفاع والمحاور للهجوم مثل ماكنا نشوف مع ريجي كامب ودونيس

هل جل الشعر يؤثر على اداء اللاعب في الملعب؟
اذا كان يؤثر نرجو من الادارة منع وضع جل الشعر قبل المباريات
و أي لاعب يبي يتمشي يروح الثمام و الملاعب مخصصه للعب كرة القدم و افهم يا فهيم

دياز انكشف وافلس للأسف

الهلال يحتاج صانع لعب بشرط يجيد تسديد الفاولات

المشكله الازليه لدينا هي اضاعة الفرص

خطة مكشوفة !!

قصدك مافي خطة

برشلونه والريال كلهم خططهم مكشوفه والجميع يعرفها.

الهلال ايضاً خطته مكشوفه وكل الفرق خططهم معروفه.

لكن جب لي فريق سعودي او اسيوي يستطيع ان يهاجهم الهلال؟
او يفتح الملعب امام الهلال ؟؟؟

هنا التحدي

إقتباس الرسالة الأصلية كتبت بواسطة ابومشاري الهلالي برشلونه والريال كلهم خططهم مكشوفه والجميع يعرفها. الهلال ايضاً خطته مكشوفه وكل الفرق خططهم معروفه. لكن جب لي فريق سعودي او اسيوي يستطيع ان يهاجهم الهلال؟ او يفتح الملعب امام الهلال ؟؟؟ هنا التحدي

صحيح ان خطة الريال والبرشا مكشوفه بس يعرفون كيف يتعاملون مع مجريات المباراه لو تقفل على اجنحتهم هاجموك من العمق ولو قفلت العمق هاجموك بالتمريرات الطويله ولو سنتر كل لاعبينك عند مرماكم سجلو عليك بالتسديدات يعني ماتدري من وين يهاجمونك وهذا الشيء مفقود بالهلال وبخصوص المهاجمه ما ادري وين النجاح بالموضوع انك تلعب طوال المباراة مهاجم ومستحوذ ولا تفوز ادري ان الهلال فريق كبير وكل الفرق تلعب بخطه دفاعيه قدامه وهذا اللي ضيع علينا مباريات كنا الاحق بالفوز فيها لفارق الامكانيات تصدق بالله تمنيت ان الهلال يلعب نهائي اسيا بطريقه شبه دفاعيه حتى يجبر الخصم ويخليه يطلع من مناطقه ويلقى الهلال مساحة بالهجمات المرتده

اسمح لي اخوي ما فيه شي اسمه خطه مكشوفه موضوع الاستحواذ على الكرة ومحاولة اقتناص الثغرات طريقة جيده ولكن لنستفيد من الاستحواذ يجب أن يلعب المدرب بكل لاعب بمركزه الأساسي وبمجرد غياب الأساسي يلعب البديل وعدم اختراع مراكز ليشارك مثلا الفرج محور ودرويش ظهير ايضا اشراك اكثر من لاعب بنفس المركز وتكليفه بمهام مركز اخر يضر الفريق وهذا يحدث عندما يشارك العابد والفرج سويا وكذلك عطيف وميليسي لذلك اتمنى ان يلعب المدرب بكل لاعب بمركزه الأساسي بغض النظر عن الأساسي او البديل
الشهراني او الزوري ظهير ايسر
جحفلي وهوساوي او البليهي او الحافظ مدافعين البريك او زباني ظهير ايمن
الخيبري محور دفاعي
عطيف او كنو او فلاته محور هجومي
العابد او الفرج او ناصر الدوسري وسط أيسر
سالم او درويش او ذعار العتيبي وسط ايمن
خربين او المنيع او ياسر مهاجم ثاني
ريفا او مخ رأس حربة
عندها سنجد فريقا منظما يقنع ويمتع ما عدا ذلك سيبقى الهلال يعاني حتى وان فاز
وبالفترة الشتوية يتم التعاقد مع صانع لعب سريع ومهاري ويجيد التسديد الثابت و المتحرك مثلا لوان جريميو او لاعب مشابه حتى يلعب المدرب بطريقة 4411 او غيرها من الخطط

المدرب دياز مميز ومايقدمه مميز والدليل أن الفريق يسيطر على المباراة مهما كان الخصم كبير أو صغير .. تبقى المشكلة في التهديف وضياع الفرص وهذا لا يتحمله المدرب .. والتوفيق من الله والله يوفق الزعيم

ابشركم دياز نفسه بيلعب الجولة القادمة من الدوري عشان يسجل اهداف
مدرى وشتقولون كل مباراة اكثر من مئة هدف يضيع وتلومون دياز والله ان النصر والأهلي والاتحاد وغيرهم من دول الخليج ينتظرون خروجه من الهلال وبيدفعون له اكثر
شكلكم بتنحشونه مثل غيره عند اى هزه بالفريق

الله يعطيكم العافية
وبالتوفيق للهلال الزعيم الملكي