|
لاعب المواليد علي النمر لايفوتكم ياإدارة الهلال المعلق عامر يعطي إيحاء بمفاوضات اتحادية مع اللاعب السلام عليكم ورحمة الله وبركاته، تحية طيبة للجميع وبعد .. إلى رئيس إدارة نادي الهلال سمو الأمير نواف بن سعد وفقه الله: كلنا شاهدنا المستوى المتميز للاعب المواليد علي النمر، ولكم ان تتخيلوا كيف أنه ومن أول مباراة يحظى بجائزة أفضل لاعب في المباراة !! لذلك آمل من سمو الامير رئيس نادي الهلال ان يعجل بطرح اسم هذا اللاعب كمقترح للجنة الفنية الموكلة باختياراتها للعيبة المحترفين سواء أجانب او غيرهم .. لفت انتباهي المعلق الإماراتي عامر عبدالله في قناة سبورت اماراتية يعلق فيها بتناوله للحديث عن علي النمر ، وقد ذكر في كلامه أنه ربما هناك مفاوضات اتحادية اللاعب وربما يكون نمرا جديدا ضمن النمور في الاتحاد بحسب كلامه.. حقيقة انا لا أعرف ماهو النظام عندنا بالاتحاد السعودي فيما يتعلق بالمواليد .. لكن ان كان النظام يسمح ؛ فاقتراحي المتواضع : احرصوا على ضم اللاعب علي النمر ضمن الفريق الأول في نادي الهلال، لا يفوتكم .. لايفوتكم .. لا يفوتكم .. استعجلوا في ذلك إني لكم لمن الناصحين.. وراح تذكرون كلامي بإذن الله .. شكرا لحسن استماعكم لآرائنا .. ماجد التميمي . |
إذا في لجنه فنيه من الأساس ياليت تسألهم ليه مشو كعبي وعبدالكريم القحطاني والسواط وفهد غازي وقعدو منتهين الصلاحية عزوز الدوسري والزوري ودرويش؟ |
جد هاللاعب موهوب وذكرني بالعابد في بدايته قبل ينزل مستواه ويصير بالشكل الحالي ... خير بديل لعموري ويعوض العابد هو علي النمر جد اسلوبه وطريقته تناسب الهلال تماماً وهو ما ينتقص الهلال |
إقتباس:
أضم صوتي لصوتك عزيزي لاعب مهاري لايفوت علينا لاعب صانع لعب من الطراز الاول ولاعب صغير السن العود/ ابوعبدالله |
اذا وقعت اداره الهلال معاه . اعتبرها نهايه الاعب صعب راح يلقى الفرصه وياخذ الخانه هالشي ماهو غريب ولنا تعاقدات من عبدالرحمن بن مساعد ليومك هذا اي لاعب نتعاقد معاه حبيس الدكه لين ماينتهي ياليت النجراني يلقى الفرصه ويلعب لاعب عنده الامكانيات يقول ابي العب لاكن الي يسرح ويمرح ويستعرض ماخذ فرصته وفالها |
هههههههههههههههههههههههههههههههههه جمهور الهلال مثل الطياره على طول اقلاع لاعب في بطولة خليج مستواها زي الزفت البطولة ككل تبغاه بالهلال ههههههههههه علشان انه كدش و صور مع عموري هههههههههههههههههههههه بعذر دياز صاير اسطورة عندنا |
لاعب عادي ، وجدا ومباراة واحدة ماهي مقياس للحكم على اي لاعب يازعماء |
الصراحة مادري كيف حصل على افضل لاعب في المباراة؟! انا كنت اعتبره من اضعف اللاعبين في المباراة من الجانب السعودي وكنت اتوقع المدرب يخرجه في اي لحظه ولما ما اخرجه توقعت ان المدرب يريد الوقوف على مستواه في كامل المباراة اللاعب لم يكن له بصمه واضحه في الملعب سواء من تهديف او صناعة لعب او استحواذ او سرعه او خطوره او قيادة ميدان,, طبعاً اللاعب ماهو سيئ ابداُ بالعكس لعب بشكل جيد كأول مباراة,, لكن لم يكن ليكون افضل لاعب في المباراة مثلا عندك عموري كأن افضل منه في المباراة بكثيير! اتوقع النظام الجديد لتحديد افضل اللاعبين مضروب,, او كمبيوتري يحسب ارقام بدون ما يتم تقييم اللاعب بشكل نوعي مثلا كيف حصل عمر خربين على افضل لاعب في آسيا؟؟!! ولا اخذها ادواردو موضوع افضل لاعب اراه لايعكس حقيقة مستوى اللاعب بشكل واقعي بعطيكم مثال خارج عن الموضوع رغم اني ارى انه يقرب الصورة بشكل كبير مع اني اعتذر عنه مسبقاً ,, لكن لرغبتي لتوضيح الفكرة وهو كل سنة تطلع لنا الجرايد والاخبار ان فلانه فازت بلقب ملكة جمال العالم وتجي تشوفها تلقاها غير جميلة وشكلها عادي جداً ونحيييفه ولا لون ولا بياض,, حتى بعض الخدامات اشكالهم اجمل لكن يتم تحديد الفائزة عن طريق اخذ قياسات للوجه وواخذ ابعاد الجسم ومدري ايش فتطلع الفائزة جميلة في نظر الكمبيوتر وللا بالله كيف يوسف الثنيان ماقد اخذ جائزة فضل لاعب في آسياء ولا مره!!؟؟ مع انه سبق وحقق بطولتها كلاعب كذا مره في الميدان المفروض ان يحتكرها كم سنة اللاعب جيد لكن عبدالكريم القحطاني والسواط افضل منه في الحقيقة لحد الآن لكن لو تخليه يحلق شعره,, صدقني ماتشوفه في الملعب ولا تحس له تأثير واللي مو مقتنع يشوف المباراة في الاعادة لكن قد يكون له مستقبل مشرق,, الله اعلم وبالتوفيق له |
الله يعطيك العافية وبالتوفيق للهلال الزعيم الملكي |
فيه نقطة مهمة أخوي غايبه عنك ، ماأدري ناسيها ولا ماجت ببالك : ألا وهي إن اللاعب ( أول مرة يشارك في مباراة )، ولاحظ ولا هي أي مباراة .. مباراة دولية!! حنا الحين لعيبتنا الله يعطيهم الصحة والعافية ندربهم 8 سنوات ويلعبون في السنة أكثر من 20 مباراة ومعظمها جماهيري ( هذا غير مباريات بطولة آسيا) ومع ذلك تشوف فيهم العك الكروي وعدم الكنترول السليم المحترف في المناطق الضيقة في الملعب ومع الخصم ؟؟؟ مدري بس وجهة نظري اللي أجزم انها صائبة إنه مشروع لاعب قادم وبقوة ، وبعدين فيه نقطة مهمة : ترى اللاعب الغير سعودي يحاول يثبت نفسه ويثبت جدارته حتى لو كان مستواه متواضع مابالك إذا كان هو أصلاً مميز؟؟؟؟ ولنا في عمر خريبين خير مثال .. شكرا لمداخلتك. |
السلام عليكم ورحمة الله وبركاته فعلا لاعب ممتاز ويستاهل اللعب فالزعيم وهو مايحتاج له الزعيم فالموسم القادم فحضوره فالوقت الحالي يجعله يتعود على الأجواء فالهلال والتاقلم على طريقة لعب الفريق الأول لكرة القدم. نتمنى أن نشاهده قريبا فالفريق. تحياتي للجميع |
إقتباس:
انا اشوفه لاعب عادي خلال مباراة امس وحصوله ع الافضليه لايعني انه لاعب متميز اغلب التقييمات كلام فاضي ومو اي لاعب يبدع بمباراة قلتوا نبيه شوفوه اول واسألوا عنه الشلهوب لانه من خريج مدرسته اذا يستحق او لا يعطيك العافية |
بسم الله الرحمن الرحيم السلام عليكم ورحمة الله وبركاته حقيقة انا لم اتمكن من مشاهدة اللاعب على الهواء ولظروف لم اتمكن حتى من مشاهدة اللقاء الاول في افتتاح البطوله ولكن حسب بعض قرائاتي عن بعض نجوم الاخضر من المواليد ومن اللاعبين المبتعثين والذين يلعبون لجامعاتهم او الكليات اللتي ينتمون اليها كان الوسط الاعلامي يشير الى ان هناك موهبه جديده وكبيره اسمها علي النمر وهو صوره طبق الاصل لللاعب عمر عبدالرحمن (عموري) والمتخرج اصلا من حواري الرياض ولا اعلم كيف تم التفريد في هوهبه بهذا الحجم وكان الاعلام يناشد الجميع ان لا يتكرر الخطأ مرتين فعلي النمر يسير على خطي عموري وهو يشبهه في كثير من الامور وبعد هذه الاشاده الاعلاميه باللاعب يظهر للجمهور وتختاره اللجنه نجم المباراه ولاعبها الاول في ودو الاسطوري عمر عبدالرحمن ومن اول مباراه رسميه يلعبها وهو بعيد عن الديار وتحت ضغوط كببيره اعلاميه ونفسيه وحسب ما اره من معطيات ان اللاعب يملك الموهبه والحس واختلاف الجماهير عليه هو سنة الله في خلقه وليس عيبا ولا نقصا في اللاعب ولا في اصحاب الراي والراي المعارض اما فنيا ومعنويا ومنطقيا فاعتقد ان اللاعب يجب ان يوضع تحت مجهر الاداره الهلاليه وتحت ادارة الاتحاد السعودي ككل لان المؤشرات كلها تقول تعلموا من اخطاء الماضي حتى لا تعضوا اصابع الندم مستقبلا انا لم اشاهر اللاعب وانما بنيت رايي المتواضع جدا على حواركم وارئكم انتم |
لاعب في بداية حياته الكروية لديه مهارات جيدة ولعب مباراة جيدة البارحة لن احكم عليه من مباراة واحدة فقط ولكن بنيته الجسمانية ضعيفة و هو نقطة ضعف في عدة لاعبين في الهلال ( الشهلوب - عبدالعزيز الدوسري - العابد - وغيرهم ) مهارات ولكنهم غير مفيدين في الاحتكاكات مع الفرق ذات البنية القوية نرجو الاهتمام عند جلب اللاعبين بان يمتلكون مهارات عالية و بنية جسمانية قوية تساعدهم اثناء الاحتكاك وخصوصا في منطقة الوسط |
السلام عليكم ورحمةالله وبركاته من وجهة نظري المتواضعه ، بخصوص اللاعب الموهوب على النمر فهو مشروع لاعب له مستقبل ، بشرط ان يلاقي الاهتمام والتوجيه ، والابتعاد عن الغرور وان لايعطى حجم اكبر من حجمه ، فيتأثر نعم ، هو مكسب الى اي فريق واتمناه ان يكون هلالياً فنكسب لاعب لسنوات قادمه |
| الوقت المعتمد في المنتدى بتوقيت جرينتش +3.
الوقت الان » 12:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd