السلام عليكم ورحمه الله وبركاته

هاردلك كلمه لم مذق طعمها منذ سنه في الدوري

الحمدلله والشكر له

ننظر بإيجابيه للمستقبل
شكراً للفيحاء اهدانا مكامن الخلل في الفريق

تكتيك دياز سلبي للأسف ، تشبع من وجوده في الرياض لانختلف على عمله سابقاً ولكن يجب محتسبته والوقف على عمله

لاعبين حرام يمثلون اولومبي الهلال نشاهدهم اساسيياً على اكتاف الافضل
اخطاء المعيوف اليوم والفرج اخطائه المتكرره وبدون محاسبه

الفريق يحتاج صانع لعب ومدافع ومهاجم


وبالتوفيق للزعيم.

هات المهاجمين اللي يرجعون للخلف ويفتح مساحات ويتمركز صح واختراقات وتسديد ويضغط على المدافعين
اليوم حتى حارس الفيحاء مادري وش اسمه من قلة الهجمات
علة الهلال بالهجوم فقط
أخر مباراة فزنا فيها بسبعة أهداف مباراة الخليج
الآن الفوز بأقل الأهداف مؤشر يدل على عقم الشق الهجومي وبالذات رأس الحربة
ريفاس ومختار ترقيع فقط
خربين مهاجم ثاني
المطلوب مهاجم صريح رقم 9

دياز خلاص ماعنده شي يقدمه واختياره للاجانب سئ وخاصه ماتياس

شكرًا على موضوعك
كرة القدم فوز وخسارة واليوم هو درس ذو قيمة لنا لكسر حاجز مقولة عدم الخسارة من سنه ومن اجل الانتباه لباقي مباريات الدوري و حتى لا تضيع نقاط اخرى

دياز ليس لديه البديل المناسب في الدكة وواضح انه يحتاج الى اضافة بعض التعديلات في نهجه التدريبي لفك حصار الفرق المتكتلة دفاعيا والتركيز على سرعة بناء الهجمة وإنهائها
انهم نفس اللاعبين الذين حققوا الدوري والكاس العام الماضي مالذي تغير ؟

السؤال المحير
لماذا انتفض الفريق بعد الهدف الاول وبدات التمريرات تصل للهجوم بسرعة ؟؟
اللاعبين يتحملون المسؤلية لان لديهم أكثر مما يقدمونه في الملعب استهتار من الكل وليس الفرج من يتحملها لوحده

واضح جدا ان الهلال تاثر بغياب عدد كبير من اللاعبين ،، ادواردو وميليسي و سالم الدوسري وكنو والبريك وواضح ان العابد وخربين ودرويش فاقدين حساسية الكرة

المعيوف يقدم أسوأ اداء من فترة طويلة ولَم تتم أراحته من بعد نهائي اسيا وبالرغم من وجود حارس متمكن كان من الممكن ان يكون بديله اليوم


بالتوفيق للهلال في المباريات القادمة

إقتباس الرسالة الأصلية كتبت بواسطة saaker أتوقع الطريقة الوحيدة للمدرب الي يلعب فيها هي الاستحواذ ما عنده غيرها والفرق عرفت طريقته عشان كذا صارت تقفل عليه دفاعيا وتتركه حايس في وسط الملعب يستحوذ على كيفه بدون اهداف ..

مدرب اثبت عناده واظن لديه عرض مغري ويريد الخروج من الهلال وجالس يتعبث في الهلال

الهلال محتاج صانع لعب ومهاجم صريح

يحسب له الف حساب ومحتاج الفريق دكة

بدلا على مستوى عالي والمدرب يتخلا عن

بعض الفلسفه الزايده

إقتباس الرسالة الأصلية كتبت بواسطة هلالي رقم 70.000 جانا أكثر من مدرب ولا تغير شيء .. وأعطيك المفيـد خلال السنوات الماضيـة اذا ما تجيب لك 2 وسـط أجانب واثنين هجوم أجانب أنسى أنك تحقق الاسيوية القادمـة هل الفرج لاعب كرة ؟ هل العـابد لاعب كرة ؟ هل الزوري لاعب كرة ؟ هل الشهراني لاعب كرة ؟ قسم بالله هذولي لا يستحقون 500 الف ريال في السنـة وكثيرة عليهـم . يارجل مافي أحد يعرف يلعب فاول من ذولي الاربعه ولا يعرف يسوي أوفر للمهاجمين ؟ ! تحس أنهم اول مره يلعبون كورة . والله لو اني رئيس نادي ما يبقى من ذولي احد ، ما خسرونا قدام سدني الا همجيتهم واستهبالهم وكذلك امام الفريق الياباني واللي مو ملاحظ وش جالسين يسون يرجعون يشوفون المباريات السابقة النادي صار فيه مجاملات بشكل مو طبيعي . مجاملات = خسارة بطولات وتعب سنين بالتوفيق للهلال في المباريات القادمة وأتمنى لا أرى العك الكروي والاستحواذ اللي ازعجنا فيه المدرب الرائد مسجل 21 هدف وحنا مسجلين 21 هدف بالله مو عيب ؟؟

والله قلت اللي بخاطري لو نرجع للاحصائيات نشوف انهم ماقدمو شي للهلال وان لاعب اجنبي واحد عن اربع محلين للاسف بدال ماندفع رواتب بالملاين نحطها بلاعب اجنبي بقيمة ويلي هامسون وتياقو نيفيز ونحقق البطولات

دياز ماعنده الا ودي يمين ودي يسار
وخربين والفرج والدوسري ، اسواء ثلاثي في العالم / مو بس في الهلال

انا مشكلتي من الجمهور الضعيف ، اللي اذا شاف الاعب ابدع في مباراة صار يطبل له ليل ونهار ،
ماصاروا الاعبين مستهترين الا بسبب الجمهور الجاهل ، اللي مايعرف يعاقب الاعبين ..
اذا مافيه ادارة تعاقبهم فيه جماهير تعاقبهم ..

إقتباس الرسالة الأصلية كتبت بواسطة saaker أتوقع الطريقة الوحيدة للمدرب الي يلعب فيها هي الاستحواذ ما عنده غيرها والفرق عرفت طريقته عشان كذا صارت تقفل عليه دفاعيا وتتركه حايس في وسط الملعب يستحوذ على كيفه بدون اهداف ..

ذكرتني بالاستحواذ ايام عز برشلونه فتره واختفو والسبب انكشاف طريقه اللعب

قفلو عليهم الملعب وصار اللعب استحواذ من غير فعاليه

الله يوفق الزعيم الملكي في قادم الايام