بسم الله والصلاة والسلام على رسول الله . وبعد
هاردلك ياشباب على الخساره قدر الله وماشاء فعل باختصار نحتاج لاعب هداف من طراز عالي اما مسألة لاعب مشي حالك خلاص لعيبه انتهت مدتهم كفو ووفو ياسر والشلهوب ومختار فلاته ماقصرتو فت فلوس واشتر بدالهم لعيبه بمستوى عالي قسم بالله مقهور صرنا طقطقه للي مايسوى قهررررررررر

اخوكم ابو شيهانه مساعد البلوي

الفريق من زمان محتاج صانع لعب لكن بأذن الله الفتره الشتويه راح يتعدل الفريق

والله قهر نوصل للنهائي ونخسر نفسي اعرف متى الفرج ونواف وسالم حسمو لنا بطوله دائما
مايخذلولنا اذا الفريق كان في امس الحاجه لهم كان اخر صانع لعب حقيقي هو طارق التائب بعد كذا لم يحضر الهلال صانع لعب (نكتب ونتكلم ولكن لا حياه لم تنادي مهاجمين بدون صناع لعب كالصلاه بدون وضوء )حسبي الله ونعم الوكيل ..

كان المفروض شراء فهد المولد وعبدالرحمن العبيد وكويكبي

بدل كنو وكادش وماتياس

وإبقاء كعبي وعبدالكريم القحطاني

وانهاء التعاقد مع درويش والزوري وعزوز الدوسري

إقتباس الرسالة الأصلية كتبت بواسطة بلجيك كان المفروض شراء فهد المولد وعبدالرحمن العبيد وكويكبي بدل كنو وكادش وماتياس وإبقاء كعبي وعبدالكريم القحطاني وانهاء التعاقد مع درويش والزوري وعزوز الدوسري

الزوري ... من افضل الاظهرة التي مرت على الزعيم
الاصابات هي وحدها التي وقفت مسيرته الناجحة
الزوري للان مازال قادر على العطاء وافادة الزعيم
ومجرد التفكيرفي التفريط فيه يعتبر كاااااااااااااااااااااااااااارثه

إقتباس الرسالة الأصلية كتبت بواسطة oculus الزوري ... من افضل الاظهرة التي مرت على الزعيم الاصابات هي وحدها التي وقفت مسيرته الناجحة الزوري للان مازال قادر على العطاء وافادة الزعيم ومجرد التفكيرفي التفريط فيه يعتبر كاااااااااااااااااااااااااااارثه

إحتياط فريق كالهلال يشارك بنهائيات آسيا المفترض يكون عنده إحتياط افضل من المذكورين

ووجودهم في هذي البطوله كان عديم الفايده

ولمن يغطي الزوري دفاعياً ويكون عنده استعداد يركض مع كل هجمه وكل مرتده ممكن نقول عليه ظهير ممتاز

البريك والشهراني مغنينا عنه ولله الحمد

وعبدالرحمن العبيد لا تقارنه مع الزوري من الأساس

بكل الود الهلال لا يحتاج أي لاعب محلي فقط على الأمير نواف الان التعاقد مع صانع لعب سريع ومهاري ويجيد التسديد الثابت والمتحرك بدلا من ادواردو وقلب دفاع أيسر قوي وسريع ويجيد ضربات الراس بدلا ماتياس
ونهاية الموسم يتم اختيار محور مميز بدلا من ميليسي وعدم تجديد الشلهوب وياسر وهوساوي وبيع ومقايضة المفرج ودرويش والنجراني وكادش والواكد والحيدري وتصعيد المميزين من الأولمبي وإعادة البقعاوي وبامسعود من الإعارة إلى الفيحاء...

إقتباس الرسالة الأصلية كتبت بواسطة زمن نواف أنا معك تماماً في (فهد المولد) ..وقد ناديت بالتعاقد معه قبل فترة طويلة ..والله إنه يجيبلك العلوم وعلى مستوى وقت الجد ..وقلت إنه يذكرني بنجمنا السابق الكبير (منصور بشير) ..آخ بس لو إنّه عندنا ..لكن ما حولك أحد يسمع!!!

انت جيب لي موافقه شخصيه منه وانا اتعهد بالتكفل بصفقة انتقاله للهلال

مش منطق اننا نجيب لاعب من ناديه بهالطريقه بسوالف منتدى ... عمر هالكلام مايصير ... مثل ما الهلال لن يفرط في نجومه الانديه الاخرى لن تفرط في نجومها

من تعاقد مع ماتياس
يجب التحقيق معه ومحاسبته.
كنو هدر مااااااالي

ماتياس تعاقد معه غش مابعده غش

التيس ماتياس والله ماينسرح بغنم ضايع ....لازم يشتري ويتعاقد وجه السعد مع لاعبين على مستوى عالي والله ان الغبنه وحرة خروج كأس اسيا الى الان فيني حتى الاخلاق صارت مااااش لو قاتلو وبذلو جهد اكبر ولاضيعو فرص بالرياض كان ذالحين نرقص طررررررب ونقهر جميع الفرق

الله يعطيك العافية
وبالتوفيق للهلال الزعيم الملكي

وش الفايده تجيب لاعبين عالميين ووقت الجد ماتلقاهم ......

خسرنا اسيا واحنا نقول الظروف والاصابات والعواجيز وسبحان الله استسلام تام ومتابعه لما يتناقله ضحايا الجحفله وللاسف طقطقتهم نجحت لدى البعض وصار كل شوي يسب فلان او يحمل فلان المسئوليه وهذا مايريده كارهو الزعيم يضيع هيبه الزعيم وعشاقه .

كيف اصيب ادواردو وكيف اصيب خريبين وهل يمثل ذلك علامه استفهام ام انه محض الصدفه اذا كان اليابنيون بهذا الذكاء اليس اولى ان نتعلم كيف نتعامل معهم وكيف نفضح منطقهم ليرتدعو عنه ؟؟؟؟؟؟

يجب ان نبحث عن طريقه تدريبهم على الاصابات باحترافيه ودم بارد والقضاء على هذا النهج او الحذر منه مثل مافيه طريقه تصيب لاعب فاكيد فيه طرق لتفادي الاصابات

عدم قناعه المدرب ببعض اللاعبين الى اين ستصل بالهلال وكم نجم سيخسر بسبب ذلك

اتوقع لو لعب الشلهوب من بدايه المباراه مع مختار فلاته لكان هناك تحول اخر واللي يقول الشلهوب كبير هل يعلم انه افضل لاعبين الهلال لياقه .

لدينا افضل لاعبين على مستوى المملكه والله لانحتاج الا مدرب يوضفهم كما ينبغي ولن يقهر الهلال باي محفل

تعلم وثق انه كل مازادت طقطقتهم فهذا يعني يقينهم انك الاحق بالبطوله وانك قادر على العوده لها

اتركوهم بمستنقع جحفلي وامضو بفريقكم للامام فباذن الله لن يقهر

إقتباس الرسالة الأصلية كتبت بواسطة المثالي الهلالي بسم الله والصلاة والسلام على رسول الله . وبعد هاردلك ياشباب على الخساره قدر الله وماشاء فعل باختصار نحتاج لاعب هداف من طراز عالي اما مسألة لاعب مشي حالك خلاص لعيبه انتهت مدتهم كفو ووفو ياسر والشلهوب ومختار فلاته ماقصرتو فت فلوس واشتر بدالهم لعيبه بمستوى عالي قسم بالله مقهور صرنا طقطقه للي مايسوى قهررررررررر اخوكم ابو شيهانه مساعد البلوي

نبغى محترفين بقيمة رونالدو وميسي غير كذا نم واشبع نوم
من تلعبهم ضده اذا البريك وربعه يفوزو عليهم بالخمسه والاربعه واذا عندك 300 مليون طلعها نجيب لك واحد منهم انت الا نم واشبع نوم الرجال ماقصرو وصلوا وقلتها انت الله ماكتب لاتقلل من الاوسود اذا واحد اخطا او تصرف برعونه لاتجمع