|
الاسباب من وجهة نظري البسيطة يازعماء السلام عليكم انتهت المباراة بخيرها وشرها والحمدالله اسباب التعادل الذي بطعم الخسارة هو الاستعجال في البحث عن الهدف والفوز عدم توزيع اللياقة بين الشوطين الهلال استنفذ اللياقة في الشوط الاول وانتها وشفنا ذلك واضح على البريك والشهري وسالم لماذا يادياز مختار في هذا الوقت المحرج وانت ماتخليه يشارك حتى في الدوري اقل شي تم تجهيزه في الدوري مباراة مهمة تغامر فيه الضعط النفسي من الجمهور والاتحاد السعودي اليوم شفنى رئيس الاتحاد السعودي كيف حاضر وهذا يأثر على النفسية ممكن ينفك الضغط في اليابان واشاء الله نجيبها من يستهين في الفريق الياباني يستخف العقول الفريق الياباني ماوصل إلى النهائي الا وهو قدها صح انه فريق عادي بس عنده مفاتيح فوز وفريق منظم ويعرف يفوز بدون مستوى اهم شي عندهم النتيجه وحنا العكس نتكلم عن الاستحواذ والفرص الضايعه ..... بدون نتيجه وهذا غلط على العموم باقي مباراة الاياب واشاءالله الهلال يفعلها وناخذها من هناك وجهة نظر بسيطه والله يوفق الزعيمs13ss13s |
إقتباس:
لاعب محترف بقميص الهلال يفترض جاهزيته في كل مباراه سواء اشرك كأساسي او لم يشارك اللاعب (محترف) يتمنى المشاركه في انصاف الفرص ناهيك عن مباراه سيتحدث عنها اجيال واجيال لاعب (محترف) بمعنى جاهزيته تامه بلا اصابات وبمعدل لياقي عالي لانه يخضع هو وزملائه لنفس التمارين ونفس التكتيك لا تجعلوا امر اشراكه من عدمه شماعه عذر فمختار لاعب محترف ولديه الذي يقدمه باذن الله. اما ان كنتم ترون ان مختار لاعب (هاوي) او لاعب (ناشئ) او حتى صغير (السن) وتعاملونه بمبدأ: (انا ما لعبت من فتره تكفون مابي العب هذه المباراه) فذلك نقاش لا فائده منه. العوض باذن الله من اليابان بوجود ادواردو باذن الواحد الاحد اللهم وفق الهلال فوق كل ارض وتحت كل سماء تحياتي لك |
صدقت في مسألة الإستعجال ...... للأسف أخر مباراة في الدوري أمام الشباب كان سبب تعادلنا الإستعجال ..... لم يتعلم المدرب ولا اللاعبين من خطورة الإستعجال وباقي شيء ثاني صراحة ذهاب لاعبي الهلال لمعسكر المنتخب أرى أنهم أرهقهم كثير ... |
ضيعها خربين... اعرف انه سجل هدف لكن لما تجيك ثلاث فرص انت والباب ومنها وحده المرمى فاضي وتمر بسلام جحفلي وجوده كارثه على الهلال لاعب هاوي ما تطور نهائي ماله علاقه بالانديه والتكتيك ..عشوائي في التخليص تحس انه ما يشوف شوت عل ى ما تجي عطيف نقطة خساره في مباراة اليوم وجوده مثل عدمه البريك كنت نجم الهلال ولو كان فيه هجوم صاحي يستثمر الفرص لكانت مباراة العمر للبريك واخيرا ارجع للهجوم نفرط بناصر عشان مختار و ماتياس واذا كان وصلنا الى المستوى هذا في اضاعة الفرص فالمشاركه بياسر والله ابرك من اللي لعبو اليوم في النهاية الفرص اللي جت لعمر وضيعها تجعل الامور ما تفرق بمن تشارك ف ياسر ابرك الموجودين |
لا علاقة للمدرب نهائيا بالتعادل..لاعبي الهلال اضاعوا كمية فرص لاتضيع ابدا..لو سجل نصفها لخرج الهلال ب3 او 4 اهداف..انا أقول فرص حقيقة تماما لاتضيع امام المرمى! لذلك المدرب لايتحمل ولا 10% من سبب التعادل.. خروج ادواردو كان سبب كبير..لان مثل هذي المباريات هي لعبة ادواردو..لكن قدر الله وماشاء فعل.. خربين رغم تسجيله للهدف الا انه لم يكن في يومه..كان مستعجل أيضا..اين هدوءك امام المرمى ياخربين؟ الفريق الياباني لم يكن ذلك الفريق المرعب..كان بالإمكان هزيمته بعدة اهداف بالرياض!..لكن استعجال لاعبي الهلال امام المرمى أضاع الأهداف..وفي طوكيو سيكون الفريق الياباني اصعب بكثير.. الامل بالله أولا...ثم ادواردو وخريبين..للاسف...الأول خرج مصابا...والثاني لم يكن في يومه.. هدف هلالي واحد في طوكيو سيلخبط أوراق الفريق الياباني..فهل يفعلها الهلاليين...نقول ان شاء الله ربك كريم.. |
امام هذا الفريق بإذن الله البطولة هلالية لقد نفذ بجلده من هزيمة ثقيلة بسبب الإستعجال |
الحظ ثم الحظ ثم الحظ نهائين والحظ يلازمنا وش السبب نبغى طريقة تجعل الحظ ينقلع ، فهل الدعاء والصدقة ستجعله يغادر بلا رجعة كل شئ يسوونه اللعيبة ما عدا التسجيل |
اكثر سبب شفته للتعادل بالأمس التحضير النفسي كان صفر خروج ادواردو لخبط بعض الاوراق الا ان العابد ظهر بشكل جيد جدا لعل في الأمر خيره فالنتيجة ليست كارثيه بل بالعكس يجب الايعاز للاعبين بالاياب بعدم الاستعجال وتسريع اللعب اكثر واللعب بالكرات الطويلة والتسديد من خارج المنطقة كل ما اخشاه ان يتكتل الفريق الياباني في مرماه كما فعل سيدني من قبل عندها لا حل الا في التسديد من خارج المنطقة ويجب ان يتدرب اللاعبين على ذلك وان يستغلوا الأخطاء المرتكبة قرب مرمى الخصم اي نتيجة تعادل ايجابيه ليست في صالح اليابانيين وبإذن الله هدف هلالي مبكر كفيل بلخبطة اوراق اليابانيين وجبرهم على الاندفاع وفتح اللعب وعندها سيصبحون صيدا سهلا |
بالنسبة لي مختار أعتبره لاعب ممتاز و من خيرة المهاجمين المحليين .. مشكلة مختار في النهائي إن المدرب حطه بوجه المدفع .. ماجته إلا كورة وحدة بس .. وأنا اجزم لو جته نصف الكور اللي جت خربين بالشوط الأول كان سجلهن .. خربين لاعب قتالي و هذا مايميزه .. لكن مختار لاعب ينهي الكورة بطريقة رايقة و نادر مايضيّع فرص حقيقية .. المباراة كانت حلوة و الهلال قدم مستوى كبير و اللاعبين كانوا قد المسؤولية .. التوفيق ماكتبه لنا الله بهالمباراة .. و بإذن الله المباراة الجاية نحسمها .. هدف الفريق الياباني كان من أبيخ الأهداف اللي كان ممكن تنتهي هجمته بنص الملعب لولا تردد البريك بالانبراش وتخليص الكورة .. بعد الهدف الياباني ماشفنا اراوا نهائياً الا بنهاية الشوط الثانية بهجمة وحدة أو ثنتين .. كنت متخوف من الفريق الياباني .. لكن مع مستواه و امكانياته اللي شفتهن .. حرام فرق مثل العين و بيروزي و الاهلي والهلال ينضربون ببعض و فرق شرق آسيا تتأهل للنهائي و تقفّل دفاع و تخطف البطولة .. أعطيناهم أكبر من حجمهم .. ومباراة الإياب ماراح يخلي الهلال يخسر إلا اللاعبين أنفسهم .. إذا كانوا مركزين و يلعبون بثقة والله بياكلون أوراوا .. لأن مستوى الفريق الياباني مايقارن بالهلال .. |
الاسباب معروفة ... تخاذل سلمان الفرج كالعادة حسبنا الله عليك |
اسيا أنتهت الياباني أقوي من الهلال بفارق كبير " " |
إقتباس:
هل انت هلالي الانتماء ؟:te: http://vb.alhilal.com/search.php?searchid=4986320 |
إقتباس:
|
لما تضيع الفرص بالتأكيد تخسر للاسف فرص سهله وبمواجهة الباب ولا يضيعها لاعب هاوي فما بالنا بمحترفين ..!!! اتمنى ان يكون درس وتجاوزه اللاعبين ولا شي امامهم في الاياب غير العمل على الفوز ولاشي غير الفوز. |
الله يعطيك العافية وبالتوفيق للهلال الزعيم الملكي |
| الوقت المعتمد في المنتدى بتوقيت جرينتش +3.
الوقت الان » 07:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd