هذا الواقع الرابطه الهلاليه تشوه مدرجات الهلال بأهازيج اقل مايقال عنها سيئه بحق الهلال ولها 5 سنين بمكانك سر
لاجديد زي الناس ولا قديم يبيض الوجهه ولولا الاغاني لقلنا ماعندنا رابطه ابد اتمنى تجديد الرابطه وتكون رابطه جديده باهازيج عصريه وتعلم الجمهور طرق التشجيع مثل الدوري الالماني والارجنتيني لو عندنا رابطه محترفه كان بمباراة اوراوا بنقدم الجمهور الهلالي للعالم بتشجيع موحد يزلزل الملعب ولكن للأسف بيكون الجمهور ضايع وبإجتهادات فرديه كل واحد يشجع لحاله هذا رأئي واتمنى اعرف رأيكم عن الرابطه هل انتم راضين عنها ولا لا

رابطة الزعيم تقدم اداء جميل مع جماهير الهلال حيث قدمت عدد من التيفو الرائع في مباريات سايقة

مطلوب تيفو جديد وحماسي لمباراة النهائي ودعم جماهيري كبير وتفاعل الى نهاية المباراة

بالتوفيق للزعيم الهلالي وجمهوره

نوعا ما يوجد محاولات جيدة للتميز
تميزنا فترة بالتيفو
ولكن الزعيم يجب أن تكون جماهيره مميزة على كل أندية آسيا والوطن العربي
الهلال الأول في كل شيء إلا المدرج فقد كثير من إبداعه للأسف
اتمنى نرى صخب وإبداع جماهير الرياض يوم الاحد القادم

إقتباس الرسالة الأصلية كتبت بواسطة نجوم هلالية رابطة الزعيم تقدم اداء جميل مع جماهير الهلال حيث قدمت عدد من التيفو الرائع في مباريات سايقة مطلوب تيفو جديد وحماسي لمباراة النهائي ودعم جماهيري كبير وتفاعل الى نهاية المباراة بالتوفيق للزعيم الهلالي وجمهوره

التيفو خاص بمجلس الجمهور الهلالي حنا نتكلم عن الرابطه والتشجيع والاهازيج بعيدآ عن التيفو لأن التيفو مدته 5 دقايق وإنتهينا

راضي ولله الحمد

ولكن اتمنى اهازيج حماسيه ولها معنى

كلام يحرك مشاعر الفريق الهلالي ويحطم الفريق المنافس

ان احضر المباريات صراحه الرابطه ماتقصر يجيب اهازيج جديده لكن الفرق بينها وبين رابطه الاتحاد تفاعل عدد كبير من الحاضرين مع الرابط
لكن رابطه الهلال اللي يتفاعل معها محدودين حولي 50شخص فقط
والاغلبيه تتفاعل اذا كان الهلال فاز في المباراة وامام فريق كبير فقط

الله يعطيك العافية
وبالتوفيق للهلال الزعيم الملكي

أولا للتطوير

يجب انشاء نشيد خاص بالنادي يحفظه كل عشاقه

ثانيا

تطبيق طرق التشجيع الأوروبيه واليابانيه والصينيه فهم سبقونا وبمراحل في هذا المجال


أنا عن نفسي مليت من يالله ياحبايب يالله ياحبايب

نبي تشجيع يرعب الخصوم وهذا مايتم بالمكرفونات والطرق التقليديه

أمثلة على التشجيع الرائع

https://www.youtube.com/watch?v=lxdXy8OlWiw

https://www.youtube.com/watch?v=q3qjpNt5E28

https://www.youtube.com/watch?v=oDuiczQ5BZA

https://www.youtube.com/watch?v=Vbg5W3KHkDs

رابطة النادي مجتهدين صحيح انه مافي تجديد بشكل مستمر لكن هذا الموجود ومستحيل تطلع رابطة نادي تغطي على رابطة نادي الإتحـاد اما بالنسبة انه يلعمهم شلون يشجعون مثل الدوري الألماني أو غيره أتوقع أغلب الجماهير تتابع الدوريات الأوروبية وشايفين كيف التشجيع اللي عليه الكلام لأنهم كتلة وحدة وعارفين وش بيسوون في المباراة اما ربعنا بعضهم مع الرابطة يغني وفي بعضهم يحسب انه جالس في بيتهم وبعضهم مايتحرك الا اذا جا هدف لذلك اتوقع من الصعوبة انه تسيطر على عدد مهول من الجماهير الا اذا صرنا مثل جماهير بوروسيا دورتموند

يفكوننا من ياهلال عزك عزنا وبس
قسم بالله اذا سمعت الرابطه ترددها
اعرف ان ما عندنا سالفه تبث الاحباط
لا حماس ولا اي شي

إقتباس الرسالة الأصلية كتبت بواسطة فهد باشا رابطة النادي مجتهدين صحيح انه مافي تجديد بشكل مستمر لكن هذا الموجود ومستحيل تطلع رابطة نادي تغطي على رابطة نادي الإتحـاد اما بالنسبة انه يلعمهم شلون يشجعون مثل الدوري الألماني أو غيره أتوقع أغلب الجماهير تتابع الدوريات الأوروبية وشايفين كيف التشجيع اللي عليه الكلام لأنهم كتلة وحدة وعارفين وش بيسوون في المباراة اما ربعنا بعضهم مع الرابطة يغني وفي بعضهم يحسب انه جالس في بيتهم وبعضهم مايتحرك الا اذا جا هدف لذلك اتوقع من الصعوبة انه تسيطر على عدد مهول من الجماهير الا اذا صرنا مثل جماهير بوروسيا دورتموند

الحين إذ الرابطه قالو نبغا حركة الزلزال كل الجمهور عارفينها او إذ قالو ياهلال عزك عزنا الجمهور تلقائي يرد ياهلال لأنهم تعودو وهذا المطلوب نبغا رابطه تمرن الجمهور الهلالي على حركات واهازيج جديده مثل دورتموند ترا المشجع مايولد وهو عارف التشجيع ولكن فيه اعضاء رابطه يكونون عند السياج يسوي حركات التشجيع والجمهور يسوي مثله وهذا اللي اقصده والموضوع مايحتاج شي كثير كلها 10 مباريات مع التكرار ويصير الجمهور فاهمها