كاشيما * اورواو السلام علييييكم توني شفت مباراه كاشيما واوراو الدوري الياباني فاز كاشيما واحد ، صفرر دفاع اوروا جدا ضعيييييف الاظهره تقدر تقول متوسط الوسط هو مصدر القوه الهجوم ماعندك احد فريق يعتمد على العرضيات اكثثثر شيء بصراحه انا اشوفه اضعف من فريق ويسترن سيدني بمراحل بصراحه الخوف من مدربه يعرف يتعامل مع مباريات الذهاب والاياب .. وهنا المشكله باذن الله التوفيق للهلال |
المهاجم البرازيلي رافيل سيلفا نار أمام هوساوي وجحفلي الله يستر بس |
المشكلة مهب بقوة الفريق .. المشكلة إن مافيه بديل لخربين إلا بريتوس للأسف .. إدواردو المدرّب دايم ينكّت بمركزه ويخليه يلعب طرف أو سنتر .. وهو مكانه مهاجم ثاني يجي من الخلف .. يعني خربين مثل المباريات اللي راحن كلهن .. معزول عن الفريق وكأنه يلعب تحدّي مع نفسه 1 ضد 4 .. الدفاع غير منسجم بسبب كثرة التدوير .. هوساوي مع جحفلي ثم هوساوي مع الحافظ ثم الحافظ مع جحفلي ثم الزوري مع جحفلي غير التغيير بالأظهرة .. وهذا يضعف تركيز المدافع و يفقده ثقته مع كل هفوة أو خطأ يصير .. كنت متفائل بالبطولة .. لكن الحين والله إني خايف .. أتمنى بس اللاعبين يحسون بإن مباراة الذهاب هي الأهم .. والأهم الفوز بغض النظر دخل عليك هدف والا لأ .. علشان نلعب بفرصتين باليابان .. متى ماكان اللاعبين بكامل حماسهم بإذن الله محسومة من الرياض .. لكن دياز هو اللي ماله أمان .. |
مع احترامي للجميع دياز مدرب ذكي جدا يقرأ الفرق قراءة ممتازة والدليل لم يهزم الهلال منذ حضوره الا المباراة الأولى امام الاتحاد اوراوا سيلعب على نقاط ضعف الهلال وأبرزهم الدفاع وديازسيتعامل معهم بذكائه إن شاء الله المهم لاأحد يستخف بالفريق الياباني لامدرب ولا لاعبين ولا جمهور احترام الخصم مهم جدا منا جميعا والتوفيق بيد الله سبحانه وفقكم الله جميعا |
غريب حكم بعض الهلاليين على أوراوا وانه فريق ضعيف دفاعيا ! رغم أن هالك واوسكار لم يستطيعوا التسجيل عليهم في مباراة التأهل للنهائي ، ورغم انهم افضل فريق في شرق آسيا بدليل وصولهم للمباراة النهائية. يعتمدون على السرعه وعرضياتهم وكراتهم الثابته خطيره أوراوا كما اراه فريق منظم جدا وقوي بجميع خطوطه وتنفيذهم تعليمات المدرب واتمنى ان يدخل مدربنا مباراة الذهاب بقوة هجومية ويلعب للفوز من البداية ثم بناءا على نتيجة هذه المباراة يكون الاستعداد للاياب. وان يقوم بتكليف لاعبي الوسط بالتسديد عند أي فرصة . |
|
إقتباس:
والعرضيات هذي اللي مستهتر فيها هي المشكلة الازلية والصداع المزمن للاعب والكره السعودية كاااافه . كل شي نجيده ونتدرب على اجادته الا الكرات العرضيه فرق او منتخب أول اولمبي شباب . العرضيات اذا اجادها فريق امامنا فهذا نذير شؤم . |
طيب حتى دياز يعتمد على العرضيات وماقد شفت هدف من العمق كلها تمريرات كثير لين توصل للبريك او الشهراني وهو يرفعها اوفر ووحده تصيب وخمسين تخيب وياقلب لاتحزن |
مدرب اوراوا لم يشرك اللاعبين الاساسين لذلك لتقولون عنه ضعيف ! فريق قوي ويجب عدم التهاون فيه . |
وصل لنهائي آسيا مجتاز فرق الشرق وتقول ضعيف حبيبي عندنا 180 دقيقه نركز نأخذ كأس ننكت ونسرح شعرنا نهدي الكأس بالتوفيق للزعيم الآسيوي فالنا التوفيق |
ان لعبو لاعبينك بدون طقطقه ركب ولعبو المباراة بقوة الرجال وروح عاليه ومساعدة بعض داخل الملعب ونفذو خطة المدرب حرفيا واعتبروها زي اي مباراة وكل لاعب يلعب بروح 11 لاعب ناخذ البطوله باذن الله غصب عن الي يرضا والي مايرضا بحول الله وقوته |
يمكن يسوي مثل دياز يلعب بالصف الثاني ، والنجوم مريحهم للنهائي اذا حضرت الروح عند لاعبي الزعيم مثل مباراة الذهاب أمام بيروزي 4/0 صدقني مايوقف بوجيههم أحد. |
انا ما اعترف بدياز الا اذا اجتاز هذا الفريق لانه فريق ليس به لاعبين بارزين وقوته في اللعب الجماعي والتكتيك الذي يمليه عليهم المدرب بعكس الهلال لديه لاعبين مميزين على طراز عالي ويجيدون أيضا اللعب الجماعي هجوما ودفاعا خاصة بعد تواجد الحافظ واسامة في الفريق اذا هي مباراة مدربين وهذا يوم أبو واحد صفر والاهداف في اخر الدقائق في الدوري |
اذا لعب الهلال بنفس الروح اللي في ذهاب بيروزي وبنفس الاداء سيهزم اوراوا باكثر من ثلاثه اهداف |
أختلف معاك تماماً .. الفريق يملك أسلحة فتاكة .. 1- تومواكي ماكينو : قلب دفاع رائع جداً ، صلب بدون أخطاء على الخصم .. 2- يوسوكي كاشيواغي : لاعب وسط مثل النحلة .. صانع فرص على طراز عالي و تمريراته حاسمة جداً .. 3- كوروكي : مهاجم لا يهدأ أبداً .. يلقب بالمروحة .. يعتلي صدارة الهدافين بالدوري الياباني .. يعيش أفضل مواسمه مع أن عمره 31 عام .. 4- رافاييل سيلفا : مهاجم خطير جداً جداً .. بالإضافة إلى دهاء مدربهم خصوصاً في مباريات الذهاب والإياب .. الفريق يلعب ككتلة واحدة .. متجانس جداً .. خطوطه متقاربة جداً .. الله يوفق الزعيم .. بصراحة بيقابل فريق ( نشبه ) ..! :::: |
الوقت المعتمد في المنتدى بتوقيت جرينتش +3.
الوقت الان » 08:33 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd