استغرب من الي مستغرب من تصريح دياز


دياز يلوح بالرحيل من يوم جاب ماتياس .. واستبعد الحبسي , وسلامة فهمكم

والان جالس يبرح لقرصه وحاط الحمل على الجماهير .. ويقول لكم ترى اذا ماجبت اسيا لاتلومون الا نفسكم .. وفوق ذا كله بيترك الفريق


واعتقد انه اكثر شخص يعرف فريقه و نسبة حصولة على الاسيوية من عدمها بعد تخبيصه بالتشكيل !!
مثله مثل ريجي الي لعب بالهلال وبالطول والعرض وجاب بنتلي .. واستمر التطبيل الين دمر الفريق


وواضح ان الفريقين الياباني والصيني قوية جدا ونسبة الحصول على البطولة امامهم لا تتعدى 50%

الخلاصه : ان حقق البطولة سيستمر ولن يضيع فرصة اللعب بالمونديال .. وان ماحققها فهو ماشي 100%

___________________________

وعلى اي حال عاطفه الجماهير غالبا تنقلب ضدهم مع المدربين واللاعبين بكثرة الدلع والمدح


اقرب مثال : لاعب مثل سالم الدوسري .. عشان كم سحبه وكعب صار افضل لاعب في الهلال ... بينما الواقع يقول انه من اسوأ اللاعبين الي اضاعو الحسم على الهلال في مباريات كثيرة

هل نسيتم ذهاب نهائي اسيا والفرص الي ضيعها باستهتاره وعدم مبالاته ..؟

ناهيك عن الفرص الي اضاعها اما بيروزي .. وبالاخير يقولون انه احسن لاعب بالمباراة !!
وغيره كثير

سلام

أخي الكريم رأيك وأحترمه مع أني بكل صراحة لا أتفق مع أي جملة فيه

احترمك اخي العزيز لكم المشكلة مدرب جايلك الدوري و كاس الملك و ايدع في اسيا و اول الدوري و صحيح ماتيوس سباك و تورطنا فيه لكن المدرب بشكل عام فلته و و ما فسي زي قرتس يوم باعنا في مباراة الغرافة لكن ربك ستر ثم حاس الدنيا بعدها

هل هذي مواضيع تطرح ؟؟
ما الفائده من هذا الموضوع ، لو كتبه متعصب نصراوي اتقبله و لكن في منتدى الزعيم هذي هي الكارثه

عفوا اخي الكريم
أشك في ميولك نحو الزعيم كلامك عن سالم لا يقلل من قيمته و احنا كجمهور هلالي مقتنعين بالمدرب و جميع لاعبي الفريق

الادارة هي الوحيدة القادرة على حل هذه الامور بعقلانية وهذا هو المتعود عليه من قبل وجه السعد الامير نواف بن سعد

وسوف ترى ان الموضوع قد تم تضخيمه في الاعلام وذلك كما يحدث دائما مع الهلال وخصوصا مع اقتراب مراحل الحسم

نحن مع الهلال كجمهور سوف نقف مع الفريق ولن نلتفت الا لرد المركز الاعلامي بالنادي وليس لتكهنات وبلبلة اعلامية معروف ما هو القصد منها

بالتوفيق للهلال وجمهوره

كثر المستغلون لتصريح دياز (المتسرع)..
دياز مدرب عالمي ومحترف ويهمه جدا الحصول على بطولة اسيا ...بل صرح انها كل تفكيره الان..
لاتخف على الهلال..دياز ونواف بن سعد واللاعبين والجماهير كلهم على قلب رجل واحد ان شاء الله..
انت اطلع منها بس

كل هالإنتصارات الي محققها دياز وهذا كلامك عنه؟

الجميع يغلط ليه تهويل الأمور؟

زعلان محد عطاه بنتلي ولا شرهات السباك قاعد يلوي ذراع الاداراه ويبغى يحلبهم فلوس قبل النهائي الاسيوي

إقتباس الرسالة الأصلية كتبت بواسطة bjad10 زعلان محد عطاه بنتلي ولا شرهات السباك قاعد يلوي ذراع الاداراه ويبغى يحلبهم فلوس قبل النهائي الاسيوي

السباك ذا يعتبر من أفضل المدربين بتاريخ الأرجنتين، هذا غير انه جايب لك الدوري برقم قياسي وفوقه كأس الملك
والله حالة، كل مدرب ما يعجبهم خلوه سباك

اما ريجي تشبه بدياز ياخي معليش احترم عقولنا دياز ماشي صح اذا خسر ذيك الساعه تكلمو المدرب له قناعاته ويضرب في اسيا بالثلاثه والاربعه ولا انهزم الا مباراتين من يوم ماجا واتوقع الاسيوية معه مو صعبه مدرب يقرا الخصوم

المشكلة اغلب الي يتكلمون مشاراكات قليله ويحط موضوع يتكلم عن دياز غريب الموضوع؟

إقتباس الرسالة الأصلية كتبت بواسطة A _ L المشكلة اغلب الي يتكلمون مشاراكات قليله ويحط موضوع يتكلم عن دياز غريب الموضوع؟

بالعكس يا ملكي المواضيع الي زي هذي تعجبني
لانها تطلع لك من الي منظغط من مستوى الزعيم و تبين لك الي يبي هالمدرب
يروح بأي طريقه
من تشوف الموضوع مافيه اي وجهة نظر و خالي من النقاط السلبيه و تصحيح الاخطاء
اعرف انه طلع مافي قلبه و يبي يسبب شرخ بين الجمهور و المدرب
لذلك خذهم على قد عقولهم و اضحك عليهم و عطهم جوهم