أحترم وجهت نظرك ومجهودك عزيزي صاحب الموضوع ولكنك لم توفق في طرح موضوع أو صياغته بأسلوب أمثل
لايوجد شخص كامل فكل شخص له إيجابيات وسلبياته ومثل نتطرق للسلبيات نتطرق للإيجابيات حتى نكون منصفين
مسألة ماتياس والحبسي فمسألة الإختيار قالها صريحه أنا أبحث عن مهاجمين فالبطوله الآسيويه فهذه قناعاته وتحترم لأنه يبحث عن مهاجم في البطوله الآسيويه
أما مسألة ريجي وبنتلي فالأول من باب الإنصاف أفضل مدرب مر على الزعيم من الناحية اللياقيه فالكل يعطي داخل الملعب طوال تسعين دقيقه
أما بنتلي فأعتقد أن الزعيم خسر لاعب بقيمة بنتلي منذ رحيله ترك فراغ واضح في مركز المحور إلا بعد حضور مليسي والخيبري وأخيرا كنو الزعيم الذي أرق الزعيم سراحة
أضف إلى ذلك أن بنتلي أفضل من ترسم الهجمه الطوليه عن طريقه ويربط الوسط بالهجوم
فلانقلل من قيمة هذ اللاعب ولايجعل موقفنا من ريجي نقلل من قيمة اللاعب
أما ريجي فهو يكفي أنه من أحضر بنتلي وأشار على التعاقد مع سبيريا ولا أظن الأسم الآخير مجهولا
ما أردت قوله أن نختلق من بعض ردات الفعل فجوه للسلبيات
تقبل ردي براحبة صدر

السبب ليس جمهور ، ولا نضحك على أنفسنا
السبب الرئيسي هو ماتياس وعدم استبداله هو الي زعل المدرب دياز من الجمهور بتدخلة في عمل دياز وذلك
بعد استهجان الجمهور لتغيرات دياز التي لم تكن صحيحة
خروج ريفاس ودخول القحطاني تغيير خطأ والف خطأ ، ياسر لاعب منتهي ولابد ان يعرف اللاعب بان زمنة انتهى ،
لابد لادارة الهلال ان تأخذ هذا الامر بعين الاعتبار فنحن على مشارف نهائي كبير وقاري ولا يحتمل الأخطاء
وبقاء ماتياس وياسر القحطاني في الهلال غير مجدي ، وممكن يضيع علينا مجد كنّا ننتظرة فلابد للادارة الهلالية ان تكون لها كلمة فالقادم لايحتمل الخطأ

احترم اراء الجميع .. بس مايضحكني الا الي يقول انت مو هلالي عشان تكلمت بعقلانية بدون عاطفه


بخصوص رأيي في دياز عشان تفهمون وجهة نظري من الآخر

الموسم الي راح راح وماحقق من انجازات يشكر عليها .. ولكن هالموسم للان ماحقق شي

واهم بطولة ننتظرها باقي عليها شهرين تقريبا ..! وليس من المعقول انك تجلس تنفخ بالمدرب واللاعبين بهذا التوقيت الحساس والفريق لم يحقق شي للان


عندما اقول شهرين بعني مستوى الفريق حاليا قد يتغيير صعودا او هبوطا وقد تحدث اصابات او استبعادات ويتغيير شكل الفريق !

ولا سمح الله في حال لم يحقق الفريق البطولة .. كل الي جالسين يمدحون دياز الان .. كالعادة بيقلبون عليه ويقلبون على اللاعبين بدون رحمة !!!

والمطلوب الصبر واعطاء كل ذي حق حقه بدون زيادة ومبالغة .. والعكس صحيح

_________________

اما بخصوص سالم الدوسري مع كل الاحترام والتقدير .. اجزم ان الي يتابع الفريق بدقه راح يكتشف ان هاللاعب عالة على الهلال في كل المواسم السابقة

ولن اغير رأيي فيه الا اذا سجل الاهداف وكان سبب في تحقيق الفريق للبطولات فقط لاغير !!

اما كم سحبه وكعب الي تعجب فئة عمرية معروفه .. واخرها يخسر فريقي بسبب استهتاره وعدم استغلال الفرص وقتها ماعندي استعداد اجامل عشان اكسب رضى جمهور لاعب واحد .!

بعض المقاطع لسالم

https://www.youtube.com/watch?v=NxiqS8_ZRas اضاع بطولة مع المنتخب في كاس الخليج

مفطع ماكان ودي اجيبه بس من كثر القهر والغبن الي صابني منه https://www.youtube.com/watch?v=blhLiaHNkTE

صدقوني غيرها كثير واخرها فرص بيروزي .. كيف اضاعها؟

سلام

إقتباس الرسالة الأصلية كتبت بواسطة _Az_ استغرب من الي مستغرب من تصريح دياز دياز يلوح بالرحيل من يوم جاب ماتياس .. واستبعد الحبسي , وسلامة فهمكم والان جالس يبرح لقرصه وحاط الحمل على الجماهير .. ويقول لكم ترى اذا ماجبت اسيا لاتلومون الا نفسكم .. وفوق ذا كله بيترك الفريق واعتقد انه اكثر شخص يعرف فريقه و نسبة حصولة على الاسيوية من عدمها بعد تخبيصه بالتشكيل !! مثله مثل ريجي الي لعب بالهلال وبالطول والعرض وجاب بنتلي .. واستمر التطبيل الين دمر الفريق وواضح ان الفريقين الياباني والصيني قوية جدا ونسبة الحصول على البطولة امامهم لا تتعدى 50% الخلاصه : ان حقق البطولة سيستمر ولن يضيع فرصة اللعب بالمونديال .. وان ماحققها فهو ماشي 100% ___________________________ وعلى اي حال عاطفه الجماهير غالبا تنقلب ضدهم مع المدربين واللاعبين بكثرة الدلع والمدح اقرب مثال : لاعب مثل سالم الدوسري .. عشان كم سحبه وكعب صار افضل لاعب في الهلال ... بينما الواقع يقول انه من اسوأ اللاعبين الي اضاعو الحسم على الهلال في مباريات كثيرة هل نسيتم ذهاب نهائي اسيا والفرص الي ضيعها باستهتاره وعدم مبالاته ..؟ ناهيك عن الفرص الي اضاعها اما بيروزي .. وبالاخير يقولون انه احسن لاعب بالمباراة !! وغيره كثير سلام

ما ينلام دياز

بعد اربعة بيروزي جاته هدايا و من ضمنها جيب G 60

له و ل ولده


الرجال قام يخبص طمع بالشرط الجزائي


اما عن النهائي الشهير

لو انحسب لك لك بلنتي واحد كان انتهت المبارات بنتيجة تاريخية للزعيم

اتمنى من الجميع

عدم ارجاع سبب خسارتنا في اسيا

لاي لاعب او مدرب

الحكم و الاتحاد الاسيوي هم الملامين

أقول رح لمنتداك افضل لك وخل منتدي الزعيم للزعماء

أصوات النشاز طلعت في المنتدى ..

موضوع ماله اي داعي مع احترامي لصاحب الموضوع

اللي يقول عن دياز سباك ومايعرف يدرب .. هذا شخص مايفقه شي في كرة القدم ويحسب الحقيقة مثل البلاستيشن

وبالنسبة لسالم الدوسري وبالرغم من اضاعته للفرص لكن ماسألت نفسك ليه تجيه فرص كثيرة أساساً ولا تجي غيره !!!
سالم من أفضل اللاعبين تحرك داخل الملعب ومن افضلهم لياقة ماشاء الله عليه .. ويغطي منطقته على أكمل وجه ويساعد الدفاع والهجوم ..

بيضيع هجمات خله يضيع عادي .. بس لا يضيعها اللي وظيفته يسجل أهداف هنا المشكلة .

شكرأ على الموضوع اللي جاي بوقت ماله سنع

الله يعطيك العافية
وبالتوفيق للهلال الزعيم الملكي

بختصار ...

هذا الموضوع لايمكن أن يكتبه محب للهلال

مثل هذا الطرح ضد مصلحة الهلال وشحن لجمهوره ليس أكثر..

انتبهوا فما كل من يكتب في منتدى الزعيم هو هلالي..

لو انا دياز وشفت موضوعك قلت كذاب

غفوااااااااااااااااااااااااااااااا أخي رايك يخصك
نحن نعتبر المدرب من افضل المدربين على مستوى العالم

دائما تاخذكم العاطفه للاسف .. واذا تكلم المحب بعقل قلتو انه من نادي اخر او مندس

الان اتضحت الصورة وتكشفت الاقنعه ولكن بعد ان فقدنا اغلى لقبين

للعلم فقط .. كتبت هذا الموضوع قبل النهائي الاسيوي ..
بالنسبة لي لن اتوقف عن الكتابة حتى تتغيير عقليات الجماهير وتترك الدلع والمدح الزائد للاعبين ونفتك من جماهير التسحيب والكباري ومقاطع اليوتيوب

ليالي العيد بانت من عصاريها

سلام