الادارة مسؤلة عما يحدث هل من المعقول استبعاد مختارفلاته وضم الابجوره ماثياس للبعثه لنفرض اصيب عمرخريبين من يكون بديله

إقتباس الرسالة الأصلية كتبت بواسطة بلجيك راحت ورجعت ضد المفرج ياشيخ استحي على دمك الهلال محقق بطولات وانجازات مع المفرج

ينصر دينك افحمته بكلمتين

إقتباس الرسالة الأصلية كتبت بواسطة هاوي التمياطـ مدرب يجبر اداره علئ لاعب غبي وسمسره اعتبره جبان ونذل صار اول مدرب او اخرهم هو الان يهدم مابناه الامير والهلال اكبر منه دربه مدربين افضل من طياز مليووون مره

المدرب لو يريد يجبر اللاعب فعلاً كان شفت ماتوساس الغبي موجود في التشكيله الرئيسيه!

اتحداك تجيب لي مدرب واحد تصنيفه العالمي افضل من تصنيف المدرب دياز!
ادخل موقع تصنيف المدربين حول العالم وجيب لي اي مدرب من اللي دربو الهلال يكون تصنيفه افضل من دياز!

ركز قلت لك (تصنيف عالمي) معتمد من الفيفا

يا اخوان بالله هذا توقيت لمواضيع مثل هذي ؟؟؟

الموسم الماضي الكل شاهر سيفه ضد المدرب والفريق وبعد ما انتهى الموسم الكل سكت

الان فقط من اربع جولات الكل صار محلل تدريبي ويضع خطط ويناقش تشكيله وووو

امامنا مباراه مهمه للفريق ... بعد المباراه يكتب الله مايكون

ارحمونا من العك المنتدياتي

بالتوفيق للزعيم الملكي

اتمنى ان الجميع يأخذ فرصته واتوقع الموسم طويل وقدامهم وقت كافي

صوره مع التحيه...

ليس (دفاعاً) عن المدرب ولكن اتمنى الانصاف
واتمنى التفاؤل بالخير فهي وصيه من وصايا الرسول صلى الله عليه وسلم

اللهم وفق الهلال فوق كل ارض وتحت كل سماء

للمعلوميه : تصنيف المدرب قبل يجي مع الهلال هو 50 على مستوى العالم
واتراجع الي مستوى 56 او 57 فور انتقاله إلى الدوري السعودي
وبعد تحقيق الانجازات وكسرت الارقام ورفع سقف الانجازات لتسجل بإسم الهلال، تغير تصنيفه مثل ماهو واضح بالصوره.

إقتباس الرسالة الأصلية كتبت بواسطة CHARIZMA صوره مع التحيه... ليس (دفاعاً) عن المدرب ولكن اتمنى الانصاف واتمنى التفاؤل بالخير فهي وصيه من وصايا الرسول صلى الله عليه وسلم اللهم وفق الهلال فوق كل ارض وتحت كل سماء للمعلوميه : تصنيف المدرب قبل يجي مع الهلال هو 50 على مستوى العالم واتراجع الي مستوى 56 او 57 فور انتقاله إلى الدوري السعودي وبعد تحقيق الانجازات وكسرت الارقام ورفع سقف الانجازات لتسجل بإسم الهلال، تغير تصنيفه مثل ماهو واضح بالصوره.

مع ذلك اقول لك المدرب عنيد و عمل مقلب بالهلال باللاعب متياس
لن يخرج الهلال منه الا بخساره كبيرة

وهو وحده الي اصر على متياس بناء على كلام الادارة

وهو ايضاً من جلب الاعبين الاخرين

ومع ذلك يجعلهم خارج القائمة يعني الدعوه خساره فقط للنادي

إقتباس الرسالة الأصلية كتبت بواسطة CHARIZMA سبحان الله ردود عجيبه غريبه : 1- مدرب جبان واداره جبانه. (زبدة الموضوع الرئيسي) بعض الردود: 2- مدرب صغير وغير كبير. 3- مدرب سباك كل هذا قبل مباراه مهمه في الاسيويه! 1- مدرب جبان واداره جبانه : هو نفسه اللي محقق لك الدوري العام الماضي ومكسر كل الارقام والاحصائيات ومعطيك ارقام جديده مسجله بإسم الزعيم. وهي نفسها الاداره اللي تعاقدت ودفعت ملايين وجلبت اللاعبين واسكتت المتطاولين ورفعت سور الهلال بوجهه الصغار وسحبوهم للمحاكم حفاظاً على حقوق الهلال. 2- مدرب صغير غير كبير : روح اقرا وشوف كم ترتيب المدرب على مستوى العالم قبل يتعاقد مع الهلال وكم ترتيبه بعد ما تعاقد معه الهلال وعشان لا تطير بالعجه (ترا ترتيبه اختلف بعد ما تعاقد معاه الهلال لضعف مستوى الدوري) لكني متأكد وابصم بالعشره انك منت داري اي شي عن ترتيب المدربين ولا عن كيفيه التصنيف. 3- مدرب سباك : روح درب الهلال يا معلم يا مقطع الكوره وعالم التدريب يا للي شارب الكوره وفاهم كل صغيره وكبيره بالتدريب. سبحان الله موضوع كامل وقبل مباراه مهمه مادري وش هدفها والمشكله انها من عضو مرموق وعاشق لزعيم ممكن العاطفه وعشق الزعيم السبب اللهم وفق الهلال فوق كل ارض وتحت كل سماء

دياز مو مدرب سباك

لكن مدرب و سمسار و حاليا يدور على الشرط الجزائي

اجل عندك مبارات نص نهائي و احتياطك لاعب
توه راجع من اصابة رباط صليبي

مدري ليه ما اخذ مختار فلاته

واضح انه يدور على الشرط الجزائي

مدرب قام يتخنبق

المدرب اذا ماهو سباك بيخلونه سمسار
عشان تصير الادارة جبانه

واللي يشوفهم دفعوا قيمة عضوية

واذا دفعتوا قيمة العضوية بامكانهم دخول مجلس الاعضاء بدال التشهير بالادارة بالمنتدى قبل المواجهه الاسيويه

بعض الناس لا نفع ولا شفع ولا دفع

نقص ثم نقص ثم نقد

نفسي أشوف ردود بعض الأعضاء بعد فوز الهلال
بإذن الله هذا المساء ( فوز + مستوى ) ..
أكيد بيقولون الوعد قدام شنغهاي !!
نعم المدرب له أخطاء ولكن لا يحق لنا تجريده من إنجازاته وأرقامه
اللي حققها سواء مع الأندية السابقة اللي دربها أو مع الهلال ..

دعواتكم للزعيم بتحقيق الإنتصار المريح هذا المساء ..
وياليت تكون مواضيعنا مشجعه للفريق وللجماهير ..
هذا ماهو وقت التحبيط .. و تصفية الحسابات ..


: : :

أتمنى بعد دياز في الملعب يكون في المنتدى مدرب مثل دياز يضع تشكيلة دفاع عن المنتدى وتهذيب البعض وتأديب البعض الآخر
لا ننكر الأخطأ ولا ننكر النقد ولكن ننكر الألفاظ
((((( الرخيصة )))) التي لا تمت للزعامة

خلوكم دياز وأعقلوا
لدينا مشاركات قوية ولا نحتاج غير الداعمون
وبعدها نقول ما يمليه ضميرنا وليس إعلامنا ومهايطينا وصغار العقول بيننا

خروووووووووووووووووووووووووووووووووج
لعدم تشتيت الزعيم

إقتباس الرسالة الأصلية كتبت بواسطة عتيبي مطنوخ دياز مو مدرب سباك لكن مدرب و سمسار و حاليا يدور على الشرط الجزائي اجل عندك مبارات نص نهائي و احتياطك لاعب توه راجع من اصابة رباط صليبي مدري ليه ما اخذ مختار فلاته واضح انه يدور على الشرط الجزائي مدرب قام يتخنبق

سمسار... الله اعلم ماقدر ادخل بالنوايا

صحيح كلامك بخصوص المحترف الأجنبي ماتوساس
لكن فيه اخبار ثانيه يقال انه اصلا مصاب اللاعب مثله مثل (سامراس) اذا تفتكره جانا وهو مصاب

اذا صح الكلام فالمشكله في بوبا والكشف الطبي تبعهم
واذا كان خطأ الكلام فعلى الاقل تدارك الخطأ وجنبه لدكه

مختار فلاته ماقدر احكم ليش السبب ما اشركه لكن من جهه ثانيه اللعبه عباره عن 11 لاعب وياما مباريات لعبها الهلال في عهد دياز وغيره كانوا يفوزوا بدون مهاجم!!
يعني مو شرط بوجود مختار نفوز وبدون مختار نخسر!!

ومن جهه ثانيه شوف ياسر القحطاني مين اللي فارضه عالتشكيله وهو لاعب منتهي!

فإن كان فيه فرض لاعبين بالتشكيله فهذا مشكله جديده ومختلفه كلياً ويبغالها مواضيع أخرى

والارجح بما انه مدرب محترف فالمعلوم ان في الاحتراف محد يدخل بعمل المدرب.. بالتالي وجود ياسر القحطاني وابعاد مختار فلاته جاي من قناعة مدرب... وبكذا يكون عندنا مشكله: اما مختار فلاته مش منضبط بالتدريب ولسه محد (فتش وراه وجاب اخباره) واما انه متعمد مايشرك مختار لجل يحط كامل ثقته في لاعبي الوسط ومهاجم وحيد اللي هو خربين وبالتالي تركيزهم يكون اكبر وهم عارفين كل شي بيدهم الآن وحدهم.

المعطيات قليله والاسباب غير معروفه بالتالي التكهنات والاراء بتكون غير دقيقه ومشتته.

وكل همي ومقصدي اننا قدام مباراه مفصيله لتأهيل لنهائي + متصدرين الدوري

يعني الحمدلله امورنا في السليم ولا ناقصنا غير توفيق رب العالمين أولاً وتركيز اللاعبين ثانياً.

وبالتوفيق يااارب

اللهم وفق الهلال فوق كل ارض وتحت كل سماء

إقتباس الرسالة الأصلية كتبت بواسطة عبدالعزيز الثنيان نفسي أشوف ردود بعض الأعضاء بعد فوز الهلال بإذن الله هذا المساء ( فوز + مستوى ) .. أكيد بيقولون الوعد قدام شنغهاي !! نعم المدرب له أخطاء ولكن لا يحق لنا تجريده من إنجازاته وأرقامه اللي حققها سواء مع الأندية السابقة اللي دربها أو مع الهلال .. دعواتكم للزعيم بتحقيق الإنتصار المريح هذا المساء .. وياليت تكون مواضيعنا مشجعه للفريق وللجماهير .. هذا ماهو وقت التحبيط .. و تصفية الحسابات .. : : :

بإذن الله يازعيم تجمعنا الافراح والمسرات
تحياتي لك يازعيم

إقتباس الرسالة الأصلية كتبت بواسطة CHARIZMA بإذن الله يازعيم تجمعنا الافراح والمسرات تحياتي لك يازعيم

اللهم آمين ي الغالي ..
كل التقدير والإحترام لقلمك الرائع .. و لكاريزما البطل
الموجودة في أعماقك ..

: :