|
يا عزيزي ناصر وجوده مهم لانه لو طلع راح يروح لفريق منافس وهذي مشكلة الافضل الابقاء على ناصر مع خريبين ومختار وياسر راح يكون هجومك نار وبدل ما نجيب مهاجم اجنبي مع خريبين نجيب جمال بلعمري او صانع العاب وخذلك على فريق نار لكن اذا طلع ناصر هذا يعني ان الفريق بيعاقد مع مهاجم اجنبي مع خريبين وما تقدر تجيب مدافع اجنبي او صانع العاب اجنبي الا لو تعاقدنا مع عمر هوساوي وهذا الشيء صعب انا تهمني مصلحة الفريق وكلما كانت الدكة اقوى كلما كانت حظوظ الفريق في تحقيق البطولات اكبر |
إقتباس:
ذيك الفتره كنا نحتاج مهاجم يسجل محياني او غييره والا ناسي الغرافه يوم اكلوك ماشالك بعد الله الا المحياني ووليهامسون...... مالقيت رد ع ارقامه قلت مالي شغل فيها مع فريق ثاني... ماقلت لك حللها بس لاتقول خف بريقه وانت ماتتابع والا الدعوه خف يعني خف وبس غصب نقتنع هههه وفيه نقطه احاول اتجنبها بس اشوفك تروح وترجع لها ياسر القحطاني ليس مثل ((سامي والثنيان)) ذولي روضو اسيا عن بكره ابيها |
إقتباس:
لا تنسى ان ياسر كان أساسي طول موسم كامل على اختلاف المسابقات و المنتخب و لتنشيط ذاكرتك ياسر في مباراة الذهاب ضد ذوبهان سبب بلنتي وكان مدافع ذوبهان يستحق الطرد وضاع البلنتي على ما اعتقد من ويلهامسون وخرج ياسر مصاب تلك المباراة من التدخل الخشن بركلة الجزاء وسط استغراب بعدم طرد المدافع لانه أظن بالاضافة للمخاشنة كان آخر لاعب ،، هنا ليش تلوم ياسر !! حتى مباراة الغرافة الشهيرة ياسر سجل من قال لك ما سجل ؟ واعتقد الاتحاد الآسيوي تلك الفترة لا يراعي التداخل الحاصل بين مشاركات اللاعبين الدوليين مع منتخبهم ومعسكرات المنتخب في أيام المباريات اسيويا فاعتقد تضرر منها الهلال وقتها . ناصر فعلا ما علينا من أرقامه يعني فرضا راح نادي الشباب وسجل كأرقام عالية هل معنى هذا انه يجب ان يرجع للهلال ؟ احذ الفرصة بما فيه الكفاية ونادرا ما يكون بقمة مستواه . حينما اربط اسم ياسر و الشلهوب بمن سبقوهم مثل سامي و الثنيان لأن ياسر و الشلهوب هم من بقي من اللاعبين القدامى بالفريق يعني برايك من القدامى حاليا ؟؟ |
إقتباس:
ومباراه ذوب اهان غيرها كثير كنا ننتظر القناص ودايم نطلع لاننا مانسجل اذا تاهلنا من المجموعات ولا ودي اذكر الفرق اللي وقفتنا اكثر من مره وهي تلعب دفاع. واول ماجبت هداف ماردك الا النهائي. اما ارقام ناصر العاليه موب معناته انه يرجع للهلال بس معناته ان اللاعب يعطي الى اللحين وانت تقول ماعنده شي لانك ماتبيه وين المنطق؟ من القدماء شي وانه تعده مع سامي ويوسف شي ثاني. |
لا ياسر ولا ناصر يستحقون الان احتياط في الهلال كم مره قلناها ناصر ضيعنا وياسر جاملناه اخذوها مني ترى الموضوع من زمان بس الهلال وقتها تقوده جماهير اللاعبين ابو دياز موجود وقتها كان شفناهم واحد في النهضه والثاني في ضمك وجهة نظري |
الحضاري .. أخوي أنا ودي أتناقش معك بس واضح إنك مصمم على رأيك و ردودك كلها دفاع بغض النظر عن ردود الأخوان .. ناصر تم إيقافه آسيوياً صحيح .. بس تقول لي إنه ماتوقف محلياً !! .. أخوي ناصر المدرب سحب عليه محلياً بحجة إنه يبي الإنسجام و ماصار يلعبه .. هذا الكلام السنة اللي راحت .. أما هالسنة فناصر لعب مباريات قليلة و سجل كم هدف و كان احتياط ثم انتقل للعين .. ومع العين سجل و قدم مستوى كويس مع العلم إن العين عنده كايو و اسبريلا و دياكيه و كلهم صعب تبرز و أنت تلعب جنبهم .. مع هذا ناصر قدم مباريات حلوة مع العين و لو قارنته بليو .. أشوف ناصر يتفوق عليه بالحماس و المهارة و السرعة و الإنهاء .. مخلص ردي لأن ردي اللي قبله شكلك قريته على عجالة .. 1- ناصر تم ابعاده من المدرب محلياً بسبب إنه ماراح يشارك آسيوياً و تم ركنه احتياط و هذا من الأسباب الرئيسية لهبوط مستواه .. 2- حتى بعد انتهاء الإيقاف, المدرب صار يلعب بناصر احتياط, و استمر هبوط مستواه. 3- رجع كم مباراة يلعب أساسي رجع لمستواه و سجل كم هدف .. ثم تمت اعارته للعين و رجع مستواه مع العين تدريجياً .. على العموم ناصر كبير بالعمر وممكن يخدمك سنة أو سنتين على أبعد تقدير لأنه حالياً عمره 33 سنة .. وأتمنى يرجع لو احتياط و يعتزل بالهلال ويختم مسيرته |
إقتباس:
أي تهرب الله يرحم والديك ترى أنا قاعد أجاوب على أسئلتك لكن أنت الله يهديك الصيام شكله مأثر عليك :ap: ولكن ولا يهمك راح أجاوب عليها او عفوا راح أكرر الإجابة على سؤالك لكن بعد كذا أتمنى ماتعيد أسئلتك دون أن تتمعن في الرد s13s ج1/ ناصر لم يعد بمستواه منذ الإياب وليس الذهاب وصححتها لك في ارد السابق :s2: طيب . تقول بأن ناصر لم يعد بمستواه منذ سنتين وأنك لا تطالب به صح وإلا لا :s2: طيب ياسر من متى وهو لم يعد بمستواه المعهود ؟؟ ( أتحداااااااك تجاوب ) :ap::ap: ( حتى يتضح للقارئ بأن من الأولى عدم وجوده في أجندة الهلال ) :d ج2/ السيد دياز ( له ماله وعليه ماعليه ) وعدتها لك للمرة الثانية لعلك تعي ما أقول السيد دياز ركن خربين احتياط وليو أساسي لأكثر من مباراة رغم أن خربين ينقذه في كل مرة وأقرب مثال مباراة الاتحاد والتي أعتبرها مباراة الدوري بدأ بليو أساسي وخربين احتياطي ودخل خربين وقتل الاتحاديين بالهدف الثاني :s2: والشواااااااااهد كثيييييييييييييرة + خطة 451 لاتنفع للهلال في المباريات ضد الصغار فيجب أن تلعب أحيانا بمهاجمين حتى تفك التكتل الدفاعي لما تقول بأن ياسر بأنه حالة خاصة ومثله مثل الجابر والثنيان هي حرية شخصية لك وتحترم طبعا حتى لو قلت الزوري أسطورة مثله مثل الجابر والثنيان وووالخ ولكن هل الأسطورة يبدع في 5 سنوات فقط :ap::ap::ap: من 2005 إلى 2010 هذا هو تألق ياسر مع الهلال 5 سنوات فقط قدم مستوى خرافي مع الهلال ناهيك بأنه ولا عمره حقق هداف دوري ولا حتى تعدى حاجز الــ10 أهداف في الدوري ( صححوا لي إذا غلطان ) وتضعه بجانب الشلهوب والثنيان والجابر :s2::s2::s2: ( أوووو نسيت حرية شخصية ) :d عموما بوجهة نظري ياسر أخذ أكبر من حقه وزيادة ماقصر وبيض الله وجهه على مجهوداته ولكن جُمِل كثيييييييييرا فلو كان في نادي في غير الهلال لوجدناه خارج أسوار ناديهم ولكن هذا هو الهلال حتى بطولات هذا الموسم تمت مجاملته وجعله يرفعها بدلا من هوساوي أو الأكبر منه تاريخا وسنا الشلهوب خلونا ساكتين أفضل حتى لا تتم مهاجمتي من عشاق ياسر :ap::ap: أخيرا / ياللي تصف الناس بالتهرب هذه ثاني مرة أو ثالث مرة أطلب منك إحضار أهداف ليو والشمراني في الدور الأول :laugh::laugh: |
عاشق النمر 15 اسمح لي اجيب الاحصائية أنا :d ================================================================= ناصر الشمراني : لعب 12 مباراة- أساسي 6 مباريات - بمجموع ( 613 دقيقة ) - سجل 7 أهداف - معدل التهديف هدف كل 87 دقيقة ليو بوناتيني : لعب 25 مباراة - أساسي 18 مباراة - بمجموع ( 1508 دقيقة ) - سجل 12 هدف - معدل التهديف هدف كل 125 دقيقة ================================================================== و أجزم جزم لو ناصر لعب جنب خربين 25 مباراة إنه راح يسجل مالا يقل عن 18 هدف بالراحة هالموسم .. مع العلم إن ناصر سجل مع العين 9 أهداف في الدوري فقط غير أهداف في آسيا ولا أدري كم مباراة لعبها في الدوري مع العين .. |
فنيا الشمراني لازال وافضل من ياسر " فنيا " كعلاقات ياسر افضل وقالها رئيس الناادي ياسر والشلهوب من مجلس الاداره ... لو بيدي من الامر شيئا الشمراني هلالي واساسي ابرك وافضل من ليو بمراحل ... قفله خربين وسط "صانع لعب " والشمراني مهاجم لمعلوماتك |
إقتباس:
يعني ناصر بعد تلك المباراة متى يبرز لك في مباراة واحدة خلال موسم كامل ؟ اخوي لا تدور اعذار ان الخلل بالمدرب ودكة الاحتياط !! و شفنا ان الاحتياط بالعكس ممكن يجبر اللاعب انه يقدم الأفضل والأمثلة كثيرة انظر الشلهوب خربين سالم وحتى العابد حتى ميلسي بداية الموسم لكن أكثر هؤلاء كانوا رهن اشارة المدرب والبعض أجبر المدرب يكون اساسي بعد تلك المباراة تعاقب عدة مدربين ريجكامب ثم اعتقد مؤقت ربما كان مدرب الأولمبي ثم دونيس ثم شبه موسم كامل مع دونيس ثم الحسيني ثم جوستافو ثم سيبريا ثم دياز لاحظ كم مدرب عديت هل يعقل كل هؤلاء كانوا على خطأ وان الخلل ليس بناصر ؟ انظر مستواه مع المنتخب ؟؟ بالنسبة لمقارنة ناصر بليو انا قلت لك كل لاعب له ستايله واللي يشوف ان ناصر كان افضل من ليو هل تشوفون ان قرار دياز كان خاطئ ؟ وهل ناصر وقتها قادر انه يقود الفريق للانتصارات والتمسك بالصدارة الدور الأول ؟ واذا تقولون ناصر يتفوق بالسرعة طيب ليو افضل في الألعاب الهوائية والالتحامات والتمركز والرأسيات يعني مهاجم صندوق تقليدي وتراي أتكلم عن الدور الأول . وخلوا الواحد يتكلم بصراحة من يوم ابتعد ناصر عن الفريق ولله الحمد الفريق يسير بنجاح ويحقق بطولات او همهكم ناصر وليس الهلال !! |
إقتباس:
اما تطالب بناصر وتجزم بنجاحه رغم كل هالمدة والفرص الي جت له هذه مهزلة إقتباس:
الشمراني مر بنفس موقف خربين لكن ما الفرق ؟ لماذا خربين له بصمة و أجبر المدرب يكون أساسي بينما الشمراني نادرا يكون إيجابي أساسي أو احتياط بالرغم من اختلاف المدربين !! اذا اكتشفت معنى كلامي لك جائزة وبالنسبة خطة 4-5-1 بمهاجم صريح واحد مثل خربين تعطي الفريق أكثر تمساك وقوة وشخصية وانسجام ولا يمنع من اللعب بمهاجمين 4-4-2 ضد الفرق المتكتلة دفاعيا لكن هل يعقل مافيه بالبلد الا الولد الشمراني ؟ لديك مهاجمين شباب ينتظرون الفرصة اليامي و الجمعان . إقتباس:
إقتباس:
بالنسبة سؤالك طلب احضار أهداف ليو و الشمراني الدور الاول مادري انت غشيم او تغيشم !! السيد دياز بنى خطته بوجود ليو كمهاجم صريح 4-5-1 الا اذا تشكك بقرار دياز وكان حينها المفترض ناصر ؟ ممكن تقول لنا وقتها كان تقدر تطالب بناصر أساسي بدل ليو ؟ او الحين جاي تتكلم !!! ليو استحق اساسي لانه مؤثر على الفريق عكس الشمراني لذلك طبيعي أهداف ليو الدور الأول اكثر اذا انت متابع للفريق . اما مشاركة ناصر مع العين الإماراتي ليس لي علاقة به لأننا نتكلم عن الدور الاول ومن كان مناسب أكثر وأكثر فعالية ليو أم ناصر !! وعن قرار دياز . وقلت اذا انت إنسان فطين لأدركت معنى كلامي عن الشمراني وخربين الذي تقريبا مر بنفس ظروف الشمراني لكن اثبت نفسه وهنا فرق المهاجم الحقيقي المفيد للفريق . |
إقتباس:
ما يمنع انه يلعب بمهاجمين او خطة 4-4-2 اذا دعت الحاجة اما تطالب بتغيير نهج وخطة المدرب علشان الشمراني ؟ هذا غير منطقي أبد اتركوا العاطفة اتجاه اللاعب على جنب . الهلال وتحقيقه للبطولات وعودته ولله الحمد بدعس الفرق محليا والجام افواه جماهير الأندية الأخرى اهم من الشمراني وغيره . |
إقتباس:
|
إقتباس:
مشكلتك مندفع شوي .. وانا والله فيه نقاط أنا معك فيها و فيه نقاط اختلف معك فيها .. زيه زي أي نقاش .. أنا ماقلت لدياز يغير خطة يلعب به الهلال من عام 2008 ههه .. حنا نتكلم عن ليو و فاعليته .. ودياز لعب بليو و خربين بنفس الوقت بخطة 4-4-2 و أنا قلت لو لعب ناصر بدال ليو جنب خربين قياساً على تفكير دياز يوم يلعب بهم جميع .. بالنسبة للشمراني عمره 33 سنة و لا يقدر يقدم أكثر من سنة سنتين وخلاص يطفى وبأواخر عمره الرياضي .. بس لو يصير عمره 40 سنة يظل أفضل من ليو هههههه .. ليو عاهة كروية تمشي على الأرض .. أنت تقول له ستايله .. أنا أقول لك ماله ستايل غير السكسوكة اللي حطها بآخر مباراة :d ليو لا هو مهاجم صندوق ولا برا صندوق .. مافيه أمل يلتحم بالكرات الهوائية مع إنه طويل نسبياً .. خوّاف وأتحداك تجيب خمس لقطات لليو يحاول يفتك كورة هوائية ( حتى قلت لك يفتك ماقلت بيسدد كورة هوائية :d أسهلها عليك ) ليو عاهة قدام المرمى ومابينه وبين الحارس الا ثلاثة متر مرتين بمباراة وحدة يشوتها برا المرمى .. !! غير هذا كله مستحيل يركض أو يعدي من واحد أو حتى يكنتر الورة زي الأوادم و بطيء كنه حلزونة مهب مهاجم .. كيف تقول بالله بعقلك تقارنة بناصر؟ .. والله إن المعيوف لو ألعب راس حربة عندي إحساس و اقتناع كلي إنه بيقدم أفضل من ليو .. بالأخير .. دياز تراه مدرب مهب رسول والا نبي .. يخطيء عادي .. وحنا ننتقده جماهير عادي .. ويصحح خطاه عادي .. وكونك واحد من الجمهور مايعني إن رايك مهب فني ولا خطأ .. فيه ناس أعمارهم بالأربعينات وحياتهم كورة لو هي دكتوراة كان أخذوها .. هل من المعقول أبهمّش رايهم لأنهم مالعبوا كورة أو مادربوا كورة؟ الشيء تشوفه قدامك .. ليو عاهة و دياز يلعبه عشان يمشي سوقه لأنه هو شخصياً ماقتنع به و يبي يسوقه بسوق الانتقالات لو يحطه احتياط طاح سوقه .. وخربين بآخر الموسم قدم مستوى خرافي يوم مسك أساسي ودياز عارف هالشيء ويدري إن ليو عاهة على فكرة لكنه صعّب الدوري على نفسه و تدارك الوضع بالامتار الأخيرة .. |
إقتباس:
لا غشيم ولا أتغيشم المطلوب منك أنت تجلب لي ( رقم ) لأن الرقم ملجم للكل ولا أحد يناقش فيه لذلك طلبت منك إحضار إحصائيات للاعبك ولاعبي حتى يرى كل من يقرأ من الأفضل ( بالأرقام ) :naughty::naughty: مسألة الدندنة على السيد دياز فاسمح لي محاولة فاشلة هل السيد دياز كل أموره 100 % ؟؟ قلت لك له ماله وعليه ماعليه يصيب ويخطئ محاولة إصراره على ليو بدل الشمراني و خربين وخصوصا خربين هل هذا صحيح ؟؟ أما عن التحدث فأنا فضلت بأن لا أتكلم عن هذا الليو إلا بعد انتهاء الموسم حتى يتم التقييم بشكلٍ صحيح تحياتي لك بس لا تنسى الإحصائية بالله :s2::ap::ap::ap: |
| الوقت المعتمد في المنتدى بتوقيت جرينتش +3.
الوقت الان » 07:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd