أحمد الزين بما أن عندنا مشكلة في الظهير الأيسر في حالة غياب ياسر الشهراني إما بسبب أصابة أو مشاركة مع المنتخب. الزوري ثقيل شوي مو الزوري اللي نعرفه ولا أعلم سبب الإستغناء عن الظهير الأيسر الأولمبي فهد غازي عموماً من زمان وحنا نعاني من إزعاج اللاعب أحمد الزين اذا قابل الهلال لاعب مهاري وسريع ومزعج لأي فريق ونحتاجه في هذي الخانة. أتمنى من رئيس النادي ومدربنا المحبوب التعاقد مع هذا اللاعب بأي ثمن الموضوع قابل للنقاش ، نشوف آراؤكم ياشقردية. |
الزين يلعب جناح وليس ظهير |
الجناح الأيسر مكمل للظهير الأيسر وممكن تبادل المراكز شوف الزوري اذا ضبطت معه ينفرد من الظهير إلين الجناح كذلك سلمان الفرج ياما لعب ظهير. الزين أتوقع يجيد اللعب ظهير أيسر ، وسط أيسر ، جناح أيسر . |
احمد الزين لاعب موهوب ونتمنى نشوف لاعبين مثله في الزعيم ماشاء الله موهبته ومهارته مستفيد منها فريقه بشكل كبير |
من ناحية احمد زين لاعب موهوب وبسبب ركنه في الاحتياط بالامس اراد ان يثبت نفسه ولجمهوره عن مستواه ويحمل المدرب مسؤلية عدم بالزج به من بدايه المباراة انا اعتقد انه لاعب مهاري لكن فيه الانانيه واضحة ويلعب لنفسه كورة او كورتين نجحت معه لا تكفي بان نحكم عليه راعي لت وعجن في مكانه ذكري بلاعب الهلال السابق عادل عبدالرحيم لن يفيد الفريق وطموحنا اكبر من احمد زين تحياتي للجميع ابوعبدالله |
الزين لاعب مهاري ولكن يعاب عليه كثرة الاحتفاظ بالكره والمبالغة بالمراوغة إن كان هناك مطالبه فالأفضل أن تكون لظهير القادسية العبيد فهو الأجدر والأفضل كظهير أما الزين فهو جناح ولا يستطيع القيام بالأدوار الدفاعية كظهير ... لو تم مقايضة القادسية ع الدوسري والرويلي مقابل العبيد ستكون ضربة معلم ... |
عندما يكبر الفريق تكبر طموحات جماهيره وهذا ما نحاول ان نقوله في هذا الموضوع احمد الزين لاعب مميز ومهاري في التعاون فقط ولكن الهلااااااال يختلف عن الكل فليس من ركض ونطط ولف ودار ولك وعجن وخبط ولبط وجت معاه في كورتين أن يكون هلالياً الهلاااااااااااااااااااااااااال هلال وهذه الأشكال تبدع مع انديتها وطريقة لعبهم ولو كان في الهلال بهذه الطريقة لرفضنا تصرفاته بهذه الإنطلاقات الأنانية وحظي إني هلاااااااااااااااااالي وشكراً |
انا كتبت مشاركه ومدري من حذفها بس اقولك الاعب مثل سالم الدوسري لاعب اناني ومايفيد المجموعه لاعب يفيد الانديه الصغيره اللي تعتمد على المهاره قبل الفكر |
كتبته قبل سنه وقلت الزين الزين لايروح |
الزين لاعب موهوب ومعروف بالأطراف لاعب جناح وشفنا امس ازعج الدفاع الهلالي وصنع هدف والانطلاقات من عنده لكن ممكن صعب يغطي مكان الظهير ؟؟ لكن كظهير ممتاز ظهير القادسية العبيد اتمنى حضوره للزعيم حتى اذا على حساب الكابتن الزوري وتحتاج بالمقابل احتياط للظهير الأيمن فيصل درويش ما يقدر يغطي الظهير الأيمن بامتياز . قلوب الدفاع بصراحة شوارع واستغرب مستوى الحافظ يمر من عنده اللاعب مرور الكرام ! لا بد من تنبيه الحافظ على هالنقطة . الله يوفق الهلال |
نظرية الزين لايصلح الا في الفرق الضغيره خاطئه .. لماذا لانقول ان الاعب يحتاج ان يلعب في فريق جيد عناصريا لكي يظهر كل مالديه .! وفي النهاية جميعهم لاعبين سعوديين |
ياشباب ،، ارجعوا إلى مبارياتنا مع التعاون في الأعوام الماضية وآخرتها أمس لاعب مزعج جداً ويخلخل الدفاعات بشكل متكرر ومتواصل. صدقوني لو لقي مدرب يفجر مواهبة راح تشوفون شي خيالي. نبغى لاعبين بهذا الأسلوب ملينا من لاعبين البرود والغباء واللامبالاة نفسي أشوف تمريرات سريعة من جميع الأطراف مثل الكورة الأوربية. . |
لاعب إستعراضي بالدرجة الأولى |
مع الهلال لن يجدي ابد نحتاج لاعب يصنع لعب فقط المهارة اعتقد افضل فريق مهاري الهلال كم سنه من غير دوري والحين كم من غير اسيا لعب جماعي هو المطلب والحين الكورة جماعية طقها والحقها راح زمانها الزين يبترم يبترم واخرتها يقوم يتهبد لين تنتهي المباراة ليس من طينة اللاعبين المؤثرين وانظروا لكثير من مباريات التعاون |
عندنا النجراني احسن منه اتوقع احمد الزين عنده مشكله فنيه والا كان تشوفه يشارك اساسي مدرب التعاون يبغى اللاعب اللي يفيد الفريق ومع ذلك مالعب احمد الزين الا اثناء الشوط الثاني |
ليس بطموح الهلال اللعب عنده يبدأ من استلام الكرة وينتهي بفقدانها اناني - لايساند الدفاع - لايتمركز البارح لاحظت قُطعت منه كرة اعتقد من فيصل درويش وماكان بينه وبين فيصل الا خطوتين وكان بإمكانه استرجاعها استسلم ووقف وكأنه مرهق مع انه دخل بديل |
اللاعب الزين لاعب ممتاز ومفيد ولكنه بعض الاحيان اناني وهو لا يختلف عن بعض اللاعبين في الهلال لا ارى الحاجة لهذا اللاعب حاليا ... نريد دفاع احتياط من نوعية ممتازة ومهاجم آخر ينهي الفرص بالتوفيق للهلال |
باعتقادي لا يوجد لاعب مهاري غير مفيد بالعكس انا اتمنى ان منتخبنا اذا شارك بكاس العالم القادمه ان لا يجلب اي لاعب يفكر نبي سريع مافي مخ جلب احمد الزين وفهد المولد وسالم الدوسري وياسر الشهراني ونواف العابد ومنصور الحربي اهم شيء منتخب يركض بدون تفكير بينلحس مخ المنتخبات الاوربيه ما يدرون وش يبون كل واحد يركض مع طرف |
مع بيع درويش والزوري وشراء عبيد القادسية و إرجاع فهد غازي من الشباب وامام اندية آسيا لا مجال لهفوات درويش والزوري |
المشرفين الكرام نريد سياسة واضحة للحذف , سبق ونشر موضوع للزين وحذف . اؤؤكد كلام الاخ سعد , الزين لا يرووووووووح , ونندم , مثله مثل الكثير من اللاعبين المتميزين الذين فرط فيهم الهلال ! |
مايصلح نهائي للهلال لان 99% من الفرق تتكتل دفاعيا امام الهلال والزين يحتاج الى مساحات يستغل مهاراته وسرعته ((رغم انه لاعب اذا قطعت الكره منه يمثل انه مصاب لكسب فاول او عدم الرجوع والتغطيه لو فيه خير مارمه الاتحاد على التعاون دمتم بخيرر |
والله لعيييييب الولد بس ياخي جناح هجومي هو ونادر ما يرجع دفاع .. احسه مخاطرة تلعبه بالظهير الا كمجمل عام مستوااه رائع |
والله انة لاعب مزعج ومهاري من الطراز الاول |
الله يعطيك العافية وبالتوفيق للهلال الزعيم الملكي |
فعلا الزين لاعب ممتاز جدا لكن اتوقع الهلال ليس بحاجته الفتره هذي |
لو تنفخ عليه طاررر وراعي لت وعجن...... |
لاعب كبير , وكنت اراهن عليه منذ 2014 جناح ايسر بامتياز left wing اما انك تريد توظيف اللاعب في خانة دفاعية , فانت لا تفقه شيء عن هذا اللاعب , مع كل احترامي لك عزيزي, هذا اللاعب مكسب كبير لاي نادي سيتعاقد معاه, قدم جالكا المدرب الروماني الزين بشكل افضل ولكن قيده بالادوار الدفاعية هذا الموسم , وكان الزين في العمق اكثر من كونه في الطرف في اغلب اوقات المباريات. ظّلم هذا اللاعب من قبل جوميز كثيرا في الموسم السابق, كان يشركه كبديل في الدقيقة 60-70 في كل مباريات الفريق تقريباً , وفي كل مره يصنع الفارق ويقوم بادوار دفاعية رهيبه جداً كجناح "كما يفعل سالم لدينا كمثال" وادواره الهجومية رائعة , اختراق , جرأة بلا حدود , مهارة , سرعة هائلة, بنية رائعة , لاعب متكامل ومشروع لاعب كبير في المستقبل القريب , ربما الموسم القادم حتى ّ من يدري ! اعتقد هو وسالم والمولد والمؤشر ابرز اربعة اجنحة في الكرة السعودية حالياً ويستحقون المنتخب في حال اللعب من الاطراف. |
غير مفيد عندنا تخمه بخانته ويعاب عليه عدم المساندة الدفاعية |
الوقت المعتمد في المنتدى بتوقيت جرينتش +3.
الوقت الان » 11:59 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd