|
نواف العابد طلبتك ارحمنا والله طفشنا نواف العابد ارجوك هذا ما يصير مستواك تعبان انا ماني عارف الاداره صابره عليك كيف نواف صار عاله على الفريق .. ارجوك يا اخي يا تجلس احتياط او انك تروح أعاره لأي فريق .. مستحيل هذا اللي يصير انا طفشت من هذا اللاعب الرويلي والنجراني جالسين احتياط عشان خاطرك والسواط وعبدالكريم القحطاني راحوا أعاره عشان انت تلعب ياخي روح خذ اجازه مفتوحه |
اي لاعب معرض لهبوط مستوى وإذا كان بسبب غيابات أو اعذار كالعادة (نزله معوية) فلابد من معاقبته بخصم كبير لكامل عقد اللاعب (كخصم ثلث المبلغ) والرويلي بالذات اثبت فشله بمباراة الإتحاد بالدوري الي انهزمنا فيها (لاعب مو قد اللعب امام الاندية الكبيرة) النجراني الي صدق مظلوم ولم يأخذ فرصته ولدية موهبه كبيره ولعبه قريب من لعب سلمان الفرج |
العابد لاعب مميز اذا كان في يومه وياما افرحنا وافرح الجميع سواء في الهلال أو في المنتخب لكنه لايستمر على وتيرة واحدة تراه يبدع في نصف موسم ثم تعتريه حالة من المزاجية والبرود في النصف الثاني من الموسم وهكذا وقد تتكرر هذه المزاجية والتقلبات لمرات عديدة اثناء الموسم الواحد أما انه يفكر في عقد خيالي مقارنة ببقية زملائه حقيقة لست مطلع على قيمة عقود لاعبي الزعيم أو أن لديه حالة نفسية حقيقة الفريق يحتاج الى اختصاصي نفسي أو يعيش قصة حب رومانسية أو أن هناك مشكلة أو قضية اجتماعية تؤرق تفكيره ولا نعرفها أو ربما يكون هذا ديدنه ربما تكون هذه الحالة ملازمة له على الدوام الله أعلم ولو أنني في مكان دياز لقمت بتوجيهه وافهامه أخطائه واذا لم يتحسن فلماذا لا اقعده على الدكة ومهما حصل لنواف فهو لاعب كبير واذا حضر حضر لكن نتمنى أن يعود ويلمع من جديد ويخرس افواهنا ويسكتنا كما كان يفعل في كل مرة |
فالج !!!! لا تعالج !!!! فهي عقلية لاعب وسلوكيات لن ينفع معها سوى الركن في الإحتياط |
مشكلتنا مباراه نرفع بلاعب والمباراه اللي بعدها .. ننتقد نفس اللاعب !! بعد ماكان نجم قبل كم اسبوع صار عالة على الفريق .. هذا كلام بالله ؟ طبيعي المستوى هذا بآخر الموسم وإذا تفكر أن نواف هو اللي يختار انه يلعب اساسي ولا يجلس احتياط فأنت ماتفهم كوره !! المُدرب هو اعرف وأدرى بنوعية اللاعبين اللي يختارهم في نوعية المباريات .. لذلك يجب عليك الدعم والتشجيع .. وشكراَ |
تعبنا مع هالولد الشكوى لله .. |
لا يختلف اثنان على مهارات العابد ونجوميته لكن برأيي لاعب مثله بهذه العقليه الطفوليه علاجه الدكه واعطاء الفرصه لغيره ويبقى هو كورقه رابحه لن يراجع اي لاعب حساباته الا اذا جلس على دكة البدلاء وعرف ماكان يمتلكه من ظهور جماهيري واعلامي نواف العابد سلمان الفرج يجب عليهم اعادة حساباتهم وركنهم في الدكه |
الله يهديه لاعب مزاجي ولاعب متعالي ابو ضحكة أجنان لو أهتمامه في الملعب مثل اهتمامه بقصة شعرة واسواره اللي يلبسها وضحكته المميزة كان اصبح لاعبي المفظل مثل الشلهوب يحب الاحتكاك مع الحكام عنادي الدكة احسن علاج لهذه النوعيه واسف اذا خرجت عن الموضوع قليلا ابوعبدالله |
حتى أنا مرفوع ضغطي منه لكن شوف سلمان الفرج كم ياخذ في السنة وشوف نواف كم ياخذ ، أكيد أقل من سلمان رغم ان العابد أفضل منه بمراحل ، هذي مؤثرة والله يسامح من جدد للفرج والله ماني مقتنع بمستواه ولايسجل أهداف ولافاولات ولابلنتيات ولايصنع هجمة خطرة بالعكس يتفلسف وترجع مرتدة علينا وياما تسجلت فينا أهداف وينشب للحكام بشكل مقزز معليش ع الشطحة لكن اللاعب المميز يجب أن يفرق عقده عن عقد غيره من أشباه اللاعبين. |
الله يعطيك العافية وبالتوفبق للهلال الزعيم الملكي |
نواف العابد من بعد مباراة الاتحاد ومستواه في هبوط |
يبدو ان نهايته الكروية أصبحت قريبة، مستواه في تدني كبير هو وسلمان الفرج. والكل يتمنى اللعب في نادي الهلال الزعيم الذي يصنع نجومية اللاعب بجمهوره الكبير الوفي الواعي. |
إقتباس:
الله يعيننا ويصبرنا صار اهتمامه قصات الشعر والصبغات واللوك الجديد :mad: |
أٌقترح أن ياخذ اللاعبين الرويلي والنجراني والثنيان فرصتهم ونريح العابد والفرج وادواردو والمعيوف المباريات المتبقية ولايشاركون إلا للضرورة. يمكن يكونون مرهقين من كثرة المباريات مع النادي والمنتخب واذا ارتاحوا شوي رجعوا أكثر نشاط من أول. |
والله شوف ما احد يختلف ع إمكانياته ولكن بقولها لك بإختصار إذا الهلال بيعتمد على العابد والفرج وسالم فلا يفكر بآسيا وترى عادي يخذلونك متى ما احتجتهم .. ملينا منهم وطفشنا ,, الهلال ضروري يكون في وسطه لاعبين أجانب ع مستوى عالي ... |
| الوقت المعتمد في المنتدى بتوقيت جرينتش +3.
الوقت الان » 07:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd