i!i!i!i الحوار المفتوح i!i!i!i مابـعـد مباراة دوري أبطال آسيا [ الهلال Vs الوحده الإماراتي ] (تحليلكم و آرائكم )
 

الف مبروك للزعماء

الفوز جا بالبركة والدعوات

الفريق مجملاً سيء خصوصًا في الشوط الثاني فرص بالجملة ضاعت كل فرصه تقول الزود عندي

ضياع كبير في مناطق الخصم مادري ليش الخوف والارتباك امام مرمى الخصم

بأمانه اجانب الهلال جميعهم بلا استثناء حتى في خربين اللي اشوفه ماقدم غير الروح وفنياً ما اعطى فارق كبير و
ادواردو يبي يسوي كل شي بنفسه ويضيع نفسه
ميلسي لاعب جيد مكمل فقط لا يقدم الفارق . ليو مايناسب الهلال

اول مره اتكلم بخصوص الأجانب وبعيدا عن العاطفة ... لكن ع الإدارة وبشكل سري مع المدرب اختيار أجانب ع مستوى عالي فنياً ومهارياً نحتاج مهاجم سترايكر ومهاجم طرف و صانع ومحور هجومي قومي مهارياً مكمل للثلاثي الأمامي


نجوم المباراة المعيوف. جحفلي. الخيبري فقط الباقي غائبين واللي يصلح ويخرب بنفس الوقت
الزوري ع فترة غيابه قدم أداء جيد جدا

تبديلات المدرب ممتازه وحده منهم غيرت الطريقة تماما سكرت اكثر ع الوحدة

تبقى ضياع الفرص ولله شوي وانتف شعر راسي منها

مبروك الفوز والصدارة
المعيوف اليوم هو الابرز ماشاء الله لاقوة الا بالله
المهاجمون كانوا الأسوأ
قياساً بالظروف المحيطة بالهلال من غيابات وكذلك الاستحقاقات المهمة التي تنتظره فالفوز هو الأهم
ضياع الفرص والفلسفة امام المرمى باتت مشكلة كبيرة لجمهورالزعيم

الف مبروك الفوز الذي اتى من عنق الزجاجة
كادت ان تضيع المباراة لولا لطف الله ثم يقظة المعيوف
ماهكذا تورد الابل يا دياز

اول شي مبروك على الفوز والقادم افضل ان شاء الله

لكن وش سالفة المدرب مع المهاجم عمر وش اللي بينهم يوم يخليه لاعب ثالث وهو افضل مهاجم حاليا وضالة الهلال لو وجد فرصه وانسجم مع اللاعبين ولا يقارن مع العاهه ليوو



محاباة هالمدرب للاعب ليو ومحاربته وظلمه للنجم والمهاجم عمر وركنه احتياط ويكون لاعب ثالث بعد كل ماقدمه واثبته للمدرب ولنا !! اقل مايقال عنها نجاسه وملعنه من المدرب لاجل اعجابه بالعاهه والفاشل ليو

واذا لعبه يجبره باللعب خلف حبيبه ليو علشان يصنع له

ولا فيه من يحاسبه المفرج متفرج وجوده زي عدمه

يجب على الادارة ان تقف ضد المهزلة والعبث وتعطي كل لاعب حقه ولا يظلم احد

مبروووووك للهلال
والابتعاد عن الاحباط . مهم
خاصة المرحلة الحالية
الوقوف مع الفريق و إيضاح الحقائق دون تجريح أو تحديد للاعبين
الإدماج و الهلال عنده الافضل

ياخي ماهي محاربة ولا شي

بعض المدربين مايرمي بكل اوراقه من البدايه يخلي اوراق يلعب فيها بنص اللعب لاستمرار تفوقه

مثل مارفك مع المنتخب مستحيل تلقى فهد المولد اساسي معه دايما ورقه رابحه مع ان لو وجد مع العابد يشكلو ثنائي قوي لكن يخليه للشوط الثاني لاعب سريع قوي يستغل ارهاق الخصم وعدم تركيزهم

وهذا مايحصل مع خربين ودياز دايم ينزل بالشوط الثاني يعمل الفارق وهذا خربين اليوم لعب شبه اساسي ومباراة الرائد ماقدم هذاك الأداء والمستوى مثل ماكان بديل الا ضيع فرص ماتضيع


ع طول خلينا محاربه للاعب وبامانه اليوم ماقدم شي سوا روحه ويشكر عليه غيره لا

عمر خربين
كل جمهور الهلال يحبك بس لا تعتمد على هذا الشي كثير ترى لعبك واهدافك هي فقط اللي تضمن استمرار محبتهم بكل اسف حرمتنا اليوم من اهداف محققه وكدت تكون سبب في مرتده ستر الله منها
جمهور الهلال يحب اللي يلعب اكثر ويفدم مجهود

جحفلي

شكرا لك دائما انا اشوفك متطور ومبدع ومن الناس اللي اثق بوجودهم لحمايه عرين الهلال

سالم الدوسري

انت لاعب فنان بس تحتاج هدوء وتركيز اكثر

ياسر القحطاني

سلامتك ماتشوف شر يارب سهالات

اليوم ماحسيت بغيابات لان الهلال نفس الرتم ونفس المجهود ونفس اهدار الفرص السهله وهذا الشي اللي لازم يركز عليه المدرب اسيا كل ما تقدمنا اكثر اصبح ضياع الفرص اكثر خطوره علينا

يابن الحلال تبريرك ومقارنتك كلها غلط في غلط وش جاب لجاب

المولد فيه الافضل منه في المنتخب او زيه لكن عمر مايجي ليو ربع امكانياته

ثاني شي يوم اني اقول دياز يحاربه ويظغطه نفسيا فعلا اجل يلعبي عاهه في كل مباراة يلعبها يثبت ان ماعنده شي ويركن لاعب يصنع فرص بتحركاته وبمهاراته ومافيه عاقل الا يؤمن في امكانيته الكبيره

والفرص الصعبه اللي يضيعها فدا راسهه دامه لاعب كفو مهو ميت زي سيء الذكر

ومثل هذا الاعب يجب دعمه ولا نفرط فيه ويخسره الهلال

اقول الحمدالله ان عمر السومه ماكان في الهلال خاصه بالوضع الاداري بوجود المفرج والا كان محد درى عنه

استغرب كثرة سقوط لعيبة الهلال وخسارة هجمات واهداف محققة

المعيوف كان رجل المباره اليوم ونجمها

يا أخوان اذكروا الله وصلوا على النبى
اليوم الهلال لو فاز بنص هدف فوق الممتاز هذى مباراة نقاط وليس مستوى
ورانا الدورى باقى ثلاث نقاط لحد بقول فزنا بالدورى ورانا كاس الملك واسيا ولا تنسون المنتخب عشرة لاعبين من الهلال يعنى اليوم دياز نجح بدرجة امتياز فاز وريح اغلب اللاعبين
والاهم من هذا ان شاء الله لو فزنا على الاهلى اتمنى باقى الثلاث مباريات يلعب فيها اللاعبين اللى ما شاركوا اغلب الموسم مع مجموعة من الاولمبى
تكفون يالزعماء تفرقوا للمساندة ودعوا الادارة والمدرب يعملون هذا وقت الحصاد

هههههههههه فعلا يحيي افضل من المولد بكثير وعارف المولد مالعب مبارتين لكن من بداية التصفيات يحيي اساسي

واذا بنجي للمنطق والعقل ليو اليوم خدم الفريق اكثر من عمر
اترك عنك الانفعلات اللي مالها داعي محاربه وكلام فاضي اذا دياز هو بنفسه طالب اللاعب يحاربه؟؟؟؟ شويه عقل بس

تضحك على خيبتك ودلاختك ومن شفتك تطبل للسقيم لييو اللي اول من كرشه هو دياز اللي دعمه وخلاه اساسي على حساب الهداف عمر وانا عارف ان الدعوه ضايعه

وبعدين وش تبي يسوي اكثر من اللي سواه كورتين في القائم وصنع اكثر من فرصه لكن نظامك اذا المدرب ممتاز خلاص اطبل لكل شي حتى لو اخطى وظلم وتمادى

للأمانة .. ليو لا يقارن بخربين نهائياً .. خربين لاعب متمّكن متحرّك يصنع كور و يسجل أهداف .. كنترول وسرعة و تسديد ..
لكن ليو ميّت .. وحتى إذا لعب خربين مع ليو .. يكون خربين لاعب طرف أو خلف المهاجم (ليو) ..
وحتى يوم يطلع ليو كانت المباراة بآخره و اللاعبين استنزفوا لياقتهم و تركيزهم ..

بالأخير و لازم الواحد يحط هالشيء بباله .. خربين لاعب ( آسيوي ) و خيار نادر جدّاً .. وصعب تلقى لاعب بمواصفاته آسيوياً ..
وهو ( رابع ) هدافي تصفيات كأس العالم 2018 .. بعد السهلاوي و خليل و كاهيل .. يعني لاعب عنده خبرة قاريّة ..

ليو محسوب لاعب أجنبي .. بإمكانك جلب لاعب أفريقي أو أمريكي أو بنقالي .. و صدقني ماراح تندم .. لأن بنظري مستحيل فيه أسوأ منه ..

أتمنى يمشي ليو و ميليسي الجيد لكن مركزه ماله لزمة ..

ويجيبون هوندا .. لاعب وسط بخبرة أوروبية .. متمكن بالكرات الثابتة .. و لاعب قيمته السوقية حالياً مليونين يورو .. يابلاش ..
يكون إدواردو متفرّغ هجومياً .. إدواردو خطير بمركز الهجوم .. وكم مرة شفناه يلعب كمهاجم ثاني ويسجّل ..

عمر خربين و إدواردو يبقون .. وليو هو و ميليسي يمشون ..