الهلال طول عمره متصدر والشرهه على من روج لها المقوله بسم الله الرحمن الرحيم اخواني واخواتي محبي الزعيم كثرة في الاواني الاخيرة ترديد جمهور الهلال مقولة صدارة وبس وانا استغرب واتعجب امعقوله جمهور الهلال يتغنى بالصدارة ؟ و الهلال طول عمره وهو يتصدر ومع الاسف مرات كنا نخسر والصدارة ماهي بطوله مثل غيرنا الهلال اكبر واكبر بكثير عن ذالك وظموحنا البطولات والذهب والشرهه على اللي طبل لها المقوله ( صدارة وبس ) |
لو حقق الهلال بطولة الدوري هل سنقول انه البطل ونتغنى بذلك ام نكتفي بأن الهلال دايماً بطل نعم تعودنا على الصدارة والبطولات لكن لكل منافسة فرحتها صدارة وبطولة لقد حجرت واسعاً بارك الله فيك |
تراها مجرد اهزوجه وبالعكس حلوه يعطيك العافية |
يعني على الاقل حين نحقق البطوله قولو [COLOR="Red"]بطوله ماتكفيني [/COLOR] |
الله يعطيك العافية وبالتوفيق للهلال الزعيم الملكي |
صراحه يعني... عامل زحمه والشارع فاضي مع اني ارى هياط اغلب الهلاليين سبب للاعبين تبلد وحسسهم انهم مكتفين وكأنهم محققين جميع البطولات نشوف غيابات وتصرفات من بعض اللاعبين حتى يوسف الثنيان ومن حققو لنا آسيا ما سووها فينا ! اتركو عنكم الهياط وخلو اللاعبين والجماهير يذوقون طعم البطولات عشان ما تقتلون طموح النادي واللاعبين |
الصداره يتغنى بها المحرومون امثال جماهير الجار اما جماهير الملكي فالصداره لهم شيئ عادي جدا الهلال وحتى هذا اليوم بفضل الله يظفر بالبطوله ولا تحرك فيه ساكنا لسبب بسيط وهو لانه نادي ذهب وبطولات اعتقد ان من روج لهذه المقوله هم جماهير الجار القواطي لمحاولة زرع هذه الثقافه لدى جماهير زعيم اسيا العظيم شكرا لك على هذا الموضوع |
إقتباس:
|
اصلاَ بسئلك .. متى هبوا فيها العالم بفرحتهم للصداره ؟ أيام تصدر النصر قبل كم موسم .. متصدر لا تكلمني × والشاهد على تاريخ اخر بطوله للنصر فـ أنا أشوف أنهم معهم حق ينبسطون في الصداره لان آخر مره أخذوها قبل اكثر من عشرين سنه !! أما بالنسبه للهلاليين الذين يفرحون بالصداره .. برضوا من حقهم لأن الهـلال ما أخذ الدوري آخر خمس مواسسم .. فـ عادي نقول .. أن القحط مر عليناا مع أننا متعودين على ملامسة الذهب .. ولكن هي مصطلحات أتت لتمييّز البطل .. ولا نختلف معها ولا نتفق |
يا رجل لا تدقدق تتعب وبس الحروف قليله |
|
عاد تدرون بكيفكم مانتم مقتنعين اجل خلاص ابقول صدارة وبس والاتحاد يقول بطولة وبس يالله عاد شفو لكم حل |
الهلال من يومه بطل، وهذه الأهازيج أعتقد بسبب اسكات الجمهور الجار وغبنه لا اكثر |
العباره ما اشوف فيها شي. ولكن انا اعتقد لو الرابطة يشيلونها بشكل ثاني وباسلوب يكون محفز اكثر كأن يرددوا: صدارة ما تكفي نبي البطولة |
الوقت المعتمد في المنتدى بتوقيت جرينتش +3.
الوقت الان » 09:14 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd