نادي الهلال السعودي - شبكة الزعيم - الموقع الرسمي - Oo فلالالالالالالاش ولا اخيس منهoO

[ALIGN=CENTER]انتظر التحميل
يبيلك 50 دقيقه اذا كنت ملحط(يعني على اشتراكات)
اما اذا كنت على دي اس ال فمايبيلك الا وقت ماتغير الريسيفر من قناة الجزيره الى قناة السودان[/ALIGN]
[ALIGN=CENTER]صدقتوا ان فيه فلاش [/ALIGN]
[ALIGN=CENTER]بالله وجهي انا وجه واحد يزين فلاشات
يقول المثل شف وجه التيس واحلب لبن
انا عندي لكم اليوم قصه بطولة دحيم امام والوجه الجديد فتاة الغلاف (امحق) ابو الذهب حسني
القصه تقول [/ALIGN]
كان في يوم من الايام الفايته دحيم قاعد في الملحق حق بيتهم وقاعد يفرفر في الدش ايام ماكان الريسيفر مصنوع من الحجارة والريموت كان مصنوع من خشب الخيزران الصلب (يغز الفرار اللي يروح للقناة الثاني)
وفي احد الليالي الملاح كان دحيم منجطل(منسدح)في الملحق وقاعد يتابع مسلسل المساء والسهره(ايوب البحر)
سمع الدحمي صوت التلفون يرن
ترن ترن
ترررن ترررن
ترن ترن
رفع السماعه
سمع صوت عذب مزركش
واذا به صوت حرمه(ذيك الايام مايسمون البنت الا حرمه)
يقول : ادوووووه
دحيم يقول الو امي نامت احد يتصل عليها هالوقت
الحرمه(البنت) تقول لأ انا ما ابغى امك انا ابيك انت
دحيم كمخ براسه في الجدار عشان يحس انه في علم ماهو في حلم ..وفعلا تفاجأ بانه في علم وحقيقه
دحيم قال انتي متأكده انك تبيني
الحرمه:ايوه شفيك مب مصدق
دحيم :تبين الجد ماني مصدق بس ودي اقولك قبل كل شين ..انا شين
الحرمه: مايخالف
دحيم :بس والله انا شين مررررره (ركبه)اشين من ابو الذهب
البنت: هاها مايخالف يعمري اهم شي الاخلاق
دحيم : راح يفحط(يقحص) في سيب (حوش)بيتهم على رجليه
البنت: ادووه ادوه .....ادوووة..وين رحت !
دحيم :لا لا ابد رحت قحصت وجيت
البنت ::هاهاها والله انك منسم
دحيم ..لا لا احد قالك اني كفر....! انا امي تقولوي دايما انت منسدح مب منسم
البنت : هاهاهاها يحليلك
دحيم: ( وهو زعلان)..يحليلك انتي انا مب يحليلي
البنت : شسمك بالله!؟
دحيم :انا ما اسمي بالله انا اسمي دحيم بس العيال في العاير (العاير= موقع في الحاره يجتمع فيه الداجين وعادتاُ يكون بجنب عمود كهرب او بقاله) يدلعوني بالله احيانا
البنت: وين ساكن طيب!
دحيم :انا ساكن في بيتنا وارقد في الملحق دايم واذا جو العيال يبغوني... يطقون الجدار حق الملحق واطلعلهم
البنت:هاهاها يحليلك
دحيم: (وهو زعلان) ماعمر احد خمك مخمس !...لاتقولين يحليلك ما احبهااااااااااااا
البنت : طيب لاتزعل .. والله انك تهبل
دحيم: هع هع هع هع
البنت : (وهي زعلانه) وجع وش هالضحكه اوجعتا اذوني عبالي قريدل مر يم بيتنا
دحيم: طب خلاص معاد اضحك بس لاتزعلين
البنت : دحوومي انت تشتغل!
دحيم: لاتقولين كذا تكفين انا ما نيب وجه تدليع ..اذا دلعتيني احس اني خكري
البنت : هاها طب يلا لا يكثر ! قلي تشتغل؟
دحيم : ايه اجل تحسبيني ما اشتغل ...انا اشتغل بالداخليه
البنت : وااااو ماشاء الله ...لا تقولي بعد انك في مكتب الامير نايف
دحيم : لااااااااااااا انا وجهي وجه واحد يشتغل عند الامير... صدق انك عديمة النظروالذوق معناُ
البنت: (وهي زعلانه)انا قاعده ارزك ..لكنك منت كفو رزه..طب يلاا قلي وين ؟
دحيم : انا ابسط بجح وشمام عند الوزاره ..بس لعلمك دريشة الامير نايف تطل على بسطتي ولا في ولا ابن امه من العسكر يقدر يطردني ويقولي شل بسطتك ..الامير كل مادخل مكتبه يفتح دريشته ويأشر بيده ويتكلم وهو زعلان مدري وش يقول بس الظاهر انه يسلم علي بحراره
البنت : يحليلك والله
دحيم : انتي مافيه احد لزخك بالزبيريه على ظهرك ...لاتقولين يحليلك ..حل الله بطنك
البنت : وش فيك تصرخ دحومممي حبيبي
دحيم : ابووووووووووووووك يادحيم والله وضحكتلك الدنيا وصرت دحومي .(وين هالداج ابو الذهب يشوف الهنا اللي انا فيه)..هييييييه وش اسمك انتي؟
البنت: انا ....انا اسمي سعاد
دحيم : سعاد حسني!
البنت :تعرفها ؟
دحيم : لا ما اعرفها ولا درست معي بس قد شفتها في الفديو عند اشرف المصري ولد حارتنا
البنت:ايه انا سعاد حسني
دحيم : تكذبين علي...! احد قالك اني دلخ..سعاد حسني مصريه وانتي صوتك عربيJ قصدي سعودي
البنت: ماشاء الله عليك ذهين ...انت امك تقولك انك افطن عيالها؟
دحيم : ايه !
البنت: والله ان امك ماعندها سالفه ..اذا انت افطن عيالها
دحيم : اتركينا عن حتسيتس الماصل انت سعاد حسني المصريه ولا لا ..انا الا الحين شاك بصوتك
البنت: لا انا ماني سعاد حسني ..بس اشبهلها ....ارتحت!
دحيم: وعععععععععععععععععععععـ انا ما احب سعاد حسني
البنت : ليه؟
دحيم : يقولون انها خطافة الرقاله..وانا ما احب انخطف(تكفى..يارامي عياش)

واستمرت العلاقه بين جوزي هالكناري... وظهرت التقنيات والتكنولوجيا وتطور دحيم وصار عنده بيجر ..وبعدها بسنين شرا جوال وصار يكلم سعاد به.... والفواتير مايسددها(سوى طريقه مايسدد فيها جواله..اللي يبي يعرفها يرسلي برايفت)..واستمرت العلاقه تزداد وتزداد ...وفجأه قال دحيم ياسعاد خلينا نشوف بعض.... قالت سعاد شف دحومي انا عندي حل .....انا ابغى اسافر اصيف في مصر وش رايك تجي تصيف هناك ونتقابل ؟..... قال دحيم انا ما احب السفر واصلاوالا احب اسوق الطيارهJ .....وبالضغط والالحاح والترجي وافق دحيم على السفر الى مصر لمقابلة سعاد ......زهب دحيم شنطته وعفشه وحجوزاته وطار بالطياره اول ماحط رجله بالمطار وقرى لوحه (ادخلو مصر ان شاء الله امنين)
شغل الجوال ودق على سعاد
دحيم :الو سعاد وينك
سعاد : انا بمصر
دحيم : (وهو معصب) قولي والله!...انا عاف انك في مصر في أي مكان
سعاد : ااااااااه انت وصلت القاهره
دحيم :لاتطولين على ترى الفواتير الحين علي انا اللي بسددها
سعاد :طب خلاص لاتنافخ ..تعال انا بشبرا
دحيم::وين شبرا اللي بجنب السويدي
سعاد:انت وقف تكسي وقله شبرا
دحيم :طيب ..بلخ(قفل السماعه) واقرب تكسي خذه وقاله شبرا
وصل دحيم شبرا ووصل شقة سعاد
خبط الباب
رد عليه ::مين
دحيم:شقه سعاد
ايه ادخل الباب مفتوح
دخل دحيم
وفجأه

يشوف
قدام
وجهه
شي
ماصدقه

[ALIGN=CENTER]
[ALIGN=CENTER]ابو الذهب
ايوه ابو الذهب على سن ورمح
وفاااااااق خشته ومطلع سنونه الذهب وقاعد يكركر من كل بطنه
هاهاهاهاها
انا ابو الذهب سعاد حسني
كل هالسنين ونا قاعد اضحك عليك يالرخمه....مسوي فيها ذيب يالدلخ
حتى اسم امك علمتانياه ..والله لا فضح اسم امك في الحارة
هاهاهاهاها
دحيم :وهو في نشوة القهر يخم الداج ابو الذهب ببوكس يمشي مليون ..على اثره طارت سنون ابو الذهب
ابو الذهب: يضحك ويقهقه من كل بطنه ..
مهوب مشكله ..[/ALIGN]كلها طقم اسنان جديد وتنتهي المسأله ..
بس اهم شي عرفت اسم امك [/ALIGN]

[ALIGN=CENTER]
حكمه
محشش ابوه بيموت واهله معه شاف عيون ابوه ابيضت ..قال بس وخرو الوالد بيرجع ريوس[/ALIGN]