|
(اقفلو عضويتي اذا خرجنا بالدوري هالسنه مع اصرار الرئيس على فهد المفرج ) (اقفلو عضويتي اذا خرجنا بالدوري هالسنه مع اصرار الرئيس على فهد المفرج ) أدعو الله كل يوم انه يخيب ظني ويفوز الهلال بالدوري ويكون كلامي خطأ ويكون قرار رئيس الهلال هو الصح في الأخير . لكني لااعتقد ان قرار الرئيس هو الصح . ستذهب البطولات منا تباعاً مع نهايه الموسم وفي وقت قطف الثمار. الهلال سيخرج من كل البطولات بلا حمص ومستعد الغي عضويتي هذي اذا طلعت ماافهم كوره الهلال خرج من كاس ولي العهد على يد النصر . وخسر نقطتين في اول جوله من اسيا البارح. وراح يخسر الدوري اما بهزيمه امام الاتحاد او الاهلي ويتوج النصر في المباراة الاخيره ومن امامنا ليس قوة في النصر بقدر سؤ الاعداد الاداري للهلال وتميز النصر في ذلك والسبب صرامه رئيس النصر مع لاعبيه لاحظو كيف رده فعله بعد هدف النصر الثاني في جده رجل يخشاه لاعبوه . النصر يتميز بالاعداد النفسي لذا نجد روح قتاليه من غالب ورفاقه . الهلال مشكلته ليست عناصريه ولا فنيه. الهلال مشكلته اداريه ليس في الرئيس بل ثقته في مدير الكره فهد المفرج. يظن رئيس الهلال انه مهام مدير كره في اشياء معينه فقط كتسجيل حضور وانصراف ولبس اللاعبين لبس موحد في الفنادق وفي معسكر النادي قبل المباريات . يظن ان مشكله فهد المفرج مع اعلامي الهلال لانه لايسرب اخبار الهلال من صفقات محليه او اجنبيه . يارئيس الهلال والله فاهم مهام مدير الكره خطأ . تعلمو ياهلاليه من الاهلاويه الان هجوم قوي ومطالبه من جمهور الاهلي واعلامه بابعاد وجدي الطويل مدير الكره لانه لايرونه الرجل المناسب لتعويض غياب طارق كيال فهم يرونه ينام في المباريات وكبير بالسن وليس بقوي الشخصيه . فهد المفرج لايجيد اعداد الفريق نفسيا و يطبطب على لاعبيه بعد كل مباراة وينطنط مع كل هجمه هلاليه وكأنه مشجع وليس مدير كره لنادي كبير كالهلال اخشى مااخشاه نخرج كلاكيت ثاني موسم مع نواف بن سعد من كل البطولات العام الماضي خرجنا على يد الاهلي وهالسنه على يد النصر ويطلع لنا باعتذار جديد انا اسف واخطات في اصراري على استمرار فهد المفرج زي ماضحك علينا العام الماضي باعتذاره ورجع فهد المفرج لنا من جديد ياخوفي انه تعب ال13 جوله في الصدارة يروح هباء منثورا مع اخر مباراة لنا مع النصر واتوقع لحظتها سيقدم نواف بن سعد استقالته من الهلال وعاد خذلك طقطقه على فريقنا في فتره الصيف المقبله الين يجي رئيس جديد للهلال متى يتعلم نواف بن سعد من اخطائه فهد المفرج عارفين ان ما عنده سالفه لكن اين دور الرئيس ؟ الرئيس مثله مثل فهد المفرج راضي على المستويات السيئه ويطبل للاعبين الهلال محتاج رئيس صاااااااااااارم مع اللاعبين والجهاز الفني واي شخص مهما كان اسمه يبزوط ولا يسحب رجوله داخل الملعب يعاقب كذا راح تشوف اللاعبين يخافون ويلعبون بروح وحماس وجديه انا سالفة ان سلمان الفرج يستعرض ويسحب رجوله ويتدلع وما يحاسب ! وادواردو من الدور الثاني من الموسم الماضي الى الان يسحب رجوله وما يحاسب ! سالم الدوسري له مواسم كثيره ونفس العله فيه استعراض + ما يعرف يتصرف امام المرمى + اناني + ما يعرف يمرر كل هذي ليه ما تحاسب اللاعب عليها وتخليه يطور من امكانيات بالتمارين ويجتهد ؟ نبي اداره قويه شيل الراس الكبير وجيب رئيس يستحق رئاسة الهلال وما يجامل على حساب الكيان وصارم الحلول لانقاذ موسم الهلال : 1- اقاله او استقاله فهد المفرج لحفظ وجهه امام الادارة والاعلام او تحويله لفريق الاولمبي 2- تعيين منصور الاحمد مدير لكره الهلال 3 - تجديد عقدي سالم الدوسري وسلمان الفرج لضمان لاعبي الهلال ومن ثم الهجوم على نادي النصر من خلال التفاوض مع حسن الراهب . 4- رفع شكوى الهلال للفيفا لمعاقبه النصر بتوقيعه لعقد على عقد لاعب مثال عقد عوض خميس . 5- مناقشه المدرب في كل مباريات الهلال المقبله ماذا سيلعب امام الفرق الصغيره التي ستكتل دفاعيا امام مرماها كالوحده والفتح التي ستلعب على ارضها لمحاوله الهروب من الهبوط ولايروح الوقت والهلال ينزنق ولايلعب بمهاجمين . وكيف ستلعب مع الفرق الكبيره كالاتحاد والاهلي والنصر والشباب . 6- دعم نواف بن سعد وحضور اعضاء شرف الهلال للنادي وحضور قدامى اللاعبين كالثنيان وصالح النعيمه ومحمد الدعيع وفيصل ابو اثنين وخالد الدايل . 8- المطالبه بحكام اجانب في كل مباريات الهلال وحتى المطالبه بالحكام الاجانب خارج ارض الهلال حتى مع الفرق الصغيره لانه الحكام المحليين عليهم شبهات .. |
انا معك ان فهد المفرج حان وقت رحيله .. لكن ليس في هذا الوقت والفريق متصدر و لانعلم ماهي ردة فعل الاعبين النفسيه ربما تكون اسوء ! التغير اما بعد نهاية الموسم او بعد اخفاق في بطوله او خساره مبارة حاسمه لاقدر الله يعطيك العافيه |
وأنا أحلق شنبي على الزيرو اذا حقق الهلال الدوري بهذه الروح المنهزمة وفلسفات الفرج وتخبطات الدوسري وغياب ادواردو وليو وتواضع مليسي وحراسة المعيوف .......... |
الهلال بيحقق البطولة رغم عنهم وتذكروا كلامي سواءً بفهد المفرج أو بدونه |
إقتباس:
|
إقتباس:
|
أخي الكريم تفائلوا بالخير تجدوه الفريق صحيح أن مستوياته متذبذبة ويحتاج لدعم فني أكثر ولكن لا يصيبك اليأس إن شاءالله الدوري راح يكون من نصيبنا في حالة واحدة إذا لم يتم الدعم من قبل الدفع الرباعي ومحاولة إيقاف الفريق كما عمل ذلك في المواسم الأربعة الأخيرة وإلا الفريق قريب من الدوري . وأنا عندي أحساس بعد رحيل أحمد عيد والذي يتلقى توجيهات من رئيس النصر والأهلي بخصوص عدم أعطاء الهلال فرصة للحصول على الدوري وحضور رئيس جديد إن شاءالله البطولة لنا . ودعمكم ياجمهور الزعيم هو البطولة الحقيقية لا زم نرفع من معنويات اللاعبين ونقف معهم في السراء والضراء . |
هو الله بلانا بالمفرج والفرج الاول فاشل اداريا من كان في الاولمبي والفريق الاولمبي حقق البطولة بعد ما فارق عنهم والثاني يتسحب بالملعب ويصنع اهداف ع الهلال ووالله ان التجديد معاه كارثه بحق الهلال كيف والعقد بسبعة مليون زي مانسمع !!! ما اقول الا الله يفكنا شرهم ويبعدهم عن الهلال هذا غير الاجانب العلل والله لو العب لاعبي الاولمبي انهم يلعبون افضل منهم الشكوى لله يعطيك العافية |
إقتباس:
الهلال يحتاج اما مدرب نفسي او اداري نفسي يحمس اللاعبين ولاحظو مباراتنا القادمه مع الاتحاد يلعبون بروح وحماس بعكس لاعبينا |
إقتباس:
الرئيس بيضيعنا باصراره على المفرج :s5s: |
انا موب رايح أتكلم عن المفرج انا باتكلم عن غياب الرررررررروح والقتالية في الملعب ، اين لاعبين الهلال داخل الملعب بصراحة لعب بطئ لاسرعة لاروح لاحماس ،، كل الكرات مقطوعة باصات عشوائية تلاحظ في الفريق اخطاء بالجملة الاتحاد الاهلي النصر ،،، يلعبون بالحماس والسرعة وحضور الروح روح الانتصار اذا حضرت هذة فلن نفوز بالدوري او اي بطولة اذا كان لعبنا كمباراة بيروزي لعب بطئ وغياب الروح والحماس والسرعة الله يعين والله يستر |
التفاؤل مطلوب ولكن هناك امور غريبه في الهلال الاصرار على ميلسي وركن عطيف في الاحتياط الفريق يلعب وكأنه ناقص في ظل سلبية ليو في الهجوم. يعني حتى الدفاع سئ وزاده تخبيص بركن الخيبري بالاحتياط .والله حرام واذكركم الخيبري للأسف سيلحق بالشمراني؟؟؟. حتى وان كان الكلام في غير وقته فأنا ارى ان مشكلة الهلال ادااااااااااريه. لن يحقق الهلال الدوري الا بفوزه على الاتحاد . اما ان انتظر الهلال مباراة النصر ليحسم الدوري . فأخشى ان يكون تتويج النصر من بوابة الهلال . فيصل بن تركي لن يسكت . سيحاول ايقاف الهلال داخل الملعب وخارجه اعلاميا نجح حتى الان. اما فنيا فسترون العجب ان تقلص فرق النقاط الى 3. مشكلة ادارات الهلال المثالية الزائدة الوسط الرياضي للأسف ماينفع فيه الا الي تكسبه العبه. |
المدرب ما يقدم اي شي يذكر ولا نجد اي بصمه اول ما جا مبارتين ثلاث والباقي لا تكيك ولا تغير صح بل تغيره متاخر .. اصراره على ليو وهو الي نازل مستواه وخريبين احتياط !!! امر غريب الي يحصل في الهلال اختفاء لاعب بين الفينه والاخرى اصابه او عضله او اراحه ...؟؟!! غياب الزوري حتى هذه اللحظه من الموسم الماضي امر غريب لا اجد له اي جواب هل العمليه التي اجريت له لم تنجح على الاقل قولو لنا ندعو له بالشفاء الامر الاغرب ان الهلال منذ تولى دياز دفه الامور وقيادته للنادي سؤ في تنفيذ الضربات الثابته والركنيات بل حتى البلنتيات ورميات التماس علماً ان الكور الثابته تحسم بطولات وليس مباريات احياناُ |
أنا ماراح أقول ( إشطبوا عضويتي ) أو ( أحلق شنبي ) .. أنا أقول نبي روح الهلال أيام ( سيبيريا ) بعد توفيق الله طبعاً .. وأنا راح أضمن لكم فريق يبرد الكبد .. وياكل الأخضر واليابس بحول الله .. سواء كان المفرج موجود أو غيره .. دياز إلى الآن ماله بصمه على الفريق .. يلعب بميليسي و ليو رغم أنهم من أسوء اللاعبين .. ويوجد من هو أفضل منهم .. إدواردو بمركزه الجديد مختفي تماماً .. دياز خدمته بعض النتائج ولكن المستوى زيرو .. إذا فيه لاعب ( أجنبي ) مستواه أقل من المجموعة ماهو لازم يلعب .. والخطة والتشكيلة والتكتيك ماهو قرآن .. المفترض يتغير حسب الفريق المنافس .. دياز كل المنافسين حفظوا طريقة لعبه وأسلوبه و تغييراته .. حتى اللاعبين جاهم ملل من الخطة والتكتيك اللي ما تتغير رغم إنها ماهي مناسبة للفريق .. يلعب بمهاجم واحد مهما كان الفريق المنافس ( قوي وسط ضعيف ) وإذا تأخر بالنتيجة لعب بالخريبين !! طيب كان من الأول يا كوتش ..! الله يزينها بس ! : : : |
ياشباب حيرتونا نبي الدوري وفي نفس الوقت ومانبي نخسر عضو في المنتدى ولانبي يطير شنب خوينا فارس الزمن المر الروح الانهزاميه للاسف الى عززها في الفريق هو رأس الهرم عندنا خلوكم من المفرج ماعنده غير عمل اداري فقط العله اكبر من المفرج العام الماضي يوم خسرنا من الاتحاد طلع رئيس النادي وقال شيء طبيعي نخسر من الاتحاد وقال اذا ماخسرنا من الاتحاد نخسر من مين!!!!!!!!!!!!!! عاد لاتطالبون الاعبين بشيء هذا اتوقع افضل تجهيز نفسي للهزيمه |
| الوقت المعتمد في المنتدى بتوقيت جرينتش +3.
الوقت الان » 10:32 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd