|
اين بصمه دياز !! السلام عليكم ورحمه الله وبركاته كي لا نبكي على الاطلال مستوى الزعيم لا يسر الناظرين العب من غير صانع لعب واضح وايضا اشراك كم لاعب بنفس الخانه وايضا الدخول بتشكيل سلبي دياز لا نختلف عليه كا مدرب له اسمه ولكن لا نرضى بمثل هذا المستوى ملينا كل سنه نتكلم الدوري لايروح واسيا يبي لها اجانب يصنعون الفارق ليو ثقيل ادوارد واضح اللي يبي يمشي مليسي تكمله عدد وخربين باقي ما شفنا خيره من شره ولكن ضياع فرصه مباراه اليوم انذار خطر اسيا يبي لها هداف من ربع هجمه تجي هدف دمتم بخير |
بصمة دياز هي الاستحواذ على الكره بكثره فهذا اسلوب لعب يختلف عن دونيس اللي كان يلعب بالاطراف المهم انه ليس وقت انتقاد المدرب او اللاعبين فلن تستطيع جلب مدرب او لاعبين خلال هذي الفترة فقط التشويش على الفريق للاسف |
مدربنا يخوف واجانبنا سيئين هذا العنوان الابرز مدربنا ماتدري وش خطته هل هو لعب عن طريق الاجنحه او العمق ماتدري وش يبي تخيل كم مباراه تمر وانت ماتشوف احد يصنع من العمق او احد يسدد او تمركز سليم ومباراة اليوم عك كروي بما تعنيه الكلمه من معنا والمصيبه اقتناعه في ليو الي مستواه مايأهل انه يلعب مع الفرق الصغيره ماهو الهلال لاعب بطيء لامهاره لاتسديد والمصيبه خربين احتياط له اما ادواردو حكايه لحاله فهو لاعب جبان في تدخلاته وتحس انه يلعب بدون نفس لاصناعه ولاتسجيل زي اول ولاحتى تسديد وملسي مجتهد لكن مستواه ايضآ مايأهله انه يلعب للزعيم اما خربين اول ماجا كان متحمس وكان عنده الشي الكثير وواضح ماشاءالله عليه انه فنان تحرك سرعه مهاره صناعه لكن ياخوفي يقتله دياز بالدكه وصراحه ماني متفائل ابد مع دياز لكن الشكوى لله مالنا الا الصبر والمهم الحين الدوري لازم نجيبه ولا اسيا غاسل يدي منها مع دياز والمحترفين السيئين لان اسيا يبيلها محترفين يصنعون الفرق ومدرب تكتيكي ماهو مدرب لعب اكثر من 20 مباراه ولاتدري وش خطته او تكتيكه الي يلعب عليه ! |
ما اتوقع الموسم هاذا نتعدى المرحله الأولى من بطولة آسيا ما دام المدرب هذا اسلوبه في اللعب وبعد اللاعبين مالهم بصمه في الملعب |
اتفق مع الاخوان البطء يتحمله المدرب فقبل حضوره كان الهلال يلعب مع سيبيريا برتم سريع . انخفاض مستوى ادواردو والبريك حصل بعد حضور المدرب ! الهلال يتعمد كليا على الأطراف والأطراف مهمتهم الحالية هي ترجيع الكره إلى الخلف ! ليو لاعب صندوق فقط للأسف . احلم ان ارى الهلال مثل ماكان مع سيبيريا او مع قريتس |
ادوارد من منتصف ملعب الخصم يرجع الكوره للمعيوف الخلل معروف من علي الدكه لايعرفون اين المشكله المشكله الاولي والاهم وهي نفسيه لا الرئيس ولا مدير الكره له صفه مسعر حرب تجعل اللاعب شعله من الحماس ناتجه عن مفهوم ان الهلال يدار كما الشركات الكبري كما يذكر سابقا ويتباهون فيه لذلك كل لاعب يدخل في فكره انه لاعب شو اعلامي قبل ان يكون لاعب للنادي او للشعار تحت مفهوم كم تبيع فنلتي من حقي الملايين |
تصريح دياز بعد المباراة صدمة العابد غير جاهز ويلعب ؟؟ خريبين الجاهز احتياط دياز لاعب ومدرب عالمي لا يختلف عليه اثنان ولكن ما يحدث في الزعيم مستغرب المرحلة القادمة تتطلب جهود مضاعفة من المدرب واللاعبين أسأل الله التوفيق للزعيم دائماً |
إلى متى ونحن نلقي باللوم والفشل على المدربين ؟!!! أتفق معك أن لدياز أخطائه ولكن الرجل يلعب ع إمكانيات فريقه . يارجل أنت شفت لاعبينك كيف يستقبلون الكوره وكيف يمررون وكيف يمشون فيها ؟!! قسم بالله شي مضحك ومحزن وفضيحة بنفس الوقت . قلتها للمره المليون إذا ماعندك أجانب لا تتأمل واجد , اللاعب السعودي مهما أبدع يخذلك ع طول وتروح نجوميته دشره وسعسعه وكل وقته بالعياده مرهق وهو مالعب ولا 10 مباريات ورى بعض !! هذا جيل الخذلان والفشل والتشويه لكل جماليات الهلال , أملنا بالله ثم بالأجانب وبالأخير طلعوا ما عندك أحد عدا خربين . الموسم والله مانبي منهم غير الدوري والستر بس . الموسم الجاي طرد البرازيليين الثلاثة وجلب صانع لعب وجناح ومهاجم وكل واحد يقول الزين عندي . ووراهم الفرج وكنو وعطيف وخذلك هلال غير هالكلام مكانك راوح والأيام بيننا . |
المدرب لم يأتي منذ البداية لم يعسكر مع الفريق ولم يختر الاجانب كثر الله خيره ارفع له القبعة |
دياز اذا ماحقق الدوري وهو حاليا متصدر بفارق الستة نقاط واذا ما تآهل لدور الثمانية اشوف يتعاقدون مع سيبيريا للفريق الاول شفنا كيف غير من الفريق للافضل مستوى ونتائج كبيرة يعني كنا نتابع الفريق باستمتاع الان نتابع على اعصابنا يعطيك العافية |
مشكلة دياز نفس الخطه ونفس الأسماء مستحيل يغير كل مباراه وضروفها مو لازم كل مباراه سواء مع فريق قوي او ضعيف تلعب ب3 محاور ميليسي وعبدالملك والفرج المفترض مثل المباراه القادمه مع الاتحاد ينزل عطيف لأنه يقوم بنفس ادوار ميليسي وافضل منه وعبد الملك كمحور ارتكاز مو لازم غير يبدأ بليو جرب تبدأ بياسر او عمر انا اشوف ياسر افضل لأن ياسر مهاري يلعب من لمسه يقدر يتحول كصانع لعب استلام وتسليم من افضل مايكون وهو الي ينفع للفرق الي تتكتل دفاعيا ويكون معاه عمر بالصندوق وهو خارج الصندوق مشكلتنا بعدم انهاء الهجمات ايام جيريتس كان التسجيل مسألت وقت سواء الفريق متكتل او غير متكتل لكن الان عقم هجومي |
ادواردو اخذ فرصه كامله ماعاد يقدكم شي ميليسي ماله مكان بوجود خيبري وعطيف |
المدرب كان عنده فتره انتقال وش اضاف نشوف حال الفريق افضل من الف مدرب مع كل موسم نتكلم ونتكلم ليس من فراغ مانبي الجهد يضيع |
الأهم اين بصمة الإداره ومدير الكره ؟؟؟؟؟؟؟؟؟؟؟؟؟!!!! أين التحفيز النفسي ومبدأ الثواب والعقاب ؟؟؟ بوجود المزهريه المفرج الجانب النفسي والمعنوي مفقود 100% |
أخي الكريم تفائلوا بالخير تجدوه الفريق صحيح أن مستوياته متذبذبة ويحتاج لدعم فني أكثر ولكن لا يصيبك اليأس إن شاءالله الدوري راح يكون من نصيبنا في حالة واحدة إذا لم يتم الدعم من قبل الدفع الرباعي ومحاولة إيقاف الفريق كما عمل ذلك في المواسم الأربعة الأخيرة وإلا الفريق قريب من الدوري . وأنا عندي أحساس بعد رحيل أحمد عيد والذي يتلقى توجيهات من رئيس النصر والأهلي بخصوص عدم أعطاء الهلال فرصة للحصول على الدوري وحضور رئيس جديد إن شاءالله البطولة لنا . ودعمكم ياجمهور الزعيم هو البطولة الحقيقية لا زم نرفع من معنويات اللاعبين ونقف معهم في السراء والضراء . |
الدوري عندنا يحتاج عقلية مدرب مثل سيبيريا لعب برتم سريع طوال المباراه دياز (ملك الدوري)؟؟؟ للامانه تشكيله سلبي جدا تلعب ب3 محاور امام فريق يلعب دفاع تغييراته غريبه وغير منطقيه ومتاخره ياالخلل منه يا من الاداراه لازم الاداره تنبهه انا فرق ايران تلعب ضد دفاع حتى لو ماشافاهم ادواردو لاعب تكملة عدد الحارس نص الفريق وحارسنا لا تعليق انا كنت من المؤيدين لاستمرار سيبريا فريق منظم لعب هجومي رتم سريع حماس مع دياز لعب بطيء جدا وسلبي وتحضير بطيء بطيء بطيء |
إقتباس:
المهم الدوري لا يطير |
مشكلة دياز بإختيار التشكيلة !! عمر الخريبين شكل المدرب بينهيه بتفضيل ليو الناقة عليه ! ميليسي عطيف أفضل منه .. إدواردو مستواه صفر !! لأن اللاعب يلعب في غير مركزه !! أتوقع لو المدرب يلعب بعمر رأس حربه و خلفه إدواردو بيكون أفضل .. الله يزينها ،، : : : |
انا ضد تغيير المدربين ، ولكن يجب مناقشة المدرب بشأن تشكيل خط الوسط حتى يظهر الفريق بشكل جيد . أتمنى ان يتم ابعاد ميليسي للاحتياط وتجربة الخيبري وعطيف محاور والعابد أو الفرج يسار وسالم او درويش يمين والوسط الهجومي ادواردو أو ياسر وليو أو خربين مهاجم ويكون التغيير لاعب بلاعب بنفس المركز حتى نصل للانسجام بين اللاعبين أعلم أن وجود اجانب بالاحتياط مشكلة ولكن الهلال يجب ان يفعل الصح بالموجود حتى نهاية الموسم. وجود مهاجمين وخلفهم ادواردو يضعف الفريق . وجود الفرج بالمحور يضعف الفريق . وجود ميليسي بالتشكيلة يسبب ضغط على المحور . |
إقتباس:
|
بصمة دياز تظهر بانه مدرب حبة فوق وحبة تحت عندما يواجه الفرق الضعيفة فهو حبة فوق. ومع الفرق القوية ينكشف ويصبح حبة تحت. هذا دياز باختصار |
إقتباس:
فعلا عندما يصبح المشجع الهلالي في المدرج او امام الشاشة يشاهد المبارة وهو قلق ومتوتر فعلم ان الهلال ليس بخير .. والعكس صحيح كأيام كوزمين وجيرتس ومع سيبيريا الذي اتمنى ان تفكر الادارة ملياً في اعادته للفريق الاول |
أحسنتم ياشباب ايه هذا اللي نبيه وبالذات في هذه المرحلة الحساسة والتي تتطلب تكاتف الجميع وصلنا لمرحلة الحسم ولابد أن تكثروا من هذه المواضيع المواضيع التي تنتقد المدرب واللاعبين والحارس اجلدوهم بالمنتديات وبتويتر وبكل وسائل التواصل ماعليكم من اللي يقول المرحلة تتطلب الهدوء ودعم الفريق والمرحلة حساسة واقتربنا من وقت الحصاد الذي يتطلب الهدوء وعدم توتير اللاعبين ودعمهم واشعارهم باننا معهم قلباً وقالباً اجلدوهم وتروهم اكسروا نفسياتهم وفي الملعب نرى المدرجات شبه خالية !!بالذات بالرياض اذا خسر الهلال الدوري فبربكم التفتوا لاسلوبكم ولكتاباتكم الذكي والواعي يعرف متى يقدم ومتى يحجم الواعي يعرف متى النقد ومتى تسليط الضوء على الخلل والمطالبة لاتقولوا لي أن المشجع الذي ينتقد الان الاجانب وبهذا الوقت بالذات لاتقولوا أنه لايعلم أنه مستحيل ان نسجل لاعبين جدد فلماذا يذكرهم ويبين انهم سيئين او دون المطلوب ماذا يريد ( هذا الوقت ) هو يعلم ان فترة ( التسجيل ) انتهت ! ولا يمكن تسجل لاعبين جدد فما الفائدة من ذكره لمستويات الاجانب وتكرارها منذ اشهر ؟!!!!!!!!! وش المطلوب يعني ؟؟ فعلاً صدق من قال سبب نكسات الهلال السنوات الاخيرة من جمهوره ووالله ماكذب ارى الفقراوية في تويتر بالرغم من الهزائم المخجلة التي يتعرض لها فريقهم يصورون فريقهم بانه ريال مدريد واقرأ شحنهم للاعبيهم والتغني بهم وتصويرهم انهم فايف ستار شيء يدعو للعجب نعم المدح بغير الواقع وان لم يكن يعطي الحقيقة فهو يدعم اللاعب ويريحه نفسياً ويقلل توتراته فيلعب بهدوء وبتركيز |
إقتباس:
. . . . . وإذا إنرقع بهدف تورط. . . . . . . جب قول بأي طريقة وبعدها استحوذ |
نتكلم علشان مايضيع الدوري وقت حصاد لازم دياز يلعب بتشكيل مناسب |
فريق متصدر الدوري وبفارق6 نقاظ عن اقرب منافسيه وجمهوره يهاجمه وينتقده هههههههه فعلا من اهم أسباب نكبة الهلال في السنوات الأخيرة بعض جمهوره.. نعم الفريق عليه أخطاء..الادارة يجب ان تناقش المدرب بهدوء...ولكن المطلوب منا كجمهور هو الدعم الان..امورنا بخير ان شاء الله...ادعموا فريقكم لا تكسروا مجاديفهم ولا تخذلوهم...انا متاكد من وجود طوابير من المندسين تستغل هذه المواضيع لبث روح الانهزامية...ادعموا الفريق ارفعوا من معنوياته..امامنا 7 نهائيات بالدوري يجب تحقيقها كلها بتوفيق الله ثم دعمكم |
الله يعطيك العافية وبالتوفيق للهلال الزعيم الملكي |
الاعبين ماهم محتاجين دعم ملايين تدخل ارصدتهم الشقى والله على الجمهور وتبينا نسكت ولا نتكلم كل سنه نتكلم ويروح الدوري بين يدينا ونرجع ندعم ما اقول الا الله يوفق الزعيم |
بصمة (دياز) راحت في التطعيس والدلع إللي مال أبوه داعي مع ها الأجانب ....حنّا السبب وحنّا من دهور هؤلاء الأجانب .. الأجانب عاملهم بعقود صارمة وأترك الهياط والبراري عنك . |
البصمة ... راحت بعد أول خمس مباريات له مع الهلال بعد مباراة الاتحاد المشكلة أن المدرب ... ضيع مواقع اللاعبين |
الله يسهل الامور للزعيم الملكي |
| الوقت المعتمد في المنتدى بتوقيت جرينتش +3.
الوقت الان » 09:29 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd