قل له يقول لك ابو محمد درب يسد مايرد انا مشجع من السبعينات واعرف من يفيد ومن لايفيد هذا خلاص تبحث عن روح مافيه قلبه مع الملايين الان

ياحبي لابو عزوز جاي من القادسيه وفضل الهلال ع شيكات مفتوحه

وهذا من صنعه الهلال ومن سانده جمهور الهلال ومن طالب باشراكه جمهور الهلال وانا اولهم ولاهو راضي بعرض اعلى سقف ...درب يسد مايرد

( غذ جريك ياكلك )

(نرى بنيته ضعيفه ومعرض للكسر باي لحظه حق الاتفاق بنيته رياضيه يستاهل من يدفع فيه)

- الأخوة: (عاشق أبدوي، اسيرالماضي، زمن نواف، كريزي، abubadr98، Abu Mish3L، وaommasi) ألف شكر لدعم هذه الرسالة،، مشكلة سلمان مايبي تطلع الكوره من رجله كيف ما اتفق لا لازم تكون بداية لهجمة وتسلم صح، وعشان كذا وبحكم مركزه تكون بعض اخطاءه قاتله .. أتمنى منه فقط أن يفرق إذا لعب في المحور كساتر قبل الدفاع وإذا لعب محور ثاني متقدم .. وبعدها ما راح نشوف هذه الأخطاء تتكرر إن شاء الله ..



- الأخ mxo .. كنت أتمنى تعرف أنه رسالة تعبر عن رأيي الشخصي بتجاه شخص أخر .. أحترم رأيك كما اتمنى ان تحترم رأيي.



- الأخ عـ الهلالي ـبادي .. اتفق معك بكل ما قلت .. ولو رجعنا للأرقام لأي لاعب يمثل شخصية ولعب سلمان راح نلاقي الأرقام لصالح سلمان .. مشكلة سلمان أنه يقارن بلاعبي المحور الخلفي رغم انها مهب خانته .. خلنا نتفق أولاً بأي خانة نقيم سلمان ثم نستعرض الأرقام ..



- الأخ اول اطيافي .. لو رجعت للأرقم فعليا بعيد عن نقل الغير بتلقاها أفضل مما وصفت



- الأخ docap .. لو سلمان يبي يروح للفلوس فقط كان راح للأهلي من الأول كلاعب هاوي وحط بجيبه 10 مليون دون ما يستفيد الهلال ريال واحد ... لاحظ أنه اي فريق بيروح له سلمان كمحترف لازم يدفع للهلال 12 ميلون كبدل تدريب !!..



- الأخ hilalicanada وسلمان يلعب لحاله حتى تحمله عقاب غياب الخمس سنوات ... ومدري وش دخل يوسف الثنيان بالموضوع يوسف أفضل لاعب ولن يتكرر ولو بعد مية سنة .. لكن الحمد لله الهلال ولاد بالنجوم اللي ما تقارن بيوسف لكن تستحق الفخر .. هذا أولاً

ثانياً .. هي رسالة مني شخصياً وجهتها لسلمان الفرج ولا اعتقد ان هذا اسمك فإذا ما عجبتك الرسالة تقدر تتخطها أو تكتب موضوع جديد وقل فيه اللي تبي .. موضوعي واضح هي رساله مني لسلمان تفتحها مدري ليش!! والحمد لله على اي حال وكل حال



- الأخ جحفل117 .. ردي في ثانياً على الأخ هلالي كندا أوجه لك أيضا واضيف عليها ثالثاً ألفاظك واستشهاداتك ليتك تحتفظ بها لنفسك ولسبعيناتك




أخيراً قد نتفق وقد نختلف على سلمان .. لكن الأكيد سلمان أفضل لاعب سعودي موجود حالياً ،، ضع ما يثار عنه من "مستصحفين" وأحاديثهم وتلميحاتهم الغابرة عنه وما يقال في الوسائل الاجتماعية من ردود وغيره.. وفكر بعقلك أنت وحكم ضميرك وبعدها ستعرف ما أقصد .. وكم كنت أتمنى من بعض الأخوة اللي ما عجبتهم الرسالة يتريثون شوي ويقرون الرسالة وعنوانه مره ومرتين وثلاث (إلى الغالي سلمان الفرج من القلب إلى القلب) .. أنا وجهة رسالة مني "أنا" تعبر عني شخصياً وأي شخص أخر يتفق مع محتوها ونرسلها لشخص باسمه .. فالأمر بسيط والأمور تساهيل الرسالة اللي ما تعجبك وما تخصك بإمكان تجاهلها وكأنك ماشفته اصلا ..



تحياتي للجميع