ليش العابد البارح كل ماضاع فرصه مات ضحك، مايعرف ان هذا الضحك يؤثر على زملائه ويهبط من جدية اللعب.لانختلف على موهبة نواف العابد ولاكن لازم يعرف انه قدوه لزملائه .اللاعب اذا ضيع الفرصه ،عليه الندم والسعي للتعويض وتحميس الفريق للجديه في اللعب.نسأل الله التوفيق للجميع.

الضحك انواع
1/ ضحكه المتعجب
2/ ضحكه المندهش
3/ ضحكه الغاضب
4/ ضحكه المتاسف على ضياع شي
اتوقع ضحك العابد من النوع الرابع

العابد ماعرفله إلا سامي الجابر يوم حوله للاولمبي وكفى

مع التحية والتقدير للجميع ...
أرى ان الوضع طبيعي ينم عن اعداد نفسي جيد لمباراة الامس ولو لاحظنا ان الروح والقتالية طغت على اداء اللاعبين وهو ما كان ينقص الهلال في المباريات الماضية ضحكات نواف دليل ارتياحة وثقته بنفسه وزملائه كما لاحظنا القادم الجديد عمر خربين كان حريصاً على رفع الروح المعنوية لزملاءه كما حصل اكثر من مره مع سالم الدوسري اثناء اضاعته للفرص وهذا يظهر وجود نزعة قيادية لدى اللاعب سوف يكون لها اثر جيد على رفاقه في منطقة الهجوم ..

قالوا في المثل
شر البلية مايضحك
الامر لايعدوا كونه لزمه
البعض يعصب والبعض يبتسم والبعض يكسر شيء وهناك من يبكي وهكذا

نوغ من التبرير ولسان حاله يقول كيف ضاعت تراها سهلة
ومن حيث لايدري تراها ترفع الضغط زيادة على اضاعة الفرصة السهلة

أتوقع إن العابد شوي زودها أمس صحيح لكن أهم شيء إنها ما أثرت سلبياً عليه أو على الفريق وشفناه يقاتل على كل كورة عجبني هو وسالم وأتمنى يستمرون على كذا كل مباراة.

الله اكبر مافيه مواضيع غير ضحكة العابد هذا موضوع بالله عجبي

بالعكس ضحكات العابد ضحكات من القياده
وضحكه يميل للاسف والغضب مو شرط يضحك على شي معين ومع الاسف لك ي صاحب الموضوع موضوعك مو وقته ابد وتدقيقك على شي تافهه صراحه لان العابد يلعب بتركيزه ورجله مو ب ضحكاته
وبعدين مو ضحكات بالي تقصدها كهكهه هذي ابتسامه وعاديه الرسول عليه الصلاة والسلام اوصى ب الابتسامه وقال انها صدقه ،
الحمدلله شعب مدري كيف تفكيره !!

ومسجل من 2005 ومشاركاتك 75 ؟ وجاي تعاتب بالمنتدى

الله يصلح الحال بس واشره على المشرفين الي نزلو موضوعك

لان اخر واحد ينقال عنه العابد لانه من المبدعين وشايلين الفريق ،؟

هذي تعابير نفسية طبيعية جدا و كل إنسان جبله الله على طبع معين و الابتسامة عند وجود الأخطاء وحتى الضحك مجرد تعابير لا شعورية تصدر من الشخص بتلقائية ولا أتوقع له أي مردود سلبي على اللاعب و زملائه.

يضحك ويتمخطر ويسوي اللي يبيه دام يعطي كل اللي عنده
وش حادك على ضحكته!؟

شرر البليه ما يضحك موضوع تافه وسخيف

بالنسبه للضحك عادي مافيها شي

بس البلا السهر والغياب عن التمارين

اه لو ينضبط العابد والله لاتشوف شي فالملعب ماشفته بحياتك

شكلك مضغووط من ابتسامة نواف
وقالط معنا بالمنتدى
اضحك ودندن يانواف على كيفك وعلمهم الفن الكروي
ياجعل الابتسامة دوووم وفالك الدوري باذن الله
ترى سالم ونواف وخريبين وكل ابطال الزعيم رعب في رعب
ومن خلفهم اسد الحراسة المعيوف
شكرا للادارة في رفع معنويات اللاعبين وحماسهم وشد هممهم للضرب بكل قوة في جميع المباريات

كريستيانو إذا ضاعت منه فرصة يبتسم ..
ميسي كذلك .. ولاعبين أكبر من مستوانا سووها ولا فيه
أحد شكك في الأسباب اللي خلتهم يبتسمون !!
لكن بما أنك مدقق و مركز في أسنان العابد لهالدرجة ..
تقدر تحدد لي نوع معجون الأسنان .. والفرشاة اللي يستخدمها ..؟؟
ملاحظتك تشكر عليها .. ووصلت للعابد .. ووعدنا إعتباراً من مباراة
القادسية الجاية إنه راح يبكي مع كل فرصة ضايعة منه .. علشان يثبت
لنا إنه يحب الفريق .. وعلشان يحمس زملاءه اللاعبين .. !


: : :