المتابع والمشجع البسيط لخط سير مفاوضات
الادارة الهلالية مع سلمان الفرج يتصور ان سلمان هو ياسر في عز مجده او الشلهوب في عز شبابه او محمد الدعيع وهو يتربع على عرش اسيا. نعم الفرج نجم ولكن عطاؤه في السنتين الأخيرة لايوازي الهالة الاعلامية لمفاوضاته وهذا الشي يرجع لسببين اولهما زعزعة الفريق وثانيهما الصغط على الادارة الهلالية جماهيريا من اجل التجديد معه .
وفي كلا الحالتين الخاسر هو الهلال ولكم في هياط الاتحاد عبرة .

عجبا من امر الفرج ووكيلة 7 مليون ويرفض
وفي الجهة المقابلة ادارة النصر ترفض اعطاء عوض خميس 3 مليون وهو في عطاؤه الايجابي في مركز المحور يتفوق روحا وتفانيا على الفرج وبمراحل.
لنتذكر ان الهلال حقق البطولات بخط وسط مقاتل من شاكلة خميس امثال المسعري وعزيز والموينع وابو اثنين والعويران. لاعبين يطلق عليهم الجندي المجهول.
سلمان الفرج لا مستواه يوازي 7مليون ولا الوضع الاقتصادي للأندية يسمح بدفع هذا المبلغ الصخم.
كلنا كهلاليين مقدرين دور الادارة واعضاء الشرف في الحرص على الحفاظ على نجوم الهلال . ولكن اذا وصل الحال الى ابتزاز الفريق
فإننا نقول ابواب النادي مفتوحة على مصرعيها
فبنصف عقد هذا اللاعب نستطيع التعاقد مع 3 نجوم شباب يخدمون الفريق .وكلنا رأينا نجوم الطائي ووج والقيصومه كيف احرجوا نجوم الملااايين.
اتمنى من الادارة الهلالية حسم جميع الملفات وبسرعة حتى تحافظ على استقرار الفريق في الفترة الصعبة المقبلة.

صحيح السوق عرض وطلب وايضا من حق الهلال تقديم عرضه ومن حق الفرج تقديم مطالبه ويكون هناك نقطة إلتقاء وإذا لم يرغب الهلال فيجب أن يقال له مع السلامه ايا كان مستواه وايا كان المبلغ المعروض ومع ذلك الفرج لا يقارن بخميس كمستوى إذا كان النصر عرض على خميس 2.4 مليون فهو يعلم ان لاعبيه جميعهم مستوياتهم ضعيفه ولا يستحقون مبالغ كبيرة بينما لاعبي الهلال نجوم يستحقون أضعاف قيمة لاعبي النصر !

انا اقولكم كله بختصار ليه الفرج يماطل بالتوقيع ؟ اول شي احتمال ان فيه نادي حاشي راسه على الفريق ومكبر راسه والناس هذولا ياما نصبو علينا حنا يالناس الي ماحنا شين وشلون عاد لاعب له وهج اعلامي ومكانه بالمجتمع هنا تبدا الاعابهم واحتيالاتهم بالنصب والاحتيال والشي الثاني ادارة الهلال فيها ضعف وقل خبره او نقول قل تصرف لانه هذا هو الواضح فيجب على الاداره الهلاليه ان تضع كل شخص بمكانه الطبيعي وان لا ترضخ لاسم الاعب مهما كان وحصل زي مايقول المثل الشهير( تبان اليالي من عصاريها ) واضح منهو الاعب الي براسه حب مانطحن عن الاعب الي همه الاول والاخير شعار فريقه الي قدره وبرزه على الساحه الرياضيه ومادام العرق طيب ومعدنه غالي من الطبيعي رد المعروف لاهل المعروف ومحاولة رد الجميل لاهل الجميل اما الاعب الي مانطحن الحب الي براسه هنا عاد لازم ينطحن من البدايه قبل لايتدلع ويشوف نفيسته مثلا عندك سلمان الفرج هذا عقليته عقلية وغد والوغد من البدايه لاتعطيه وجه عشان مايتمرد عليك ويبلشك بس له مناقز ولجه ولابه فايده مثل سلمان انا شخصيا لا ارا ولا واحد بالميه به من صفات القائد المحنك لاعب طايش ومراهق وشايفن رويحته هو وجهه مثل وجه متعب تجيك الاداره تقيد له الكبتنيه على كتفه كذا اكيد انه يبي يشوف روحه عليك لانه لايستحق انك تعطيه القياده فيبدا التناقض بين الجماهير والاداره . تجيك الجماهير تلعن وتشتم والاداره تقول ماعليك انت البطل الي مامثلك احد لانه بعتقاده انه تبي تضبط معه عند انتهاء العقد بسهوله ويجدد من دون مزايدات لاكن يصير العكس و يدخل في نفس الضعيف الجبان انه قوي وشجاع فيحاول الانتقام ويبدا بالمزايده حتى يلعب مع فريق خصم ويحاول انه يرد على جماهير فريقه السابق مثل لاعب الشباب العويس الخطاء من الاداره حاولة كتم بلفه وجلسته احتياط والتناقض يجي من المنتخب والعب به اساسي هنا الاعب يدخل في نفسه انه البطل الي مايوازيه احد هنا يدخل فيه نفسه الانتقام وانا اوريكم لاكن الوعد مهو هالحين الوعد بالطلعه . بكذا حليت مشكله بمشكله وتلولس السيم على كفرت سيارتك عاد تعالي يالاداره فكي السيم من الكفره كذا هي الاداره الفاهمه والاداره الي تجري من تحتها المياه ولاتسمع لها صوتا اما سالم الدوسري فالواضح انه مقتنع وراضي بالتجديد واحييه على طناخته و طيبت راسه واطيب تحيه معطره بالريحان لولد زايد لاكن اتمنا اذا جدد ان يهتم بنفسه ويطور من مستواه ويهتم بالعب الجماعي ويبتعد عن الفرديه وان شاء الله كل لاعب يلعب لشعار ان يقدر وينحط على الراس .. من الاداره والجماهير اعطيك مثال اخير على كل هذا واقرب مثال قريب لكل واحد خويك الي تمشي معه خلال فتره وجيزه تعرف وش وراه وش دونه اما خوي ينشد به الضهر ولا تسرحه مع الغنم مهو عاد لاعب متنح عندي كل وقت معقوله ماعرفه وضعه ولاعندي احد يسرب لي معلومات عنه مادام الدنيا ماستوت زبن نهاية كلامي الاداره هي المسوؤله عن كل مايحصل من ابجابيات او سلبيات انتهى

الوقت الحالي يجب ان ننسى الاسماء والشو الاعلامي
ونبحث عن العطاء داخل الملعب.
ونستثمر ملايين النادي في صفقات اجنبية على مستوى عالي.

يا إدارة الهلال لكم منا الشكر والتقدير قدمتم العرض المناسب لسلمان الفرج وزيادة إذا قبل أهلاً وسهلاً وإذا رفض الله يسهل له ونحن نردد { خله لعله لعل الليالي توعيه }

وبالتوفيق للزعيم الملكي
شــــــــــعارنا دائماً
( يدا بيد من أجل الزعيم )
اللهم وفق الهلال فوق كل ارض وتحت كل سماء

الله يعطيك العافية
وبالتوفيق للهلال الزعيم الملكي

للمرة الثانيه اقولها سلمان ووكيلة استقلوا تاخر الادارة بالمفاوضات اذا كنتوا تبونه الاستمرار مع الفريق فاوضه قبل سنتين
وخلال سنة ما وقع بالمبلغ اللى تبيه الادارة السنة الثانية اعرضه للبيع واستفاد من بيع عقده
اللاعب هو الان مسيطر او بالأصح وكيله اللى مسيطر على النادى ويتحكم بالمبلغ

اتفق معاك تماما

لكن على ادارة الهلال التفكير بذكاء اكثر اي لاعب قرب ينتهي عقده المفروض ما تخليه يفكر وتحطه امام خيارين اما التجديد او عرضه للانتقال

كذا ان جدد زين ما يبي يجدد اخذت كم مليون من وراه هوساوي والفريدي ذهبوا بالمجان لانهم ماطلوا عشان يتفقون من ورا الادارة ويوقعون

القهر رجعوا وجابوا هوساوي بعد اللي صار وليت مستواه يشفع له

يعطيك العافية

إقتباس الرسالة الأصلية كتبت بواسطة هلاليه زي القمر اتفق معاك تماما لكن على ادارة الهلال التفكير بذكاء اكثر اي لاعب قرب ينتهي عقده المفروض ما تخليه يفكر وتحطه امام خيارين اما التجديد او عرضه للانتقال كذا ان جدد زين ما يبي يجدد اخذت كم مليون من وراه هوساوي والفريدي ذهبوا بالمجان لانهم ماطلوا عشان يتفقون من ورا الادارة ويوقعون القهر رجعوا وجابوا هوساوي بعد اللي صار وليت مستواه يشفع له يعطيك العافية

مع إحترامي لوجهة نظرك ..
لا يوجد مدافع سعودي ( قلب دفاع ) أفضل من هوساوي ..

: : :

والله سبعة مليون كثيرة على الفرج ،،،، ولكن هناك اخبار موثقة بان الفرج سيوقع مع الهلال ب ثمانية مليون

ليه 7 مليون بالسنه؟

جايب آسيا هو؟

بالعكس فشلنا بآسيا ولقمنا اهداف بسبته مربوش وصدق عمره

الهلال أعطى سلمان 7 ملايين وهي كثيرة عليه ،،إذا ماوافق عليها أتحداه يحصل نادي يدفع له أكثر من 5 ملايين!!

مانبي الفرج لو ببلاش اكثر لاعب نكب الفريق واكثر لاعب تنقطع الكوره منه وهدف

سلمان الفرج انتهى قبل سنتين، ولم يعد اللاعب النجم، حيث يفتقد لمهارة التمرير الصحيح، إضافة إلى اخطاءه الظاهرة التي تكلف الفريق بطولات.
هناك الكثير من اللاعبين يتمنى اللعب في نادي الهلال حيث الشهرة والبيئة المناسبة للابداع.