|
يابجاحتك يا وليد الفراج العب بعيد عن الهلال ماله شغل بالاتحاد مشكلة اتحادية بحته في تلاعبة بحقوق المحترفين والمماطله في تسديد الديون , شكاوي المحترفين الاجانب بالجملة للفيفا لاسترجاع حقوقهم الفيفا يطالب الاتحاديين بسرعة التسديد او العقوبه بخصم نقاط او تهبيط الفريق والاتحاديين قاعدين يماطلون ويقصدون المبلغ وهذي مشكلتهم وحدهم لكن وليد الفراج جعلها قضية رياضية عامة فيها اطراف خارجية متسببة في ضياع ثلاث نقاط من فريق الاتحاد وتلميحاته اظهرت خبثه المعتاد في الزج بالهلال في دوامة مشاكل الاندية بالتشبية الكاذب والتجني على الهلال وذلك عند مداخلة طلال الشيخ , قال ليه ما فزعوا للاتحاد بالستديد له مثل ما سددو عن النصر والهلال والاهلي متى كان غير الهلاليين يسددون عنه ويحلون مشاكله مع الفيفا اذا وجدت !!! قضية الهلال الاخيرة كسبها وغيرها الهلالين لا يتركون قضاياهم معلقه يبادرون في حلها ولا ينتظرون فزعة احد , اصلا من يفزع لهم وكلهم تكتل ضده تاريخ اتحاد الكره مع الهلال هو عرقلة الهلال وتعطيل لاعبيه بحجة معسكر المنتخب وجداول المباريات وحشر مشاركاته الخارجية مع المحلية وغيرها من استقصاد الهلال بطبيق العقوبات عليه من لجانه بصرامة مع تجاهل تطبيق العقوبات مع الاندية الاخرى من ايام كميرا الدهام الخفية التى لا ترصد الا الهلاليين بعد مباراة الهلال وتعادل النصر معه قام يرزح ويدق سامري وليد مسترجع ماضيه في الفنون الشعبية بالدمام مرشحا الاتحاد للصدارة رغم ان الاتحاد لم يلعب بعد مباراته مع الفتح تلزق الفراج بالاتحاد من سنوات بعد طرد النصراويين له رغم انه يوافقهم بالميول لكن النصراويين يستخدمون من يجيهم لمصلحتهم وابتزازه واذا انتهوا منه شاتوه رغم ميولهم المتوافقه وغير مكترثين له الفراج تبناه صالح كامل وابنه وصار خيرهم عليه كبير واصبح متعاطف مع الاتحاد ميال له ومدافع عنه ولم يتوقف عند هذا الحد بل جعل من الهلال خصم يحاربه بشتى الوسائل في برامجه سوى يقوم هو بعمل المحاربة شخصيا او عن طريق ضيوفة وتطلع ريحة الفراج عندما يصبح الاتحاد منافس للهلال مدام الاتحاد ينافس الهلال على الصدارة سنسمع من الفراج وزبانيته العجب والتحريض على الهلال في برنامجه المشبوه وليد الهراج في نهاية برنامجه يقول ( الاتحاد في الملعب يغلبك في المدرج يغلبك لكن في المكاتب ما يقدرعليها ) صدمة عنيفه خلته يهذري ... و ( ما يهذري المهذري الا من حر السخونه ) |
شوف ياغالي وليد والله ماعليه من نصر ولا هلال ولا اتحاد ولا غيره وانه متحامل ومادري وش ومن هالكلام المستهلك وليد الفراج ياغالي همه الاول والاخير الماده الاعلاميه اللي تجيب له مشاهدين اللي بدوره راح يكثر عدد المشاهدين وراح يزيد نسبة الإعلانات ع البرنامج ورعاتها ويدر دخل للقناه وبالتالي راح يزيد نسبة راتبه وارباحه من البرنامج لان له نسبه فيها عشان كذا تلقاه مره يشرق ومره يغرب ويميل ع هذا ويروح لذاك لخلق اي ماده اعلاميه تثير المشاهد وتجذب البقيه باختصار هذا وليد الفراج وسياسته |
إقتباس:
اذا معجبك في طرحة وتلاعبه بالالفاظ هذا شانك انا ما يهمني الا الهلال ولا يهمني الفراج وبرنامجه وربحة او خسارته لكن مو على حساب اسم الهلال وسمعته كم مره سبب مشكله للهلال في برنامجه ترى طرحت موضوع عن الفراج الموسم الماضي وتم حذفه مصيبة اذا مشرفين او حتى ادارة الموقع محتويهم الفراج عزيزي بلاش مجاملات لشخص تاريخة معروف مع الهلال فلنجعل مصلحة الهلال فوق مصلحة اي شخص او اي علاقه شخصية لابد من تعرية من يتعرض للهلال |
الشاكي النادي الأهلي المشتكى نادي الاتحاد القضية مانسو القاضي الفيفا البكاية النصراوية المتهم الهلال ما عليك من الفراج فهو نصراوي بالوراثة اتفاقي بالمنشأ والولادة اتحادي بالمصلحة الخاصة |
جمهور ازرق اصبت الهدف .. يسلم فمك هذا وليد وضيف عليه ملحن وفنان سابق بس ما نجح المشروع |
إقتباس:
انا ماني معجب فيه ولا في طرحه نهائي انا بقولك عن سياسية الفراج في اثارة الرأي العام وانا اعرف وليد زين اذا بنحسبها بوجهة نظرك وليد اشتغل ع كل الانديه وهذا الحاصل واالب الجماهير ماخذين وجهك نظرك عشان كذا تلقى اللي يقولون وليد مطبل للهلال وليد اتحادي وفرحان بصدارته وليد نصراوي وليد اتفاقي ووووو وكلن يغني ع ليلاه ترا قبل كذا كم مره قصف جبهات النصراويه والاهلاويه وووو ومن ضمنهم الهلال ومدح الهلال كثير وهاجم الهلال كثير وجهة نظري حبيت تاخدها خذها ماتبي براحتك ماحد جابرك تاخذ شي مني هذي سياسية الفراج البحث عن الماده عن طريق الإثارة الاعلاميه وهدفه واضح وجلي للي يشوف ويركز ويحكم بالعقل مو بالعاطفه وسلامتك |
صحيح ان هم الفراج الاول هو الاثارة الاعلامية لكن من ملاحظتي له خلال سنوات فهو يميل للاتحاد بشكل واضح ويتعاطف معه بشكل كبير قد لا يكون اتحادي الهوى وقد يكون اتحادي صميم لكن ماهو مؤكد هو محاباته وتضخييم انجازات الاتحاد والفرحة المبالغة فيها البعيدة عن مجرد البهرجة الاعلامية وكسب ود الجماهير..!! |
إقتباس:
عزيزي حنا ما يهمنا سياسته حنا يهمنا كا هلاليين تعامله مع الهلال والمهنية في الطرح وحفظ حقوق الهلال كلامي عن الفراج ماهي وجهة نظر كتبتها من واقع حلقة برنامج عابرة , كلامي مبني على سنوات متابعة لطرحة فيما يخص الهلال كلام حديثين العهد بالفراج طبيعي ما يعرفون ميوله ويلخمهم ويشتتهم ويطلع تغريداتهم ( شوفوني محد يعرف ميولي) لكن مهما دس راسة بالرمل بالنسبة لي وكثير من الهلاليين مكشوف ومفضوح اما قولك قصف جبهات ( النصراويه والاهلاويه وووو ومن ضمنهم الهلال ) انت جبت الزبده اما النصراويه بعد طردهم له حاول يحط راسة براس كبار النصراويين وادبوه ورفع عليهم قضية ويحاول يغيضهم في برنامجه بداعي الانتقام واعتدي عليه في جده اما الاهلاوية فشي طبيعي بحمكم محباته للاتحاد اصحاب الفضل عليه اما الهلال فحدث ولا حرج اشتغلهم شغل طوال سنواته في برنامجه ايام اي ار تي وسبورت واكشن ومستمر في غيه وتبجحه مدحة للهلال يعتبر مذمة لذر الرماد في عيون الهلاليين اما الاتحاد انت ما جبت طاريه وهذا عتراف منك بدون ماتدري وهذا عنوان موضوعي واللي الفراج يحشر الهلال في امور لا علاقة له بها واستغلال الاحداث لزج الهلال بها واشغال جمهور الاتحاد عن مشاكل الاتحاد الاساسية في اداراته واعضاء شرفه الديون المتراكمة اخوي انا احكم بالعقل مو بالعاطفه لو العاطفه هي اللي تحركني كان شفت مواضيعي عشرة الاف بالمنتدى وين اهل العقول من انتقاء الحكام المحليين والاجانب وكتبت عنهم في موضوعي السابق قبل مباراة النصر وشفنا العجب من الحكم وين العقول من البرامج الرياضية اللي تصلخ في الهلال ليل نهار تشكك في بطولاته ومنجزاته ولاعبيه وين العقول من المؤامرات التي تحاك ضد الهلال في اروقة اتحاد الكرة هذي المواضيع اللي مفروض تطرح وتناقش وتفضح اصحاب المسلك التدميري وتوعية جمهور الهلال المخدر برنامج وليد الفراج وتركي العجمة وبتال القوس وقناة 24 والقناة الرياضية السعودية , تخطيط محكم مكتف الهلال اعلاميا ليقينهم بقوة الهلال الجماهرية وكبت الصوت الهلال قدر المستطاع حتى الهلاليين لم يستطيعوا فتح قناة خاصة فيهم لقوة التسلط عليهم لعلمهم ان قناة الهلال كافية لحرق مخططاتهم وبرامجهم قناة الهلال ولو ترى النور لاحرقت جميع برامجهم واصبح مصيرها مصير قناة الرياضة السعودية المهمشة لكن كثير من العقول في المنتدى منشغله بشيلة رئيس او مدرب او لاعب او اداري مو شرط من يطرح تلك المواضيع هلالي المنتدى ملي بالمندسين واصبح هدم الهلال من الداخل والخارج |
والله كلامك كله تمام مايدفعون التزاماتهم واخرتها المذنب الاول والاخير الهلال وفي الاخير راح يحلون مسألة الاتحاد كله عشان الهلال لايتصدر زي تزييف رخص الاسيوية للطحالب والنصر المفروض حرمان لهم من اللعب في اسيا لكن الطبطبه ما زالت مستمرة الين يجي يوم يوقفون الانشطة السعودية باكملها عشان يعرفون كيف يتخطون الانظمة والخاسر الوحيد ان حدث هالشي الملكي يعطيك العافية |
الاتحاديه يقولون اتحاد عيد يعمل ضدهم وهذا المقصود بكلمة المكاتب أما الهلال اذا احد قال الهلال متسبب فنقول (الهلال يتحكم بالفيفا والاتحاد السعودي باقي فترة ونسلم خولة رئاسة النصر وبعدها نطرد عيد ونحط المعمر) والزعلان يشرب من البحر |
إقتباس:
إقتباس:
ترى مايقصدون الهلال يمكن يقصدون الهلال البحري بجدة |
إقتباس:
|
إقتباس:
|
الذي يبحث عن المكسب .. بالتأكيد سيتكلم عن الهلال .. ولكن الاعجب من يروج لمن يتكلم عن الهلال ... فهو يفعل مايريده الاول بالضبط متى سيهتم الهلاليٌون بالهلال و كفى ... دعوهم يقٌولو ما يقوٌلون .... املاً في إيقاف انتصارات الموج الأزرق الهائج ... هم خائفون بشكل كبير من الهلال هذا الموسم لا احد يستطيع مقارعته ... دعوهم ينفسو عن مآ في قلوبهم و لنسير بالهلال نحو المجد و الانتصارات ... بارك الله فيك |
لا الله يرضى عليك يا يا ابني .....الفراج يدافع عن الهلال ...يقول الهلال ماله شغل بالقضيه ...كثر الله خيره دائما يوضح الحقائق ويدحض ادغاءالت الفقراويه التي يتهمون فيها الهلال |
| الوقت المعتمد في المنتدى بتوقيت جرينتش +3.
الوقت الان » 06:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd