| إقتباس | | | | |
الرسالة الأصلية كتبت بواسطة الحوت الازرق999 | | | | | | | |
حبيبي انت شكلك فاهم كلامي غلط
انا ماني معجب فيه ولا في طرحه نهائي
انا بقولك عن سياسية الفراج في اثارة الرأي العام وانا اعرف وليد زين
اذا بنحسبها بوجهة نظرك وليد اشتغل ع كل الانديه وهذا الحاصل واالب الجماهير ماخذين وجهك نظرك
عشان كذا تلقى اللي يقولون وليد مطبل للهلال وليد اتحادي وفرحان بصدارته وليد نصراوي وليد اتفاقي ووووو وكلن يغني ع ليلاه
ترا قبل كذا كم مره قصف جبهات النصراويه والاهلاويه وووو ومن ضمنهم الهلال
ومدح الهلال كثير وهاجم الهلال كثير
وجهة نظري حبيت تاخدها خذها ماتبي براحتك ماحد جابرك تاخذ شي مني
هذي سياسية الفراج البحث عن الماده عن طريق الإثارة الاعلاميه وهدفه واضح وجلي للي يشوف ويركز ويحكم بالعقل مو بالعاطفه
وسلامتك | | | | | |
وانت سالم
عزيزي حنا ما يهمنا سياسته حنا يهمنا كا هلاليين تعامله مع الهلال والمهنية في الطرح وحفظ حقوق الهلال
كلامي عن الفراج ماهي وجهة نظر كتبتها من واقع حلقة برنامج عابرة , كلامي مبني على سنوات متابعة لطرحة فيما يخص الهلال
كلام حديثين العهد بالفراج طبيعي ما يعرفون ميوله ويلخمهم ويشتتهم ويطلع تغريداتهم ( شوفوني محد يعرف ميولي) لكن مهما دس راسة بالرمل بالنسبة لي وكثير من الهلاليين مكشوف ومفضوح
اما قولك قصف جبهات ( النصراويه والاهلاويه وووو ومن ضمنهم الهلال ) انت جبت الزبده
اما النصراويه بعد طردهم له حاول يحط راسة براس كبار النصراويين وادبوه ورفع عليهم قضية ويحاول يغيضهم في برنامجه بداعي الانتقام واعتدي عليه في جده
اما الاهلاوية فشي طبيعي بحمكم محباته للاتحاد اصحاب الفضل عليه
اما الهلال فحدث ولا حرج اشتغلهم شغل طوال سنواته في برنامجه ايام اي ار تي وسبورت واكشن ومستمر في غيه وتبجحه
مدحة للهلال يعتبر مذمة لذر الرماد في عيون الهلاليين
اما الاتحاد انت ما جبت طاريه وهذا عتراف منك بدون ماتدري وهذا عنوان موضوعي واللي الفراج يحشر الهلال في امور لا علاقة له بها واستغلال الاحداث لزج الهلال بها واشغال جمهور الاتحاد عن مشاكل الاتحاد الاساسية في اداراته واعضاء شرفه الديون المتراكمة
اخوي انا احكم بالعقل مو بالعاطفه لو العاطفه هي اللي تحركني كان شفت مواضيعي عشرة الاف بالمنتدى
وين اهل العقول من انتقاء الحكام المحليين والاجانب وكتبت عنهم في موضوعي السابق قبل مباراة النصر وشفنا العجب من الحكم
وين العقول من البرامج الرياضية اللي تصلخ في الهلال ليل نهار تشكك في بطولاته ومنجزاته ولاعبيه
وين العقول من المؤامرات التي تحاك ضد الهلال في اروقة اتحاد الكرة
هذي المواضيع اللي مفروض تطرح وتناقش وتفضح اصحاب المسلك التدميري وتوعية جمهور الهلال المخدر برنامج وليد الفراج وتركي العجمة وبتال القوس وقناة 24 والقناة الرياضية السعودية , تخطيط محكم مكتف الهلال اعلاميا ليقينهم بقوة الهلال الجماهرية وكبت الصوت الهلال قدر المستطاع حتى الهلاليين لم يستطيعوا فتح قناة خاصة فيهم لقوة التسلط عليهم لعلمهم ان قناة الهلال كافية لحرق مخططاتهم وبرامجهم
قناة الهلال ولو ترى النور لاحرقت جميع برامجهم واصبح مصيرها مصير قناة الرياضة السعودية المهمشة
لكن كثير من العقول في المنتدى منشغله بشيلة رئيس او مدرب او لاعب او اداري مو شرط من يطرح تلك المواضيع هلالي المنتدى ملي بالمندسين واصبح هدم الهلال من الداخل والخارج