تركت متابعه النت للانشغال بالاجازه الصيفيه وصجه العروس وزحمتها وكل يوم قاط لك يا ذبيحه والا ثلاثميه والا خمسميه لصار خويك والا ولد عمك ....










المهم هالبربره اللي فوق مالها داعي لكن هذا تبرير لابتعادي عن شبكه الزعيم (( محدن درى عنك يارجال )) المهم اليوم خشيت للشبكه وتوقعت القى مثلا نتائج البطوله العربيه مثلا او عن اخبار النادي مثلا وعن اخر الاستعدادات للموسم القادم .... مثلا عن لاعبين جدد عن محترفين يبردون الكبد عن وعن وعن وعن امور كثيره تهمنا كجماهير للزعيم ....









ماذا وجدت (( احلى يالمكسيكي )) ...

لقيت بربره وحكي لا يقدم ولا يؤخر بين منتقدي المصيبيح ومؤيديه وكان الهلال لا مشكله له ولا يؤزق هاجس جماهيره الا المصيبيح ....


والغريب ان هذه الحرب بين كتاب نفخر بوجودهم بيننا او وجودنا بينهم لافرق ....

يا جماعه الى الان ما ادري وش مصيبيه هالمصيبيح مع الجزيره والا شلجريه اللي مسويها ...اخاف انه بس مقبع سور النادي يوم جاء يلبق ...

تصدقون اللي يدخل المنتدى يفكر فيه لاعب جديد اسمه المصيبيح ....


اقول فكونا يرحم والدينكم واهرجوا هرج طيب ....

وسامحونا ........

صدقت اخوي والحمدلله على السلامه

أي والله من جد ازعجونا بالمصبيح

كلام المنتدى كان الايام السابقة المصبيح ونواف التمياط

الحمد لله مشكلة نواف وخلصنا منها وقع الحمد الله
باقي مشكلة المصبيح مع الجزيره وان شاء الله نفتك منها في القريب العاجل

والله يا حبيبي احنا كا هلالين لا تسمح ان يسب لاعب واستاذ كبير في منتدانا والمصيبيح له تاريخه واخلاقه العاليه وياليت تخلونه في حاله وخلصون وخلو الحكي ما دام النفس طيبه
وسلامتكم

ماقلنالكم ان المصيبيح صار سالفتنا

ويبقى مسلسل الاقوياء الجزيرة والمصيبيح

الرجاء عدم دخول الضعاف

نعم كان هناك لاعبا خلوقا ومبدعا اسمة فهد المصيبيح ولكن !!
@ ولكن بعد ان صار اداريا على فرق المراحل السنية فى الهلال تراجعت مستويات هذة الفرق واصبحت المواهب شحيحة فى الهلال والسبب سياسة المصيبيح الله يخلية لعين ترجية بس يفك هلالنا منة 00الى درجة انة شق الصفوف الهلالية الى نصفين لكن الحمدلله المعارضون لسياستة هم الاكثر وهم على حق ولله الحمد 00
@ يقولون ( تراهم هم اللى يقولون ) انه يحب الدراهم حبا جما ولهذا السبب رفض مغادرة البيت الهلالى رغم نداءات الامراء هذلول بن عبدالعزيز وبندر بن محمد الله يحفظهم ومطالبتهم بابعادة عن الهلال 00
@ يقول لاعب هلالى سابق ( وتراه دولى وكلنا نحبة ) جيت للمصيبيح فى النادى طالبا منه ( الفزعه ) لكى يجد لى عمل فى النادى بسبب ظروفى المادية الصعبة جدا جدا ( يعنى الرجال بحاجة لقرشين ) فقال لى ( خلك بعيد ) وكانة يقول ( لا مافية شغل ) يعنى توكل على الله فغادرت النادى وانا فى حالة يرثى لها لاننى بكل صراحة لم اتوقع هذا الموقف من ابو محمد00

@@ وفية لاعب ثانى ( دولى هلالى سابق ) لكن خلوها بعدين اقولكم قصتة مع المصيبيح الله يخلية لعين ترجية

بصراحة في هذا الصيف مثل ماقال أحد الأخون صيف المصيبيح ونواف التمياط صحيح أنهم يستاهلون بس مايستاهلون اللي ينقال عليهم ،،،،




وتقبلو تحياتي ،،،

ياأخي بعض الجماهير التي تقرأ الصحف اليومية يقرأون خبر أن فهد فعل كذا وعبدالله الجمعان ليس مخلصاً للزعيم وعلى طول مايصدقون تبدأ الحمله ضد هؤلاء من كذبة قامت بها إحدى الصحف يعني مع الخيل ياشقرا

اعتقد بان الموضوع اخذ اكبر من حجمه.