18/07/2003, 03:41 PM
|
زعيــم متألــق | | تاريخ التسجيل: 15/09/2002 المكان: الرياض
مشاركات: 1,458
| |
انواع الحب [poet font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
حبٍ يشيّب صاحبه ما بَعَدْ شاب =
.وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب=
وحبٍ يدوم وصاحبه في غيابه
وحب يذوّب خافقٍ ما بعد ذاب=
وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب =
وحبٍ يزيدك رغبةٍ في الكتابه
وحبٍ حياته كلّها لوم وِعْتاب =
وحبٍ حقيقي ما يضرّك عتابه
وحبٍ بلا معنى وحبٍ بلا اسباب =
يبدا غريب وينتهي في غرابه
وحبٍ ضعيفٍ مثل حبرٍ على كْتاب =
تمحيه دمعه في ثواني كآبه
وحبٍ قويٍ مثل قصرٍ له ابواب =
لو هبّ عاتيْ الريح ما اهتز بابه
وحبٍ بداية رحلته نظرة اعجاب =
واخر مطافه مثل يومٍ بدا به
وحبٍ يعيش بداخل قْلوب الاحباب =
وحبٍ يشيع وكل حَيٍ درى به
وحبٍ مقامه في ضلوع الصَدِر طاب=
وحبٍ يعدّي مثل مرّ السحابه
وحبٍ على قبره نعق بوم وغْراب =
وحبٍ تغنّى به لحون الربابه
وحبٍ بمقدارٍ وحبٍ بلا حْساب =
وحبٍ بمعروفٍ وحبٍ نهابه
وحبٍ يعيش أهله وسط داره اغراب =
ويموت قهر ويندفن في ترابه
وحبٍ غدا سرّه سوالف للاجناب =
وحبٍ يموت وصاحبه ما حكى به
[/poet]
تحياتي للجميع
اخوكم بروق نجد |