|
بين بقاء (الفرج & سالم) ورحيلهما السلام عليكم ورحمه الله وبركاته وبعد : يتردد في وسائل الاعلام بان ادارة الهلال عرضت على اللاعب سلمان الفرج 4 مليون ريال في الموسم واللاعب سالم الدوسري قرابة هذا المبلغ. الجميع يدرك بان اللاعبان من نجوم الكره السعودية ورحيلهما قد يجعلنا نعض أصابع الندم مثل رحيل الدوخي احمد والعويران خميس في سنوات مضت، لذلك اتمنى بان تجتمع معهما ادارة الهلال وتقرب وجهات النظر اولا وبان يعطون المبلغ المناسب الذي لا يضر النادي ولا يضر اللاعبان. نعلم بان اللاعب المحلي الجاهز ندره صعب ان تجدها وخاصة بان اللاعبان خدما الفريق وسيخدمون الهلال على الأقل 10 سنوات قادمه، نعم نحن لا نختلف بان مستوياتهما في الآونة الاخيرة انخفضت ولكن لا نظلمهما خصوصا في كثرة المشاركات طوال المواسم مع الفريق والمنتخب وكذلك الإصابات والضغط الجماهيري والاعلامي الذي يواجه لاعبي الهلال خصيصا. اذا كنا نفكر في البطولات المحلية وبطولة اسيا فلابد ان يبقى اللاعبان ولا نكابر. اتمنى من محبي الهلال وإدارة الهلال بان يكون لهما دور إيجابي في عملية التجديد مع سلمان الفرج وسالم الدوسري. تحياتي للجميع،،، |
أتفق معك تماماً بعدم التفريط بأي نجم في الملكي مهما كان ويجب على الإدارة أن تضع خط أحمر لهذا الأمر مهما كان حتى لو كنّا في مسألة إحتراف ..فمنذ غياب مدرسة الهلال التي أخرجت لنا نجوم كبار أصبح هناك ندرة في النجوم الحقيقيين الذين يشيلون الفريق .. كما أود أن أصحح لك بأن اللاعب (سلمان الفرج) عمره يقارب (28) سنة الآن فكيف يعطيك (10) سنوات قدّام على الأقل كما ذكرت ..حدّه (5) سنين وخلاص ..وكذلك اللاعب (سالم الدوسري) عمره الحين يقارب (26) سنة وحده (6) سنوات .. وأتمنى الإدارة تجدد معهم على هالفترة المتبقية لهم في الملاعب. |
لو جيت للحق .. اتمنى النادي يستغني عن أي لاعب يساومه .. خاصة إذا كان اللاعب من أبناء النادي .. لأن لا يمكن لعزيز نفس حتى في عصر الإحتراف إن ينكر النادي اللي تبنّاه و وصله للنجومية والنادي ما راح يجدد ببلاش .. يعني إذا اللاعب بيفرق معه المليون الزيادة اللي بالسنة .. فالأفضل يروح يترزق الله في مكان ثاني .. واللاعب السعودي بشكل عام سهل تعويضه بلاعب سعودي ثاني .. لأنهم ( كوبي-بيست ) من بعض .. نفس الفكر .. نفس المهارات .. نفس البنية الجسدية .. يعني لو يطلع سالم من النادي .. و ألعب مكانه لاعب موهوب من الأولمبي .. ماراح تحس بفارق المستوى .. ونفس الحال مع سلمان ويمكن لاعب الأولمبي يقدم لك مستوى أكبر بأضعاف من مستويات اللاعب اللي شايفن نفسه و يحس إنه فوق الجميع و يستحق الملايين .. اللاعب السعودي فقط يفرق في مركزين .. مهاجم .. أو حارس مرمى .. هالمركزين اللي نادر تلقى لاعب تعوّض به نجمك لو طلع .. لكن لاعب وسط ؟!!!! بالنسبة لسلمان .. أتمنى يغيرون مركزه من الآن .. اليوم .. اللحظة .. يشيلونه من مركز المحور ولا يطب هالمركز لين يعتزل .. من أفضل اللاعبين بصناعة اللعب .. كنترول .. و دقة تمرير .. بس يحب المطرسة .. والمحور مهب مثل غيره من المركز .. وبالنسبة لسالم الدوسري .. لازم يرجعونه جناح أيسر .. لأنه بهالمركز قدر يقدم مستوى خرافي قدام استرالي .. والمباريات اللي قبلها مع المنتخب .. وأول هدف له و أول مباراة له كانت ضد النصر .. وهو بهالمركز .. من اللاعبين اللي يحب يسحب و يدخل للعمق ويسدد .. مثل روبن .. لكن اللاعب أيمن .. وإذا لعبته يمين ماراح يقدر يسدد برجله اليسار .. مثل ماروبن أيسر و يلعب يمين .. لعب سالم يسار وهو أيمن نواف العابد سجل أهداف الهلال هالموسم من نفس الطريقة .. لاعب أيسر يلعب يمين .. يتوغل من الطرف للعمق ويسدد بالزاوية البعيدة |
قبل الحديث عن تجديد عقد سلمان الفرج وسالم الدوسري لنا أن نسأل : ماذا قدم هذان اللاعبان للهلال .. ماذا قدما في عقدهما الماضي وتحديدا الموسمين الأخيرين اللاعب الذي يساوم ناديه ويحاول لي ذراع الادارة يجب أن تتصرف معه الادارة باحترافية خاصة والهلال قبل فترة وقع مع عدد من الأندية تحديد سقف العقود أنا أثق أن ادارة الهلال ستتعامل معهما كما يجب |
ممكن اتفهم ان الفرج لازال فيه امل والا هو حده مليونين لو طار بس سالم والله مدري الرجال حتى ماعاد يعرف يركض بالكوره.. صح ان بدايته كانت قويه... بس ع ذا المستوى المفروض ينسق موب يعطونه 4 مليون. |
اللاعب يساوم بيع عقده وهو الخسران .. وحط المبلغ في العويس الحارس نص الفريق |
تسلم ياخي العزيز على الحرص على النادي ومكتسباته ولكن ان سمحت لي فلدي راي اتمنى ان يتسع صدرك وصدور الاخوة الزوار له . لو نظرنا الى مستوى الاعبين الان فلاشك بانهم في اسوء مستوياتهم ولو انتقلوا لن يؤثر في الفريق شي فلا اظن انهما في مستوى اهمية اسامة هوساوي الذي خرج من النادي وهو في عز مستواه ولم يكن لدينا قلب دفاع في مستواه او قريب من مستواه ولكن بقي الهلال يحقق البطولات مع انه عندما خرج كان الفريدي قد سبقة وكانت ضربة موجعة عند اغلب الجمهور حتى ان البعض اقسم ان نهاية الهلال قد بدات برحيلهما . الاعبان عندما يقدمان مستواهما المعرف فان ذالك لا يتعدى مباراة او مبارتين على الاكثر ولا اظن ان خروجهما من النادي سيفقده شي بل سيزيده بعون الله فتعطى الفرصة للشباب و للدماء الجديدة خاصة انهما ليسا من اللاعبين المؤثرين بشكل ملفت للنظر اعتقد انهما من اللاعبين المكملين للمجموعة وليسوا من اعمدة الفريق فادوارهما اقل من عادية ولايوجد لاعب في الهلال محلي قادر على اعطاء الاضافة اكثر من نواف العابد وهو من استبشرنا بعودته لمستواه ولكن للاسف تغيب عن الفريق اما بسبب الاصابة او بسبب حالته النفسية و الذهنية كما ذكر المدرب دياز قبل مبارة الرائد . اعتقد ان المجموعة الحالية قادرة بعون الله على تحقيق طموحات الجماهير حتى بالاسيوية اذا اتى التوفيق ولا شيئ غيره . نعم اتفق مع من يطالب بوجود حارس مميز مثل العويس او شراحيلي لو الله يهديه لان المعيوف ليس طموح الهلال ولو كنت صاحب راي لاعطيت الفرصة للحراس الصغار وليس للمعيوف و الثنيان فهما اقل من طموح الهلال . اعتذر للاطالة .. |
اربعة ملايين بالسنة الواحدة اشوفها كثير جداً واذ ارادو الرحيل فراح يندمون مثل ماندم الدوخي وخميس والفريدي كل سنة في نادي والحين متمرد على النصر .... المهم العويس يجي الهلال مقابل الفرج وسالم فيه لاعبين في الاولمبي لابد ياخذون فرصتهم بلاشي احتكار ... |
الحقيقة سالم انخفض مستواه كثيرا وطالت فترة غيابه لدرجة اصبح خارج المنظومة التكتيكية للفريق او بالأصح عبئا على الفريق اتمنى بقاؤه فمازال من الممكن لستعادة مستواه ولكن بمبلغ يوازي عطاؤه خلال الفترة الماضية اما سلمان الفرج هو لاعب استثنائي خسارته ستكون مؤثرة جدا هو اللاعب السوبر في الهلال وهو اللاعب الجوكر الذي يمتلك ميزة اللعب في عدة مراكز ويملك فكر كروي مميز وقراءة ونظرة مميزة للملعب نعم مستواه انخفض لفترة لكنه عاد بشكل مميز اتمنى ان يبقى في الزعيم تعويضه صعب جدا |
ياحبيبي والله لو انا اوقع معه بالمبلغ الي يبيه... بشروطي طبعاً وبحط شروط كلها خصومات لو حلق شعره او عطس بطريقه ما تعجبني يتم خصم من عقد اللاعب فما بالك لو غاب عن التمارين وكل لاعب له عدد معين غياب بالموسم ولو تعدى عدد الايام المحدده يتم خصم مهما كان السبب عشان يعرفون معنى الاحتراف |
كلاهما انخفض مستواهم كثيرا، ولهم سنتين ومستواهم منخفض جدا. المساومة والتخاذل تنهي اللاعب. وهناك الكثير من اللاعبين يتمنون اللعب مع نادي الهلال. |
إقتباس:
كلام سليم 100% قلت اللي بخاطري ماشاء الله عليك هذا الكلام اللي يخدم الزعيم وأتمنى من سمو الرئيس تغيير قناعته بمدير الفريق ( فهد المفرج ) فورا . |
لو تمكنت من الجلوس مع كل لاعب هلالي على انفراد اكاد اجزم لكم بانني سأوقظ العملاق النائم الكائن داخله . كل هذا الكلام اقوله من واقع تجربه عمليه عندما كنت مستشار طلابي في احدى الكليات العسكريه في السعوديه وكذلك اثناء تدريبي في الولايات المتحده الامريكيه. فكثير من اللاعبين بحاجه لمستشار خاص يجلس معه جلسة مصارحه ومكاشفه وبعدها يتم توجيهه لما يحتاجه . |
ياعمي والله لو يمشون يكون احسن اقسم باالله اللاعبين هذولي لايخدمون الفريق باي حال من الاحوال واللاعبين هذولي لهم اكثر من ثلاث سنوات بدون انجاز يذكر مثل مايسوي نواف العابد وجحفلي وغيرهم من الاعبين لا نقعد نطبل لبعض اللاعبين اللي اجزم ويجزم كثير من الجماهير الهلالية انه ليس لهم فائدة علي الفريق بشكل عام |
أفكر أن أكتب موضوع في هذا الإتجاة بعد مباراة الأهلي لكني هنا مع الطرح الذي يفكر بالعلم المتكئ على القياس العلمي تتحدث فيه أولا وآخرا لغة الأرقام مع دراسة العوامل المحيطة كمرجح بين خيارين |
| الوقت المعتمد في المنتدى بتوقيت جرينتش +3.
الوقت الان » 10:40 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd