|
كفايه مجاملات للمفرج والشلهوب وياسر نحن لم نحكم على المفرج جزافا فالفشل واضح ولم يستطيع ان يقود المجموعه الى النجاح كاداري بمعنى الكلمه ولو كان شجاع لقدم استقالته مع ابن مساعد ومديره الاعلامي ولكن للاسف هناك اناس لايحترمون الجماهير الهلاليه وعلشان كذا هذا الهلال يخسر النقاط على ارضه في طريق الى التفريط للمره السابعه ولن يحقق الهلال الدوري بهذه الاداره الفاشله والله اعلم ولكن الليالي تبان من عصاريها وماحدث بالهلال ليس خسارةالاتفاق وخسارة الاتحاد هذي كرة قدم والخساره وارده حتا لو كنت الافضل ولكن من بداية المعسكر ومشاكل الاجانب مع بطاقاتهم والمدرب قوستافو وماحدث من فوضى اداريه وتخبطات بالتشكيله دليل كافي على فشل مدير الفريق اليس هذا بكافي ان يقدم استقالته ويحترم جمهور الهلال انني لاتعجب من رئيس النادي الا يملك الشجاعه الكافيه بان يقوم بتغيير مدير الفريق ويقوم بتسريح عواجيز الهلال ياسر والشلهوب ويستفيدون من الشريد الي اعطوه للتعاون وتركوا الشلهوب بهذا العمر وهو لايقدم ولا يخدم الهلال كفريق بطولات والسبب احترام لتاريخه مع الهلال ياناس احترام التاريخ للاعبين لايجلب بطولات ولكم في الاتحاد عبره وياسر كان من الاجدر تنسيقه والابقاء على وجه الهلال القادم الكعبي بدل من ركنه او اعارته ولكن للاسف اداره فاشله بمعنى الكلمه وادارة مجاملات والثمن ضياع الدوري للسنه السابعه واتمنى ان لايصدق ضني ولكن واضحه الامور مع وجود المفرج على الجماهير ان لاتحلم بالدوري والهلال يعيش هذى الفوضى العارمه من مدير الفريق والمجاملات المقيته لبعض اللاعبين اما مدير الفريق هذا فاقرب تشبيه له بلزقه اسمها لزقة جونسون القديمه الي ماتطلع من الظهر الا والجلد معها هذا هو الهلال وحاله والله يعين الجماهير على الهلال الى تحول الا فريق البطولات القصيره بعد ماكان سيد الدوري فشل على فشل علي فشل والنتيجه هجرة الجماهير للمدرجات تحياتي ياهلال المفرج رئيس الهلال اترك المجاملات وكن شجاع وبت الامور والا صدقني لن تحقق الدوري اذا اسمريت في مجاملة المفرج وعواجيز الهلال |
لو فيه اداره صاحيه كان ماكدسوا الاجانب فوق بعض مع اللاعبين المحليين الجدد ولاشفت المفرج يترزز من غير فايده ولاشفت مدرب يستلم اول مباراه كلاسيكو ولاشفت الصغار يمشون والشيبان متبطحين اما ياسر هي كلها سنه والباقي ((نريد عوده ياسر 2007)) الشلهوب كان له دور فعال زمان بس اللحين لو تنفخ عليه هوا طاح عطيف والسواط وينهم؟؟! انتهى وقتهم يعني؟ |
من العنوان وزبدة الموضوع مشكلة الهلال الشلهوب وياسر او عواجيز الهلال !!!! تنظم لفريق في ريعان الشباب وتقدم الكثير للفريق ومع التقدم في العمر او انخفاض المستوى يتم طعنك من اقرب الناس إليك جماهير فريقك !!!! السؤال : كيف راح تكون نظرة اللاعبين الشباب او حتى النجوم من الأندية الاخر اذا أراد الهلال التعاقد معاهم ؟؟!! وهم يشوفوا عدم الوفاء والتقليل من ابرز نجوم الهلال !!! وفاء الجمهور بين الاتحادي محمد نور والشلهوب وياسر القحطاني !!! |
السلام عليكم وبعد ...... بصراحه ومن الآخر لا بد أن يرحل المفرج ومعه بعض الاعبين مثل ياسر والشلهوب. ... الزعيم بحاجه إلى إداري ومدير فني حرام يرحون من الهلال لعيبه صغار مثل الرشيد وعبدالكريم صراحة لازلنا نعاني من تخبطات المفرج ومن على شاكلتهم لي 35 سنه أشجع الهلال ماشفت زي هالضعف الإداري الفريق يعاني إداريا. ... وليس فنيا. . |
كلام عين العقل الشلهوب و ياسر المفروض من ظ£ سنوات برا خلاص. والله صرت اشوف تشكيلة الزعيم واذا فيها هالاثنين اريح نفسي ولا اتابع |
قد اتفق معك بموضوع المفرج وثبوت عدم ايجابيته بالذات في موضوع التأثير الإيجابي أو النفسي على الفريق واختلف معك في موضوع الشلهوب وياسر فهما لا يلعبان بشكل أساسي وللأسف أيضا لا يوجد لاعبين أجانب أو صاعدين بمراكزهم فالرويلي توقعنا أن يلعب بدلا من الشلهوب كصانع لعب ولكن للأسف تم تكليفه بمركز المحور ! والاعتماد على (ادواردو) كصانع لعب (لا يصنع) و كمهاجم يظهر بمباراة ويختفي عشر ! اتمنى على الإدارة أن تصعد مهاجمي الأولمبي المنيع والبقعاوي والجمعان وتطلب من المدرب اشراكهم بمباريات معينه وأوقات مدروسة حتى يكتسبوا الثقه يقدموا ما لديهم ويحكم على فائدتهم من عدمه . إذا كان هناك حد يفهم كوره ويهمه الهلال في هذه الإدارة فيتم التعاقد من الآن مع صانع لعب مميز مثل لياندرو بدلا من ادواردو وقلب دفاع ايسر بدلا من الفيس نهاية الموسم يتم تقييم عطا المحور ميليسي والمهاجم ليو وإذا لم يقدموا مستوى جيد يتم تغييرهم مركز بمركز كارثة أن يكون الأجانب 3 بالوسط ليس بينهم صانع لعب... |
قلنا من اول المجاملات على حساب النادي هو ضحك على الدقون وخسارة لميزانية النادي ، وربك يسهل |
الدعوه شكلها صارت عناد يعني مع الفارق في التشبيه بس مثل حسين عبد الغني ناشب مع رئيسه للنصراويه اشوف المفرج ناشب مع نواف بن سعد بس الفارق ان هذاك يلعب وهذا على الدكه يلعب في اعصابنا |
لا ياسر لعب ضد الاتحاد ولا الشلهوب لعب شوط فيها عندنا 30 لاعب فيهم 4 اجانب وماسكين بياسر والشلهوب بالنسبة للمفرج فلا يوجد ادارة تفهم ولا ما بهالبلد الا هالولد نعم المفرج رجل خلوق ومجتهد ومحب للهلال ونحن نحبه ونشكره على مجهوده لكن التغيير سنة الحياة والتغيير مطلب جماهيري فليعطي الفرصة لغيره على العموم اتمنى اننا نسكر موضوع المفرج بالوقت الحالي لانها طالت وعرضت فلنركز على لاعبي الفريق المحليين والاجانب الفترة الشتوية قادمة وهي فرصة للتصحيح |
المفرج لازم يستقيل ويحل مكانه منصور الاحمد هذا اول العلاج ثم ناتي للفريق واحتياجاته .. قلب دفاع ايسر مكان مليسي صانع لعب مكان الفيس مهاجم بمواصفات جيان مكان ليو غير كذا لا تحلمون بالدوري غيران اسيا راح تكون مستحيلة الا بتوفيق الله |
نقطه مهمه لا بد اعطاء فرصه للثنيان في بعض المباريات حتى لا يفقد حساسيتة على الكره اين عطيف ؟؟؟ ليش ماياخذ فرصة وكذلك السواط والنجراني,, دخول الشلوهوب في المباراة الاخيرة دليل على ان المفرج تدخل في التشكيلة |
بالمختصر المفيد ياسر والشلهوب ماخذين خانة على حساب لاعبي الاولومبي ومطالبتهم بالاعتزال ليس نكران ولا جحود لما قدموه بل هي سنة الحياة اعتزلوا واتمنى المفرج يستحي على دمه ويستقيل |
إقتباس:
كيف تبي المفرج يستقيل و هو متسفيد من النادي و فايد اخووه اللي مسجلة لاعب هلالي وما خفي كان اعظم |
اتفق معك اخوي مناحي بالفعل ياسر والشلهوب والمفرج وعزوز وسالم الدوسري لابد من احلال شباب الاولمبي بدلا عنهم فهم يحترقون وينتظرون الفرصه . |
لاتلتفت لمثل هذي الامور ادارة الكره وياسر والشلهوب .. بينك وبين نفسك قول انه المباراه القادمه شلنا ياسر وشلهوب والمفرج هل هذا هو سبب تراجع مستوى الهلال الفني شويه عقلانيه الله يهديك فكر في الي في الملعب الي يصير على ارضية الملعب الـــ 11 لاعب والمحترفيين الاربعه واداء دياز الفني يهم اكثر من الموضوع واقولك ممكن انت من مستوى وشكل الهلال متنرفز صديقي لكن عزيزي ماهي هذي الاسباب الباهته الي مخليه مستوى نادينا في تراجع في امور فنيه في ارضيه الملعب اهم واهم |
| الوقت المعتمد في المنتدى بتوقيت جرينتش +3.
الوقت الان » 02:23 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd