مصادر هلالية توضح حقيقة العرض الإماراتي لضمّ الفرج!

شفت مصادر هلالية أنه لا صحة على الإطلاق لوجود عرض رسمي من إدارة نادي الجزيرة الإماراتي للظفر بخدمات اللاعب سلمان الفرج خلال الفترة المقبلة.

وكانت تقارير صحفية قد ذكرت أن الجزيرة الإماراتي وصل إلى مراحل متقدمة في المفاوضات مع اللاعب ووكيل أعماله، بالإضافة إلى ناديه الحالي نادي الهلال.

وأشارت إلى أن الجزيرة عرض مبلغ 35 مليون درهم إماراتي لـ 3 سنوات، وهي التي تمثل حصة اللاعب من الصفقة، وأضافت أنه في الساعات القليلة القادمة سيتم إعلان انضمام اللاعب رسميًا إلى النادي الإماراتي في صفقة ستكون حديث الموسم في السعودية والخليج.

هذا وينتهي ارتباط الفرج بنادي الهلال في نهاية الموسم الرياضي الجاري، بينما يدخل الفترة الحرة التي تمنحه أحقية التوقيع لأي نادٍ في شهر نوفمبر المقبل.

الجدير بالذكر أن المصادر كشفت عن عدم وصول الهلال لاتفاق مع الفرج على تجديد عقده، حيث طلب اللاعب الحصول على 8 مليون ريال سنويًا، فيما توقف عرض الهلال عند أربعة ملايين في الموسم الواحد، ولمدة أربع سنوات، بالإضافة إلى فيلا وسيارة.

أخبار 24 | مصادر هلالية توضح حقيقة العرض الإماراتي لضمّ الفرج!


اقول زاد مافيه مغفل ياخذ هاللاعب بهالمبلغ

وهذا من يبيه أصلا ،،
معروفه وكيل أعماله يسوق له علشان ياخذ من الهلال اكبر عرض والله باللاعب هذا مااعطيه
مليون بالسنه

مستوى اللاعب لا يؤهله ان يكون مطلوباً من الأندية، ومستواه في انحدار شديد، وهو من كتب نهايته بنفسه.

للمعلوميه انديه الامارات اصبحت تعرف من تستقطب وتعرف من تستبعد وتطورت كثيراً والاحظ في الاونه الاخيره تعاقدات مميزه من الشارقه والجزيره والاهلي والبقيه واخر اهتماماتها ان تستقطب لاعب سعودي في ظل تواضع اللاعبين السعوديين ومستوياتهم ولايوجد لاعب يستحق اكثر من اربع ملايين في الانديه السعوديه وهي كثيره جدا .. انظرو الي مستويات المنتخب المخجله هزازي خمسين مليون ويحي الشهري مثلها يعني لو فكرنا بالعقل نلاقي ان عمليه عقود اللاعبين اشبه بمقامره ومزايدات ويدير هذه الطاوله وكلاء اللاعبين

من جد بالله على ايش تدفع الملاين له ممكن وكيل أعماله وإلا الاعب نفسه مطلع الخبر ذَا للفت الانتباه الانديه الاخرى علشان تقدم له عروض ويساوم الهلال وياليت من اداره الهلال عدم التجديد معاه

عيدكم مبارك

الفرج لاعب لا يختلف عليه أحد من ناحية امكانيات
و هبوط مستواه عائد في تصوري لإرهاقه بإشراكه من قبل المدربين في أكثر المباريات
و اجباره للعب في الخلف تسبب في ارتكابه للأخطاء

لكن اللي يقهر في الفرج ترززه وتلزقه بالتصوير مع لاعبي الفقر والابتسامات الباردة (ماتدري وش يبي)!
فعلى ايش تبتسم؟ على أخطاءك اللي تسببت أهداف في مرماك أو على ضياع الدوري و السوبر باستهتار غريب!
إن كانوا اصحابك ما قلنا شي لكن فيه شي اسمه ذوق و حصافة، تصور بشي رسمي يجمعكم او حفل وكذا!
وفي القلب شكّ في ميولك لهذا الفريق أو فيه شخصيات من هالفريق يحاولوا يلينوه لصالحهم ما ادري
لكن مايهمنا ميولة أهم شي يخدم الهلال إذا يحب و بإخلاص
و قيمة العقد تزيده الادارة او ترفض هي أبخص فيه
بس نصيحة لك يا سلمان (أضمن الفريق الثابت مستواه فنيا و اداريا و(ماليا) وجماهيريا طول السنين ولك الحق بالراتب بالمعقول أفضل من اني اروح فرق ماتدري هي بتنافس او تفلس او يمكن تهبط).

لاعب لا يستحق أكثر من المبلغ المقر من قبل لجنة الاحتراف
مليونين وأربعمئة ألف ريال

فعلا لايستحق الا المبلغ المقدر من الاحتراف والعقد يكون سنتين ..وان تحسن مستواه ممكن في العقد الجديد بعد سنتين يتم تعويضه

سلمان هو خصيم نفسة ،،،، ولابد ان يعرف لن يجد احسن من الهلال
والايام بيننا

القصة وما فيها يجتمع عيال العم أو عيال الخالة المريشين
والذين ولدوا وملاعق من ذهب في أفواههم
وبعضهم مختلف الميول ويبدأ السيناريو التالي
البزر الأول تتحداني أجيب لاعبكم لنادينا
البزر الثاني ماتقدر ونجوم السماء أقرب لك
ويهتف بقية البزران يتحداك ويهتفون للثاني ما تقدر
يشتد النقاش تزعل الخالة ويستفز العم
فتتدفق الأموال على لاعب ما يسوى ويزداد غروره
وبعد دفع الملايين يتم فرضه على الفريق للإغاظة
وهذا هو سبب فساد الكرة السعودية
كيف تريدون من لاعبين تقديم مستوى وهم ضامنين

يعطيكم العافيه بالتوفيق للزعيم الملكي
وكل عام وانتم بخير

اتمنى بيع هاللاعب و نفتك منه و من شوشرته

سبب رئيسي في ضياع بطولات مع سالم و عزوز.

حتى احتياط ما اخليه لا هو و لا اللي خيبوا امالنا السنة الماضية.

الهلال فريق بطولات و الفرج مطالباته و شوشرته هو و مدير اعماله بتاثر على الفريق

ورانا دوري و ابطال اسيا و محنا فاضيين للمبزرة


العنيد

لا يستحق أكثر من المبلغ المقرر من هيئة الرياضه ولجنة الإحتراف ، وكلها من وكيل أعماله لرفع سعره ليستغل جماهير الزعيم ، فإن بقي بالزعيم بهذا المبلغ وإلا مع السلامه والقلب داعي له ،،،،
فهو أحد اللاعبين الذين بطولات كان الزعيم ممسكا بها وضيعوها (هو ، سالم ، شراحيلي ،عزوز مع سيّء الذكر دونيس )