السلام عليكم

غريب من الادارة ان تفوت فرصه مثل هذي

اول مرة نجيب لاعب ويطلع من عندنا بمكسب

وخوفي بكرة الادارة تسرحه بالمجان مثل غيره

الشريطي اذا حرج على السلعه وما باع راعي السلعه في اول سومه
راح يبيعها باقل من ثمنها بعد ذهاب المشترين

و إدواردو مافاد الهلال في الدور الثاني من الدوري باكمله
وخوفي يبقى ويسبب لنا خسارتين خسارت مال وخسارت مركز لاعب في الفريق

بيع عقدة فيه مخاطرة من وجهة نظري

لانك اذا بتشتري لاعب لازم يكون عالمي نفس مواصفات ادواردو بنفس المبلغ تقريبا
ويمكن مايتأقالم اللاعب الجديد . يعني مافيه فايدة


هذاك اذا كنت فريق يبي يبني من جديد تبيع النجم عندك وتشتري بدالة لاعبين صغار السن وتصبر عليهم 3 مواسم وبعدها تستفيد منهم بطولات وتبيعهم بسعر اعلى بس هذي الطريقة ماتصلح للهلال لانه دائما مطالب بالفوز وتحقيق البطولات


ووبعدين ادواردو عمره 26 سنة مازال صغير بالسن تقدر تستفيد منه موسمين وتبيعه باعلى من سعره الحالي باوروبا
او تستفيد من 4 مواسم وتبيعه بالخليج باعلى من سعره الحالي

ولاتنسى ان محترفين الهلال الحاليين كلهم صغار يقدر يستفيد منهم النادي كم موسم ويبيعهم بأرباح وهذي سياسة نواف بن سعد حاليا

موضوع في غير وقته وغير مناسب مامنه أي فائدة ولا تخاف على الزعيم ووجه السعد موجود بعد توفيق الله

إذا كنت تاجر تعلم أن من خاف ما أغتنا ؟؟؟

الإدارة ترى أنه قد يفيد و قد يصاب فلا تستفيد منه لذالك خاطرت بالغالب لديها أنه لن يصاب و سيفيد النادي فليس لديها من يسد مسده الأن

وين ياحبيبي

إدواردو من افضل المحترفين الي لعبو في الهلال

وجلد لك جميع الاندية المحلية والآسيوية

وما ذبحنا غير اللاعبين الي ما يسجلون بآسيا

والاهم من هذا كله ان ادواردو يفوزنا بالمباريات الصعبه الي نكون فاقدين الامل فيها

وما شاء الله عليه يسجل من نص فرصه تتوفر له

والشيء الوحيد الي يحبط ادواردو ويجعله ضعيف فنياً هو لمن يحس انه قاعد يركض ويلعب لحاله بالملعب

والحين في ظل وفره الاجانب الممتازين اتوقع بنشوف ادواردو جلاد مرعب للخصوم

الله يعطيكم العافية وبالتوفيق للزعيم الملكي

ادواردو نجم عالمي كبير، وسيظهر كثيراً هذا الموسم بوجود اللاعبين المحترفين الاجانب بجواره، عكس العام الماضي الذي كان يلعب وحيداً وبجوار لاعبين لا يعرفون التمرير الصحيح.

أتوقع أن الادارة لن تفعل ذلك لأن الهدف ليس تحقيق أرباح ولكن تحقيق ألقاب خاصة في هذه الفترة والمجازفه غير مطلوبه في هذا التوقيت بالبحث عن لاعب قد لاينجح

ميزة ادواردو التي يتفوق فيها حتى على طيب الذكر نيفيز...انه يسجل في اغلب المباريات الحاسمه والمصيريه عكس نيفيز الذي كان يبدع بالمباريات العادية ويختفى في الحاسمه-مبارتي سدني مثال- ادواردو يسجل ولكن الهلال في بعضها يخسر بسبب بقية اللاعبين واخطاءهم...سجل في معظم مباريات اسيا...سجل في اهم المباريات امام الاهلي-الاتحاد-النصر الخ..ليس ذنبه اخطاء بقية اللاعبين وخسارة الهلال لبعض هذه المباريات..
االاهم ان يكون ادواردو متحمس وراغب للعب للهلال رغم عرض نيس الفرنسي

ما فيه مقارنة ادواردو أفضل من نيفيز بمراحل لأنه أصغر أما نيفيز فقد تقدم به العمر

طيب باع ادواردو ولا قدر يجيب لاعب بحجمه وش يسوي بواحد مثلك يفترض انه يقول شكرا لوجه السعد رفضك بيع ادواردو جاي تشبه الوضع بالشريطي اللي ما يبيع من اول سومه .
للأسف النادي تورط بجيل ما يرضيه شيء يحرك براطمه وسنيناتوه بس يبي ينتقد .
انا متأكد لو باع ادواردو وانهزم او تعادل في اول مباراة اول واحد يبي يلومه انت وتبي تقول وجه السعد الفلوس اهم عليه من الهلال .
ارجوكم اتركوا وجه السعد يتفرغ لعمله وخلوكم في المباريات واترسوا الملعب والباقي مو لكم لا دفعتوا ريال ولا تعبتوا رايحين جايين .

انا اقول بقاء ادواردو ابرك لان وجه تعرفه احسن من وجه ماتعرفه

بسم الله
اول مشاركة بالمنتدى
تحية من القلب لكل جمهور الزعيم
وارجو ان تقبلوني بينكم