|
بخصوص الي ينتقدون ليو السلام عليكم بدخل في الموضوع . اول شي امس الهلال قدم مستوى مميز ولكن في بعض الانتقادات على ليو الاعب تحركاته حلوه و يتمركز كويس ولكن وش تبيه يسوي اذا العابد و سالم يبون يسجلون كذا مره اشوف الاعب يتمركز ولا احد يعطيه وان شاء الله موسم قدام جميل |
لا الحين الحمدلله العابد اصاب و سالم ما راح يلعب بوجود تياقو |
اللاعب هداف اجل في منظور من ينتقده ان السومه ايضا فاشل فهو لا يتحرك طوال المباراة الغريب هؤلاء في نظرهم اللاعب هو من يسحب واحد واثنين ويمتع الجمهور البارح وفي لقطتين كان يشير بتذمر من انقطاع الكورة وعدم لعبها له رغم تمركزه والسبب طبعا معروف سالم والعابد وهم من ارغم الميدا الموسم الماضي على اللعب الفردي والانانية اتمنى ازالة هالسرطان من الفريق وساعتها سيظهر ليو والهلال بالايجابية والاهداف وليس استحواذ بدون نتيجة |
بوجود اللاعبين المتخاذلين امثال سالم الدوسري ونواف العابد وعبدالعزيز الدوسري وسلمان الفرج المعروفين بأنانيتهم وعشوائيتهم في التمرير والتصويب على المرمى، لن نرى هجوم او اهداف او صناعة لعب. ومع التعاقدات الجديدة نتمنى ان لا نرى هؤلاء اللاعبين في الفريق ، فقد تحملناهم وصبرنا عليهم كثيراً بلا فائدة، بل تعدى ذلك الى الاضرار بالفريق من خلال فقد البطولات وعدم تحقيق بطولة الدوري بوجودهم. في مباراة الأمس رأينا كيف اضاعوا الفرص وقتلوا اللعب، واللاعب ليو مندهش من تصرفاتهم وعدم التمرير له بالرغم من تمركزه، وقد رأيناهم كيف يصوبون على المرمى بعشوائية وكأنهم في مباراة حواري تفتقد للتكتيك والتخطيط. |
إقتباس:
|
اول شي الحمدلله على نتيجة الهلال هاردلك الخسارة وبأذن الله القادم أجمل كنت متوقع نتيجة قاسية ع الهلال ولكن يبقى الزعيم ولو كان بس الطقم اللي موجود في الملعب تنظيم وتحركات في الملعب تمتع ناظرك ولو انه كان يشيبها بعض الاخطاء وبأذن الله موسم يبشر بالخير ليو مهاجم قناص لايرحم هذا اللي رأيته من تحركاته ومن لمساته لم يظهر بالمستوى المأمول لنقص الامداد من خط الوسط بخصوص من ينتقد العابد العابد مبدع كجناح وينطفي نجمه كصانع لعب اتمنى من الجمهور عدم تحطيم جحفلي ودعمه لندرة قلب الدفاع المحلي ولنا في عمر هوساوي خير مثال كان سيء والان من افضل السناتر وبتوفيق الله ووجود هوساوي بجانبه سيشكل ثنائي قوي وصمام أمان هاردلك للزعماء وباذن الله فالنا التعويض في هذا الموسم ورد الصاع لجميع الفرق في الدوري |
نكون واقعين ولا نكابر من هو منظم وصانع العاب الفريق ؟؟؟ للأسف لا يوجد الشلهوب ريما يكون فيه شي من ذلك لكن كبر السن ولد لديه البطء والضعف. الهلال يعتمد على اسلوب الضغط الكلي ومن كل الجهات، ولكن بدون صناعة فعلية للعب ، لذلك تضيع الكثير من الكرات. اما ليو فالأمال كبيرة أن يكون هداف للفريق، وربما مع اكتمال الفريق يبرز بشكل لافت. |
مع رجوع ادواردو سترون مستوى مذهل لليو مباراة السوبر أراحتني لوجود صف ثاني ممتاز |
ليو لاعب جيد .. ولكن في مباراة الاهلي لم يتوفق كما ملاحظ عليه انه صغير ويخاف من الاصابة ومن الاحتكاك .. اتمنى في القادم ان نشاهد مقاتل |
ليو كان معزول امس تماما الشلهوب ما عاد يعطيك عرضيات على الراس ولا حتى ارضيات وجسم ضعيف جدا, سالم حرك بدون بركة و نواف همه التسجيل و عزوز ما يحتاج كلام طبعا غني عن التعريف متى ما تم التخلص من رباعي عقلة الاصبع العقيمين و ادخال شباب الهلال ما راح نلقى فرصة افضل لان رغم تقدم الهلال في المراكز الا ان هذولا عالة على الفريق عديمين الانتاجية |
فاتح موضوع وتقول "بخصوص الي ينتقدون ليو" ! عامل زحمه وفي الاخير يطلع شخصين او ثلاثه الي انتقدوه والي تجهله بفتح مواضيع الغرض منها كسب مشاركات هو ان مضمون موضوعك ممكن يسبب زياده انتقادات للاعب المنتدى به الكثير من المندسين وينتظرون هالمواضيع تفتح ليثيرو الجدل واللغط بين الهلاليين والمتضرر الوحيد هو نادي الهلال *المخ الي محطوط فوق مب ديكور... يا ليت نستخدمه وما نكون احنا السبب في الضرر بنادينا |
بالتوفيق الملكي وما تحكم على الصفقات الا بعد الدور الأول وأعتقد بأنها من العيار الثقيل لأن وجه السعد خلفها |
سنراه قريباً نجم وهداف بوجود المحترفين من حوله وليس لاعبي الحواري بدون ذكر اسماء |
غريبه هذه الحمله على لاعبي الهلال سالم ونواف مع انهم كانوا نجوم المباراه! تنتقد وتقول سالم ونواف عزلوا المهاجم ليو! ولا تنتقد على كورتين قدام باب الخصم ضيعها ليو!! الاولى سطحها فوق المرمى الثانيه شاتها في الشباك الجانبي رغم انه على خط السته؟! او الاجانب ما تنتقدوهم لانكم عارفين موسمين او ثلاثه وبيروح!! ليو مهاجم اتمنى يكون قد طموح الهلال ويخدم اولا واخرا خطه المدرب وماراح يظهر من اول مباراه وممكن يظهر مع ارتفاع رتم المشاركات. اما انكم تنتقدو لأجل تخريب صف وجو الهلال فهذه بدري عليكم والاداراه لله الحمد والشكر واعيه وفاهمه وتعرف امورها وامور لاعبينهم. حملتكم فاشله وراح تفشل باذن الله مو جديد نشوف مثل هالمواضيع الغير مفيده ولا لها اي داعي او حتى رؤيه فنيه كل همها واهدافها معروفه ومافي داعي ادخل في النوايا. |
| الوقت المعتمد في المنتدى بتوقيت جرينتش +3.
الوقت الان » 11:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd